1. 2-Маъруза. Дастурий таъминотни яратиш жараёни ва модели режа

1.2-Маъруза. Дастурий таъминотни яратиш жараёни ва модели
РЕЖА:

1. 
   Дастурий таъминотни яратиш.
   
2. 
   ДТни яратиш жараёни модели.
   
3. 
   ДТни яратишга харажатлар.
   
4. 
   Сифатли ДТ характеристикалари
   
5. 
   ДТ мутахассислари олдида турган асосий муаммолар.
   

Машғулот мақсади:

• 
  ДТ яратишдаги асосий жараёнлар ҳақида тушунча эга бўлиш;
  
• 
  ДТИ метод ва технологиялари билиб олиш;
  
• 
  Сифатли ДТ характеристикалари ҳақида тушунча эга бўлиш;
  
• 
  ДТ мутахассислари олдида тупган асосий муаммолар тушуниб олиш.
  

1. Дастурий таъминотни яратиш.
ДТни яратиш – ДМ яратишга олиб келадиган жараёнлар мажмуи. Бу жараёнлар асосан ДТИ технологияларига таянади.
ДТни яратишнинг тўртта асосий жараёнлари мавжуд.

1. 
   ДТга талаблар таснифи. Талаблар тизимнинг асосий характеристикаларини ифодалайди ва бу талаблар бажарилиши шарт.
   
2. 
   ДТ яратиш. Асосий таснифлар бўйича ДТни ишлаб чиқиш ва яратиш.
   
3. 
   ДТ аттестацияси. Яратилган ДТнинг буюрмачи талабларига мос келишини тасдиқлаш мақсадида аттестациядан ўтказилади.
   
4. 
   ДТ такомиллаштириш (модернизация). ДТ буюртмачи (истеъмолчи)нинг ўзгарган талаблари асосида такомилаштириш (модернизация қилиш) имкониятига эга бўлиши керак.
   

Дастурий лойиҳаларни ишлаб чиқишда бу жараёнлар хар хил усулларда ташкил этилиши ва хар хил сатҳларда соддалаштирилиши мумкин. Бу жараёнларни амалга ошириш даври давомийлиги бир хил эмас.
ДТ тайёрлаш билан шуғулланадиган ташкилотлар турли хил жараёнлардан фойдаланадилар.
Умуман олганда ушбу жараёнлар бир хил типдаги ДТни яратишда яхши самара беради, ҳар хил ДТ учун эса самара бармаслиги мумкин.Фаолият давомида мос келмайдиган жараёнлар танланиши ДТ сифатининг пасайишига таъсир кўрсатиши мумкин.