4-BILET
1. Yangi tahrirdagi Konstitutsiyaga advokat kasbiy faoliyati erkinligining kafolatlariga
oid qanday yangiliklar kiritildi?
Javob:Shu bois yangi tahrirdagi Konstitutsiyamizning 142-moddasida:
birinchidan, advokat o‘z kasbiy vazifalarini amalga oshirayotganda uning faoliyatiga
aralashishga yo‘l qo‘yilmaydi, degan yangi norma kiritildi. Advokatning
kasbiy faoliyatiga
aralashishga yo‘l qo‘yilmasligining konstitutsiyaviy darajada mustahkamlanishi kuchli
advokatura tizimini yaratishga, shuningdek “hech bir idora advokatlarning faoliyatiga to‘sqinlik
qilmasligi shart” degan g‘oyani to‘laqonli amalga oshirishga xizmat qiladi;
ikkinchidan, advokatga o‘z himoyasidagi shaxs bilan
moneliksiz va xoli uchrashish,
maslahatlar berish uchun shart-sharoitlar ta’minlanishi mustahkamlandi. Mazkur progressiv
norma advokatning kasbiy vazifalarini lozim darajada amalga oshirishini kafolati sifatida o‘z
himoyasidagi shaxs bilan u ushlangan paytdan boshlab qonunchilikda
belgilangan tartibda xoli
uchrashuvlar o‘tkazishga va unga turli bosimlarsiz huquqiy yordam ko‘rsatishga imkon yaratadi;
uchinchidan, advokat, uning sha’ni, qadr-qimmati va kasbiy faoliyati davlat himoyasida
bo‘lishi va qonun bilan muhofaza qilinishiga oid norma mustahkamlandi.
Bu orqali davlat
advokatlar xavfsizligiga tahdid bo‘lgan holatlarda ularning himoyasini ta’minlaydi, ularning o‘z
kasbiy majburiyatlarini bajarishlari uchun zarur bo‘lgan barcha huquqlaridan to‘liq
foydalanishlariga imkon yaratadi. Mazkur qoidalar advokatning shaxsi daxlsizligini kafolatlash
hamda advokat faoliyatiga nisbatan noqonuniy aralashishni taqiqlash
orqali uning kasbiy
faoliyati erkinligini ta’minlashga xizmat qiladi.
Do'stlaringiz bilan baham: