1. Ijtimoiy-madaniy masalalar / Mehnat. Aholining bandligi

T/r	Shifr
Ta’lim yo‘nalishlari nomi
1.	60110600	Matematika va informatika
2.	60110700	Fizika va astronomiya
3.	60110800	Kimyo
4.	60110900	Biologiya
5.	60111000	Geografiya va iqtisodiy bilim asoslari
6.	60111400	O‘zbek tili va adabiyoti
7.	60111500	Ona tili va adabiyoti (tillar bo‘yicha)
8.	60111600	O‘zga tilli guruhlarda o‘zbek tili
9.	60111700	O‘zga tilli guruhlarda rus tili
10.	60111800	Xorijiy til va adabiyoti (tillar bo‘yicha)
11.	60112000	Chaqiriqqacha harbiy ta’lim
12.	60112500	Maktab menejmenti
13.	60112600	Maktabgacha va boshlang‘ich ta’limda xorijiy til (tillar bo‘yicha)
14.	60112700	Maxsus pedagogika (faoliyat turlari bo‘yicha)

O‘zbekiston Respublikasi Prezidentining 2022-yil 21-iyundagi PQ-289-son qaroriga
2-ILOVA
2022 — 2026-yillarda pedagog kadrlar tayyorlovchi oliy ta’lim muassasalari faoliyatini takomillashtirish bo‘yicha
“YO‘L XARITASI”

T/r	Chora-tadbirlar nomi	Amalga oshirish mexanizmi	Bajarish muddati	Moliyalashtirish manbai	Ijro uchun mas’ullar
I. O‘quv jarayonini takomillashtirish, yangi pedagogik texnologiyalar va o‘qitish metodlarini joriy etish
1.	Pedagogika sohasi ta’lim yo‘nalishlari va mutaxassisliklari uchun o‘zgaruvchan o‘quv reja va dasturlarini joriy etish, talabalarning qiziqishlari hamda kadrlar iste’molchilarining talablarini inobatga olgan holda maxsus ta’lim dasturlari loyihalarini ishlab chiqish.	1. Pedagogika sohasi ta’lim yo‘nalishlari va mutaxassisliklari uchun o‘zgaruvchan o‘quv reja va dasturlari bo‘yicha ilg‘or xalqaro tajribalarni o‘rganish.	2022-yil 1-avgust	-	Pedagog kadrlar tayyorlovchi oliy ta’lim muassasalari, Oliy va o‘rta maxsus ta’lim vazirligi (A. Toshkulov)
		2. Xorijiy tajribalar asosida o‘zgaruvchan o‘quv reja va ta’lim dasturlari loyihalarini pedagog kadrlar tayyorlovchi oliy ta’lim muassasalari bilan hamkorlikda ishlab chiqish va ekspertizadan o‘tkazish.	2022-yil 15-avgust
2.	Xalqaro e’tirof etilgan tashkilotlar (Quacquarelli Symonds World University Rankings, Times Nigher Education yoki Academic Ranking of World Universities) reytingining, xususan sohalar va hududlar bo‘yicha birinchi 1000 talik o‘ringa kirgan xorijiy oliy ta’lim muassasalaridan professor-o‘qituvchilarni jalb etish.	1. Xalqaro e’tirof etilgan tashkilotlarning oliy ta’lim muassasalari reytingida birinchi 1 000 talik ro‘yxatga kirgan oliy ta’lim muassasalari bilan aloqalarini kengaytirish va o‘zaro hamkorlik shartnomalarini tuzish.	2022/2023 o‘quv yilidan boshlab doimiy	Oliy ta’lim muassasalarining budjetdan tashqari mablag‘lari, “El-yurt umidi” jamg‘armasi mablag‘lari	Pedagog kadrlar tayyorlovchi oliy ta’lim muassasalari, Oliy va o‘rta maxsus ta’lim vazirligi (A. Toshkulov), “El-yurt umidi” jamg‘armasi (A. Bekmurodov)
		2. O‘zaro hamkorlik asosida xorijiy oliy ta’lim muassasalarining professor-o‘qituvchilarini pedagog kadrlar tayyorlovchi oliy ta’lim muassasalari o‘quv jarayoniga jalb etish.	Har o‘quv yilida
		3. “El-yurt umidi” jamg‘armasi talablariga muvofiq, tanlov asosida magistratura va doktoranturaga o‘qishga yuborish.	2023-yil 1-oktabr
3.	Nufuzli xorijiy oliy ta’lim muassasalari bilan hamkorlikda qo‘shma ta’lim dasturlari tashkil etgan pedagog kadrlar tayyorlovchi oliy ta’lim muassasalari talabalarining hamkor xorijiy oliy ta’lim muassasasida o‘qish davri uchun to‘lov-kontrakt qiymatini qoplash.	1. Nufuzli xorijiy oliy ta’lim muassasalari bilan hamkorlikda qo‘shma ta’lim dasturlari tashkil etgan pedagog kadrlar tayyorlovchi oliy ta’lim muassasalari talabalarining to‘lov-kontrakt qiymatini qoplash tartibini belgilashga oid Vazirlar Mahkamasining qarori loyihasini ishlab chiqish va unda quyidagilarni nazarda tutish: Oliy va o‘rta maxsus ta’lim vazirligi, Xalq ta’limi vazirligi hamda Maktabgacha ta’lim vazirligi tomonidan pedagog kadrlar tayyorlovchi oliy ta’lim muassasalarining qo‘shma ta’lim dasturlarida to‘lov-kontrakt asosida ta’lim olayotgan va o‘tgan o‘quv semestrlari yakunida yuqori akademik ko‘rsatkichlarga ega bo‘lgan talabalari o‘rtasida tanlov o‘tkazish; tanlov g‘oliblari bilan ular tahsil olayotgan pedagogik mutaxassisligi bo‘yicha O‘zbekiston Respublikasining davlat maktabgacha, umumiy o‘rta, o‘rta maxsus, professional va oliy ta’lim tashkilotlarida kamida uch yil ishlab berishni nazarda tutuvchi shartnoma rasmiylashtirish va ularning to‘lov-kontrakti qiymatini Davlat budjeti mablag‘lari hisobidan qoplab berish; pedagog kadrlar tayyorlovchi oliy ta’lim muassasalarining qo‘shma ta’lim dasturlarida ta’lim olayotgan talabalarning to‘lov-kontrakt qiymatini Davlat budjeti hisobidan qoplash xarajatlari uchun mablag‘larni O‘zbekiston Respublikasining respublika budjetidan birinchi darajali byudje� mablag‘larini taqsimlovchi sifatida tegishincha Oliy va o‘rta maxsus ta’lim vazirligi, Xalq ta’limi vazirligi hamda Maktabgacha ta’lim vazirligiga ajratish.	2023-yil 1-iyul	-	Oliy va o‘rta maxsus ta’lim vazirligi (A. Toshkulov), Moliya vazirligi, (T. Ishmetov) Tashqi ishlar vazirligi (V. Norov)
		2. Hukumat qarori loyihasini o‘rnatilgan tartibda Vazirlar Mahkamasiga kiritish.	2023-yil 1-avgust
4.	Pedagogika yo‘nalishi bitiruvchilarini o‘z mutaxassisliklari bo‘yicha doimiy yashash hududlariga ishga yo‘naltirish.	1. 2021/2022 o‘quv yili bitiruvchilarini mutaxassisliklari bo‘yicha ishga joylashish holatini tahlil qilish.	2022-yil 1-sentabr	-	Pedagog kadrlar tayyorlovchi oliy ta’lim muassasalari, Xalq ta’limi vazirligi (B. Saidov), Oliy va o‘rta maxsus ta’lim vazirligi (A. Toshkulov)
		2. Bitiruvchilarni kadrlar buyurtmachilari bilan hamkorlikda o‘z mutaxassisliklari bo‘yicha ishga yo‘naltirishga qaratilgan chora-tadbirlar rejasini ishlab chiqish va amalga oshirilishini ta’minlash.	Chora-tadbirlar rejasiga muvofiq
5.	Masofaviy o‘qitish tizimini takomillashtirish.	1. Professor-o‘qituvchilar tomonidan kunduzgi, sirtqi, kechki ta’lim shakllarida o‘tkaziladigan (ma’ruza, amaliy, laboratoriya va seminar) mashg‘ulotlar videoyozuvlarining markazlashgan katalogini pedagog kadrlar tayyorlovchi oliy ta’lim muassasalarining rasmiy veb-sahifalariga joylashtirish.	2022/2023 o‘quv yilidan boshlab doimiy	-	Pedagog kadrlar tayyorlovchi oliy ta’lim muassasalari, Oliy va o‘rta maxsus ta’lim vazirligi (A. Toshkulov)
		2. Videoyozuvlarni onlayn translatsiya qilishga mo‘ljallangan elektron platformani ta’lim jarayonida qo‘llash.	2023-yil 1-yanvar
6.	Umumta’lim maktablarida pedagogika sohasiga moyilligi va qiziqishi bo‘lgan yuqori sinf o‘quvchilari uchun kasbga yo‘naltirish ishlarini faollashtirish.	1. Pedagog kadrlar tayyorlovchi oliy ta’lim muassasalariga biriktirilgan umumta’lim maktablarida pedagogika sohasiga qiziqishi bor o‘quvchilarni aniqlash. 2. Mazkur maktablarda mashg‘ulot o‘tishga yetakchi professor-o‘qituvchilar va olimlarni jalb etish.	2022/2023 o‘quv yilidan boshlab doimiy	-	Xalq ta’limi vazirligi (B. Saidov), Pedagog kadrlar tayyorlovchi oliy ta’lim muassasalari, Oliy va o‘rta maxsus ta’lim vazirligi (A. Toshkulov)
		3. Biriktirilgan umumta’lim maktablarida oliy ta’lim muassasalari talabalari uchun “Maktabda bir kun” loyihasini amalga oshirish.	Har o‘quv yili mart oyida
7.	Pedagogika sohasi ta’lim yo‘nalishlarida tahsil olayotgan talabalarni o‘quv adabiyotlari bilan to‘liq ta’minlanishiga erishish.	1. Fanlardan kam sonli va yetishmayotgan o‘quv adabiyotlarini yaratish bo‘yicha mualliflar tarkibini shakllantirish.	2022-yil 1-oktabr	Oliy ta’lim muassasalarining budjetdan tashqari mablag‘lari	Pedagog kadrlar tayyorlovchi oliy ta’lim muassasalari, Oliy va o‘rta maxsus ta’lim vazirligi (A. Toshkulov)
		2. O‘quv adabiyotlarini yaratish va nashr etish.	Doimiy
		3. O‘quv adabiyotlarini yaratishda xorijiy tajribalar va ish beruvchi korxonalardagi texnik taraqqiyot rejasiga tayanish, xorijiy adabiyotlarni tarjima qilish va mualliflarni rag‘batlantirib borish.	Doimiy
8.	Pedagog kadrlar tayyorlovchi oliy ta’lim muassasalarining o‘quv jarayonini tashkil etishda axborot-kommunikatsiya texnologiyalarini keng joriy etish.	1. O‘quv auditoriyalarini zamonaviy axborot-kommunikatsiya texnologiyalari bilan to‘liq jihozlash.	2023-yil 1-yanvar	Oliy ta’lim muassasalarining budjetdan tashqari mablag‘lari	Pedagog kadrlar tayyorlovchi oliy ta’lim muassasalari, Oliy va o‘rta maxsus ta’lim vazirligi (A. Toshkulov)
		2. Elektron jurnal, elektron davomat va elektron dars jadvali tizimidan foydalanishni yanada kengaytirish.	2023-yil 1-sentabr
		3. Kafedra o‘quv yuklamalarini tayyorlash va uning bajarilishini nazorat qilishning elektron tizimini joriy qilish.	2023-yil 1-sentabr
		4. Ta’lim tizimiga raqamli texnologiyalarni keng joriy etish, xususan: o‘quv auditoriyalarini onlayn veb-kameralar bilan to‘liq jihozlash va har bir fakultetda ma’ruza mashg‘ulotlari uchun mo‘ljallangan “SMART” auditoriyalar yaratish; har bir talabani raqamli texnologiyalarga asoslangan ID-kartalar bilan ta’minlash va shu orqali ta’lim jarayonini nazorat qilish; kutubxona fondini raqamlashtirish va elektron kutubxona tizimiga kiritish; ta’lim jarayonid� xalqaro miqyosda keng qo‘llaniladigan zamonaviy dasturiy mahsulotlardan foydalanishni yo‘lga qo‘yish.	2023-yil 1-sentabr
9.	O‘quv jarayoni boshqarishning zamonaviy axborot tizimlari asosida amalga oshirilishini ta’minlash.	1. Oliy ta’lim muassasalarining tuzilmasi, professor-o‘qituvchilar va xodimlari hamda talabalar to‘g‘risidagi ma’lumotlarning NEMIS dasturiga to‘liq kiritilishiga erishish.	2022-yil 1-sentabr	-	Pedagog kadrlar tayyorlovchi oliy ta’lim muassasalari, Oliy va o‘rta maxsus ta’lim vazirligi (A. Toshkulov)
		2. O‘qitilayotgan barcha fanlar bo‘yicha kontentlarining elektron bazasini shakllantirish va tizimga kiritib borish.	Doimiy
10.	Pedagog kadrlar tayyorlovchi oliy ta’lim muassasalarini malakali professor-o‘qituvchilar bilan to‘ldirish.	1. Nomzodlarni tanlab olish va saralash bo‘yicha Komissiya tarkibini tasdiqlash. 2. Tanlov komissiyasi tartibini ishlab chiqish. 3. Munosib nomzodlarni lavozimga tayinlash.	2022/2023 o‘quv yilidan boshlab bosqichma-bosqich	-	Oliy va o‘rta maxsus ta’lim vazirligi (A. Toshkulov), Bandlik va mehnat munosabatlari vazirligi (N. Xusanov)