1. Kompyuterge processor tańlawda nelerge itibar beriw kerek

20. Apparat táminati hám dásturiy táminat ortasındaǵı baylanıslılıq qanday.
#20 Esapalw sisteması quramı konfiguratsiya dep ataladı. Ádette esaplaw texnikasınıń apparat
hám dastúriy quralları ayırıqsha alıp úyreniledi. Sonıń ushın da mas ráwishte esaplaw sistemaları
apparat konfiguratsiyasi hám dásturiy konfiguratsiyası ayırıqsha alıp úyreniledi. Bunday bóliniw
informatsiya texnologiyaları ushın tiykarǵı áhmiyetke iye, sebebi kóp hallarda ayırıqsha alınǵan
másele sheshimin hám apparat, hám dástur quralları járdeminde táminlew múmkin.
Apparat táminatı.
Esaplaw sistemalarınıń apparat táminatı quramına, apparat konfiguratsiyanı dúziwshi
qurılma hám ásbaplar kiredi.Zamanagoy kompyuter hám esaplaw kompleksleri blok-modulli
konsturktsiyadan ibarat. Málim jumıslardı orınlawǵa zárúr bolǵan apparat konfiguratsiyanı tayın
blok hám bóleklerden jiynap alıw múmkin.
Qurılmalardıń, oraylıq protsessorǵa (Central Processing UNIT, CPU) salıstırǵanda
jaylasıwına qarap sirtqı hám ishki qurılmalarǵa ajıratamız.
Sırtqı qurılmalar, qaǵiyda boyınsha, maǵlıwmatlardı kiritiw hám shıǵarıw qurılmalarıdır,
olardı ádette periferik qurılmalar dep te ataydı. Bunnan tısqarı maǵlıwmatlardı uzaq saqlawǵa
móljellengen qurılmalar hám sırtqı qurılmalarǵa kiredi.
Ayırıqsha blok hám bólekler arasındaǵı kelisiwsheńlik, birgelikte islewdegi
maslasıwshańlıq, apparatı interfeys dep atalıwshı ótiw apparat-logikalıq qurılmaları járdeminde
orınlanadı. Esaplaw texnikasındaǵı apparat interfeysine belgilengen standartlar protokollar delinedi.
Solay etip, protokol-bul qurılma jaratıwshıları tárepinen, bul qurılmanıń basqa qurılmalar menen
nátiyjeli hám kelisilgen xalda birgelikte islewi ushın, islep shıǵarılatuǵın texnik shártler birlespesi.
Dásturiy táminat OS
Dástur – buyrıqlardıń tártiplengen izbe-izligidir. Kompyuter ushın dúzilgen hár dástúr
wazıypası-apparat qurallardı basqarıwdır. Birinshi qarasta dástúrdıń qurılmalar menen hesh qanday
baylanıslıǵı joqtay kórinedi, yaǵnıy máselen, dástúr kiritiw qurılmalarınan maǵlıwmat kiritiwdi hám
shıgarıw qurılmalarına da maǵlıwmat kiritiwdi hám shıgarıw qurılmalarına da maǵlıwmat
shıgarıwdı talap qılmasada, baribir onıń jumısı kompyuterdıń apparat qurılmaların basqarıwǵa
tiykarlanǵan.
Kompyuterde, dasturiy hám apparat táminat, hár dayim úzilmes baylanısta isleydi. Biz bul
eki kategoriyanı ayırıqsha kórip shıǵıp atırǵanımizǵa qaramastan, olar arasında dialektik baylanıs
barlıǵı hám olardı ayırıqsha kórip shıǵıw shártli ekenligi esten shıǵarmaslıq kerek.