1-ma’ruza. Kirish. Fanning maqsadi, vazifasi va ahamiyati reja

Mahsulot tayyorlash. O‘simlikdan ikki xil mahsulot tayyorlanadi: serbargli er ustki qismi va ochilmagan g‘unchalar. Er ustki qismini iyul oyining boshlarida (o‘simlik bargi yashil paytida) o‘simlikning yog‘ochlanmagan qismi o‘roq bilan o‘rib olinadi. G‘unchalari esa avgust oyining ikkinchi yarmida, o‘simlik barglari to‘kilib ketgan davrda yig‘iladi. Funchalarni yig‘ish uchun ham o‘simlikning yuqori qismi o‘rib olinadi. Yig‘ilgan mahsulotni 1-2 kun to‘plab qo‘yib, so‘ngra xirmonda yaxshilab quritiladi va maydalab, yog‘och qismidan ajratib olinadi. Natijada ikki xil: barg va mayda shoxchalar aralashmasi hamda g‘u nchalardan iborat toza mahsulot hosil bo‘ladi. O‘simlikning asosiy ta’sir etuvchi birikmasi - santonin ayniqsa darmana g‘unchasida ko‘p to‘planadi. Darmana gullay boshlashi bilan santonin juda kamayib ketadi, mevada mutlaqo qolmaydi. SHuning uchun gullagan o‘simlikdan mahsulot tayyorlanmaydi. Tayyorlangan mahsulotni santonin olish uchun CHimkent shaxridagi farmatsevtika zavodiga yuboriladi. Funchadan iborat mahsulotning bir qismi qayta tozalanib, darmana urug‘i - Semen Cinae (g‘uncha urug‘iga o‘xshaydi, lekin bu nom botanika nuqtai nazaridan to‘g‘ri emas) nomi bilan dorixonalarga yuboriladi.