1-ma`ruza mavzu: Biotexnologiyaning asosiy tushunchalari va ta’rifi
Download 1.55 Mb. Pdf ko'rish
|
biotexnologiya ma\'ruza
- Bu sahifa navigatsiya:
- 1. Sanoat biotexnologiyasi.
- 2. Hujayra injenerligi.
- 3. Gen injeneriyasi.
Hozirgi zamon biotexnologiyasi gen va hujayra injenerligi usullari genetik
transformatsiya qilingan obyektlarni yaratish texnologiyalari, ular orasida turli mahsulotlarni ishlab chiqarishdir. Klassik biotexnologiya esa tabiiy biologik obyektlardan foydalangan holda turli moddalarni ishlab chiqarish usullari va texnologiyalaridir (non pishirish, pivo, vino, sirka, qatiq tayyorlash). Zamonaviy biotexnologiya hozirgi davrga kelib keng ko’lamda rivojlandi va qator bo’limlari vujudga keldi, masalan: 1. Sanoat biotexnologiyasi. Bunda biotexnologik jarayonlar amalga oshishining umuiy tamoyillari o’rganiladi, biotexnologiyaning asosiy obyektlari va uni qo’llash mumkin bo’lgan sohalar, mikroorganizmlar ishlatiladigan bir qator keng ko’lamli sanoat biotexnologiyasi bilan tanishiladi. 2. Hujayra injenerligi. Bu qismning asosiy maqsadi – hujayra kulturasini olish va bu obyektlardan amaliyotda foydalanish bilan tanishtirishdir. Bunda hayvon va o’simlik hujayralari kulturasini olish usullari bilan tanishtiriladi. Hujayra biotexnologiyasi yordamida seleksiyada chidamli, mahsuldorlik va sifatli o’simlik va hujayralarning muhim formalari va liniyalarini olish, qimmatli genotiplarni ko’paytirish, oziq ovqat, yem va tibbiyotda ishlatiladigan qimmatli biologik faol moddalarni olish tezlashdi. 3. Gen injeneriyasi. Zamonaviy biotexnologiyaning asosiy yutug’i genetik transformatsiya, ya’ni begona gen va boshqa irsiy belgilarni tashuvchi materiallarni mikroorganizmlar, o’simlik va hayvon hujayralariga o’tkazish, yangi belgi va xususiyatli transgen organizmlarni olishdir. Zamonaviy biotexnologiya 1953-yilda Djeyms Uotson (AQSH) va Frensis Kriklar (Angliya) ning DNK molekulasini qo’sh spiralining fazoviy tuzilishi to’g’risidagi kashfiyotidan so’ng boshlandi. 1972-yilda Pol Berg rahbarlik qilib turgan laboratoriyada DNKning rekombinant molekulasi sintez qilingandan keyin biotexnologiyada yangi strategik yo’nalish paydo bo’ldi. Bu esa zamonaviy biotexnologiya fanida inqilobiy burilish yasadi. Yuksak kashfiyotlar oralig’idagi tadqiqotlar mashhur olimlar G.Boyer, S.Koen, D.Morr, A.Bayev, A.Belozerskiy, O.Eyveri, G.Ga-mov, K.Koran, FJakob, J.Mono, J.Bekvist, Yu.Ovchinnikov, A.Spirin, R.Petrov va boshqalar tomonidan genlar va fermentlarning identiflkatsiyasi, o’simlik, mikrob, hayvon hujayralaridan DNK molekulasini ajratish, genetik kodning o’qilishi, prokariot va eukariotlarda genlarning ekspressiya mexanizmlari, oqsil biosintezining kashf etilishiga bog’liq ishlar bilan to’ldirildi. O’tgan asrning 50- yillariga kelib, biotexnologiyada yana bir muhim yangi yo’nalish - hujayra muhandisligi vujudga keldi. Uning asoschilari P.F.Uayt (AQSH) va D.Gotre (Fransiya)lardir. Ularning bu yo’nalish-ning davomchilari sifatida A.Kursanov, R.G.Butenkolar (Rossiya) tomonidan yaratilgan maktabga juda ko’plabyosh mutaxassislarni jalb etish orqali amalga oshirilgan sohaga oid tadqiqotlarini ko’rsatish mumkin. Gen va hujayra muhandisligi zamonaviy biotexnologiyaning asosiy yo’nalishlarini belgilab berdiki, undagi usullar o’tgan asrning 80-yillarida juda rivojlanib, fan va ishlab chiqarishning ko’plabsohalarida keng qo’llanila boshlandi. Biotexnologiyaning ilmiy va amaliy yutuqlari zamonaviy fanda juda yuqori darajada amalga oshirilishi fundamental izlanishlar bilan chambarchas bog’liq. Qo’yidagi sxemada biotexnologiyaning boshqa fanlar asosida shakllangan sohalari ifodalangan. Biotexnologiyada yangi ishlanmalarni yaratish, rivojlantirish va jarayonlardan optimal foydalanish maqsadida kimyo, mikrobiologiya, biokimyo, molekulyar biologiya, kimyoviy texnologiya va kompyuter texnikasi metodlaridan keng foydalaniladi. Download 1.55 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling