1-mavzu. Qurilishda bahoni shakllantirishning umumiy masalalari. Qurilishda narxlarni shakllantirish usullari

T – ob’ekt qurilishining normativ mehnat sarfi, resurs smetasi bo‘yicha aniqlanadi, kishi-soat;
Sch – ishchilarning bir soat uchun o‘rtacha ish haqi, ob’ektning dastlabki bahosini aniqlashda, mintaqa bo‘yicha quruvchilarning o‘rtacha oylik ish haqining miqdori asosida hisoblanadi;
Kss – ijtimoiy sug‘urtaga ajratiladigan to‘lovlar miqdorini hisobga oluvchi koeffitsient.
Bir soat uchun o‘rtacha ish haqi quyidagi formula bo‘yicha hisoblanadi:
Sch = Zms : F
bu erda:
Zms – avvalgi 12 oy uchun statistika ma’lumotlari asosida aniqlangan quruvchilarning mintaqa bo‘yicha o‘rtacha oylik ish haqi, so‘m/oy;
F – O‘zbekiston Respublikasi Mehnat va aholini ijtimoiy muhofaza qilish vazirligining ma’lumotlari bo‘yicha ishchi vaqtining soatda berilgan o‘rtacha oylik fondi.
Ob’ekt qurilishining dastlabki narxini aniqlashda mashina va mexanizmlar ekspluatatsiyasi uchun joriy narxlarda sarflanadigan xarajatlar quyidagi formula yordamida hisoblanadi:
Sem = Em x Spr,
bu erda:
Em – mashina va mexanizmlar ekspluatatsiyasining soatlarda berilgan hajmi;
Spr – mashina va mexanizmlar ekspluatatsiyasining soat/so‘m dagi joriy narxlari.
Vaqtinchalik bino va inshootlarga sarflangan xarajatlar, qishki mavsumdagi narxlarning o‘sishi SHNQ 4.09-06 “Vaqtinchalik binolar va inshootlarning smeta xarajatlari normalari” va SHNQ 4.07-06 “Qish paytida bajariladigan qurilish-montaj ishlari sarfiga qo‘shimcha smeta normalari to‘plami” asosida aniqlanadi.
Ob’ektning dastlabki bahosini belgilashda boshqa xarajatlarning narxini quyidagi formula bo‘yicha qurilish-montaj ishlarining narxiga nisbatan foizlarda qabul qilish tavsiya qilinadi:
Pp = (Sm + Szp + Sem + Sp) x U,
bu erda:
Sm – qurilish materiallari, mahsulotlari va konstruksiyalari uchun sarflangan xarajatlar;
Szp – ijtimoiy sug‘urta uchun to‘lovlar bilan birga hisoblangan asosiy ish haqi uchun sarflangan xarajatlar;