10113 Pensiyalar, ijtimoiy nafaqalar, kompensatsiyalar va boshqa to‘lovlarni berish bo‘yicha maxsus kassalardagi naqd pullar
Hisobvaraqning ta’rifi: Xalq banki filiallarining kassirlari tomonidan pensiyalar, ijtimoiy nafaqalar, kompensatsiyalar va boshqa to‘lovlarni to‘lash uchun hisobdorlik asosida olingan naqd pullarning hisobi. Naqd pul qoldig‘i pensiyalar, ijtimoiy nafaqalar, kompensatsiyalar va boshqa to‘lovlar to‘liq berib bo‘lingunga qadar saqlanadi. Obyektiv sabablarga ko‘ra to‘lanmay qolgan summa 10101 — “Aylanma kassadagi naqd pullar” hisobvarag‘iga o‘tkaziladi yoki kechki kassaga topshiriladi.
Hisobvaraqning debeti bo‘yicha kassirlar tomonidan pensiyalar, ijtimoiy nafaqalar, kompensatsiyalar va boshqa to‘lovlarni to‘lash uchun hisobdorlik asosida olingan naqd pullar aks ettiriladi.
Hisobvaraqning krediti bo‘yicha pensiyalar, ijtimoiy nafaqalar, kompensatsiyalar va boshqa to‘lovlarning haqiqatda to‘langan summasi aks ettiriladi.
Tahliliy hisob har bir kassir bo‘yicha alohida yuritiladi.
10196 Chet el valyutasini sotib olish uchun Markaziy bankdan olingan naqd pullar zaxirasi va jismoniy shaxslardan sotib olingan chet el valyutalari
Hisobvaraqning ta’rifi: Markaziy bankdan chet el valyutasini xarid qilish uchun olingan naqd pul mablag‘larining va jismoniy shaxslardan ayirboshlash shoxobchalari orqali olingan chet el valyutalarning hisobi.
Hisobvaraqning debetida so‘m kitobida O‘zbekiston Respublikasi Markaziy banki yoki Markaziy bankning hududiy Bosh boshqarmalari farmoyishiga asosan va/yoki boshqa tijorat banklari tomonidan ajratiladigan naqd pul mablag‘lari summasi yoxud bankning aylanma kassasidan hisoblab o‘tkaziladigan naqd pul mablag‘lari, shuningdek valyuta kitobida xarid qilingan chet el valyutasi summalari aks ettiriladi.
Hisobvaraqning kreditida so‘m kitobida chet el valyutasini xarid qilishga hisobdan chiqarilgan naqd pul mablag‘larining yoki Markaziy bankning hududiy Bosh boshqarmalari va/yoki boshqa tijorat banklariga O‘zbekiston Respublikasi Markaziy banki yoki Markaziy bankning hududiy Bosh boshqarmalari farmoyishiga asosan o‘tkazilgan summalari, shuningdek valyuta kitobida xarid qilingan chet el valyutasi summalari aks ettiriladi.
Tahliliy hisob alohida shaxsiy hisobvaraqlarda olib boriladi.
Do'stlaringiz bilan baham: |
