1. Pedagogikalıq texnika haqqında maǵliwmat. Pedagogikalıq texnikanıń qásiyetleri

Oqitiwshiniń pedagogikaliq texnikasi – pedagogikaliq iskerliginiń shólkemlestirgen halati bolip, qol menen tutip bolmaytuǵin uzaq dóretiwshilik izleniwler hám azap-aqiretli halatlardi bastan ótkeriwi, tinimsiz pedagogikaliq iskerlik, oqitiwshiniń parasati, bilimi hám sheberligi menen ámelge asirilatuǵin qizǵin dóretiwshlilik miynetiniń ónimi.
Pedagogikaliq texnikani iyelewdiń zárúr qásiyetlerden biri bolip, oqitiwshilardiń óz kásiplik texnikasin jetik iyelep, rajawlandirip bariwina hám óz kásiplik iskerliginen qanaatlaniwdi seziwge alip keledi. Bulardiń barliǵi oqitiwshilardiń tinimsiz pedagogikaliq miyneti sebepli júzege keledi.
Oqitiwshiniń sirtqi kórinisi pedagogikaliq texnikasin kórsetiwshi zárúr ózgesheliklerden biri. Hárqanday insanniń sirtqi kórinisi atrapindaǵilar estetikaliq máni hám zawiq inam etip, hardayim itibarda boliwin umitpawi kerek. Oqitiwshiniń sirtqi kórinisin tiykarinan kórsetiwshi zárúr ózgeshelikleri oniń kelbetinde miyirmanliq, saldamanli, júriwinde basiqliq, tábiyiylik.
Mimika – bul óz pikirlerin, keypiyatin, halatin, sezimlerin, kóz hám kelbetin muskulleriniń háreketi menen bayan etiw óneri. Oqitiwshi kelbetiniń hám názeriniń ańlatpasi oqiwshilarǵa úlken tásir kórsetedi.
Mimika háreketler, ańlatpalar maǵliwmatlardiń sezimlik áhmiyetin kúsheytip, olardi tereń ózlestiriw imkaniyatin beredi. Oqiwshilar oqitiwshiniń qarim-qatnasi hám is-háreketleri qarap keypiyatin, múnásebetin tezde uǵip aladi. Soniń ushin shańaraqtaǵi bazi qolaysizliqlar, sezimge beriliw, ǵam táshwishtiń oqitiwshi júzinde hám mimika belgilerinde ańlatiliwi múmkin emes. Sebebi bul qolaysizliqlar oqitiwshiniń pedagogikaliq iskerligine sabaq shiniǵiwlarin jetik orinlawda óziniń unamsiz tásirin kórsetedi.
Oqitiwshi dáslep tárbiyashi sipatinda ózinde joqaridaǵi tájiriybelerdi qáliplestiriw, olardiń mazmunin tereń ózlestirip, pedagogikaliq texnikani iyelewdiń imkaniyatlarinan paydanaliwi kerek. Sonda ol oqitiwshini pedagogikaliq sheberlikke qaray jetekleydi. Sonday etip, oqitiwshiniń sirtqi kórinisi hám pedagogikaliq texnikaniń zárúr qásiyetlerden biri bolip – tárbiyalaniwshilarǵa kórip, esitip turǵan nárselerdi erkin pikirlew arqali, óz pikirlerin ǵarezsiz, oqitiwshiǵa jetkeriw imkaniyatin beredi. «Tárbiyashi shólkemlestiriwdi, júristi, házillesiwdi, quwnaq yáki ashiwshaq boliwdi biliwi lazim, ol ózin sonday tutiw kerek, oniń hár bir háreketi, júris turisi, kiyiniwi balalardi tárbiyalasin» - dep jazǵan edi ataqli pedagog A.S.Makarenko.