1-Shınıǵıw. Berilgen tekstten frazeologizmlerdi anıqlań

1-Shınıǵıw. Berilgen tekstten frazeologizmlerdi anıqlań.
Bulardıń geyparaları báne tawıp, Erjannıń sulıw kelinsheginiń qolınan shay iship, ay júzin kórip ketiwge keledi: «Háy, bále Erjan, sen Aymerekeni bılay-bılay qaratpadıń-aw» dep qızǵanıshın da bildirip ketedi. (G.E.) Ol kóziniń jasın bulap, kir-kir kóyleginiń jeńi menen sıpırıp, birazǵa deyin óksigin basalmay, júregi búlk-búlk etip soqtı. (Ó.H.) Qay waq kórseń Salipa apa qolında medikomentleri menen shprits qutısın qoltıqlap «bir bala awırıp qaldı, soǵan zırlap baratırǵanım» dep ana iyni menen mına iynine qaramastan úylerge kirip júrgenin kóreseń. (G.E.) Kúnlerdiń bir kúninde, jıllardıń bir jılında qısqa tamanlaw aspannan japalaqlap jawǵan aq undı adamlar sıpırıp-sıyırıp alıp atırǵan bir waqıtta, elden bir tentek shıǵıp zayalaǵan. (Ó.Ó.) Sol zamatta shıptadan orta boylı, qara torı, jırtıq bóz kóyleginen qursaǵı kóringen bir hayal maydanǵa juwırıp shıqtı. (Ó.X.)
báne tawıp, qolınan shay iship, ay júzin, júregi búlk-búlk, zırlap baratırǵanım, aq undı,
2-Shınıǵıw. Tekstten frazaologizmlerdi sóz shaqapları boyınsha tabıń hám tallań.
Ishke kirip-shıǵıp júrgen xızmetker jigit sırttaǵı altı-jeti jaslar shamasındaǵı eki balanıń ne islep, ne qoyıp júrgenine itibar awdarǵan joq edi... (A.S.) Shoq saqallı, orta boylı, duǵıjım, perishtesi basım, ısıq júzli, miyrim-shápáátli, júdá sulıw adam eken. Ol kisiniń otırıp turıwın kóziń ilmeydi. (G.E.) Ol kele sala jipke asılǵan jigittiń qolın jazdırıp, aldına tarttı:
– Hiy, aǵası, kún qurı emes, qudaytalaǵa nalısh etip, muń shaǵasań. Sonnan bir nárse shıqsa sirá! Sol qudayımnıń ózi de joq, isen-isenbe. óziń bil. Basqa salǵanǵa kóne ber, ırıl-tırıl ómir degen bul, bir kún olay, bir kún bılay óte beredi, aǵası... (Ó.X.)
kóziń ilmeydi-feyil, muń shaǵasań-feyil, Basqa salǵanǵa-toliqlawish,