1. Tema. Salistiriw pedagogikasi pa`ninin` predmeti, maqseti ham waziypalari reje

Mektepke shekemgi ta`rbiya Amerika bay ma`mleket. Biraq bul ma`mlekette balaar jasina tolg`ansha analarg`a tu`rli ekonomikaliq ja`rdemler ko`zde tutilmag`an. Perzentlerine qarap u`yinde otirama yamasa xizmetker jallap jumisqa tu`seme bul analardin` isi. O`zbekstandag`i siyaqli ken` ha`m iqsham, eki qabatli, oynaytug`in, uyiqlaytug`in, awqatlanatug`in ayirim xanalari bar bolg`an baqshalar ha`m yasliler Amerikada a`det tu`sine kirgen emes. Xizmetker jallaw shan`araq ushin ha`ptesine 20 dollardan kemge tu`speydi. Bul ma`mlekette 30-40 balag`a arnalg`an jeke ha`m ma`mleket qaramag`indag`i baqshalar bar. Olar xizmetker jallawdan biraz arzaniraq tu`sedi. Biraq eki jag`dayda da u`yden alip barg`an awqatlardi jediredi. Krovat, ko`rpe to`sek ko`pshiklerin ata-analari aparip beredi. Amerikada bizlerdegidey tag`amnamalar ha`m oqiw da`stu`rleri joq. Lekin balalar ushin haqiyqiy ta`lim ta`rbiya protsessii olar 5 jasqa tolg`annan keyin baslanadi. A`ne sol jasta olar G`Kinder gardenG` dep ataliwshi tayarlaw baqshalarina jalp etiledi. AQSh televideniesinin` ayriqsha kanalinda G`Sezam ko`shesiG` dep atalatug`in ko`rsetiw beriledi, ol oqiwshilarg`a inglis tili, ha`riplik, arifmetika a`mellerin bejeriw, sanaw, oqiw, geografiya, tariyx boyinsha bilimlerdi qiziqli ta`rizde sin`diriwge ha`reket etedi. Amerika ko`p milletli ma`mleket. Biraq ha`r bir millet o`z perzentine milliy u`rp a`detlerin, tilin u`yretiwge u`lken a`hmiyet beredi. O`zbeklerde o`z ana tilin, u`rp-a`detlerin, dinin o`z perzentlerine sin`diriwge umtiladi. O`zbek balalarida Orayliq Aziyada o`z ma`mleketi bar ekenligin biledi. Og`an umtiladi, ol haqqinda da ko`p na`rselerdi biliwdi qa`leydi. O`zbekstang`a keliw ha`r bir Amerikaliq o`zbeklerdin` ulli a`rmani. Joqarida aytip o`tkenimizdey mektepke shekemgi ta`rbiya mekemelerinin` jeke tu`rleride bar. Biraq ol Yaponiyadag`iday rawajlang`an emes. Amerikada menshik baqshalar endi g`ana ma`mleketlik da`stu`rge kirgizilgen. Amerikada oqiwshilardin` o`z pikirin so`zde toliq aniq tu`sindirip bere aliwg`a o`zligin an`law, o`z qa`dir-qimbatin biliw, talantin sirtqa shig`ariw sezimlerin ta`rbiyalawg`a u`lken itibar beriledi. Balalarda sonday sezimlerdi payda etiw kishi jastan baslanadi.