11. Payvandlash transformatorlari

---

11. Payvandlash transformatorlari.
Elektr yoyi vositasida payvanlash uchun ishlatiladigan maxsus maqsadli transformatorlarni 
odatda payvandlash transformatorlari deb yuritiladi.
Payvandlash transformatorlari 2 rejimda ishlashga mõljallangan: salt ishlash va yuklangan 
rejimda. 
Salt ishlash rejimida payvandlash transformatorlarining birlamchi chulğam kuchlanishi 
220 yoki 380 V, ikkilamchi chulğam kuchlanishi 60-70 V, yuklangan rejimda esa (payvandlash 
vaqtida) ikkilamchi chulğam kuchlanishi 20-30 V ta’minlanadi. 
Payvandlash transformatorlari payvandlashning turiga qarab turli konstruktsiyada 
tayyorlanadi. Ular elektr yoyi yordamida yoki kontakt usulida payvandlash qurilmalarida 
ishlatiladi. Payvandlash transformatori tarmoq kuchlanishini pasaytiruvchi oddiy bir fazali ikki 
chulğamli transformatordir. Bunday transformator uchun ikkilamchi chulğamning qisqa
tutashish sharoitida ishlashi me’yordagi sharoit hisoblanadi. Qisqa tutashish tokining qiymatini
kamaytirish maqsadida chulğamlarning induktiv qarshiligi katta qilib tayyorlanadi. Shuning 
uchun payvandlash transformatorlarining quvvat koeffitsienti kichkina buladi. Induktiv 
qarshilikni kattalashtirish uchun bunday transformatorlarda maxsus konstruktsiyadagi chulğam
yoki ikkilamchi chulğam zanjiriga qõshimcha induktiv qarshilik ulanadi. Chulğamning induktiv 
qarshiligini oshirish uchun sochilma oqim qiymatini kattalashtirish lozim. Buning uchun
chulğam õzakning ikkita yoki bitta sterjenida turli balandlikda õrnatiladi. Magnit õtkazgichda 
magnit shuntlarni qõllash ham sochilma oqimni va chulğamning induktiv qarshiligini ancha
oshiradi (11.1- rasm, a). 
Payvandlash transformatorining ikkilamchi chulğamining kuchlanishi 60 ... 70 V va
nominal yuklama bilan ishlaganda 30 V bõladi. Elektr yoyning uzluksiz va turğun yonib turishi 
uchun zanjirda tok deyarli õzgarmasligi, induktivlik esa ancha õzgarishi lozim. Payvandlash 
zanjirida tokni rostlash uchun transformatorning ikkilamchi chulğamiga magnit õtkazgichli
induktiv ğaltak ketma-ket ulanadi (11.1- rasm, b). 
Payvandlash toki induktiv ğaltakning reaktiv qarshiligini õzgartirib rostlanadi. Tok 
qiymati elektrod diametriga qarab tanlanadi. Induktiv ğaltakning õzagi qõzğalmas va
qõzğaluvchan qismlardan iborat. Ğaltakning reaktiv qarshiligi uning qõzğalmas va qõzğaluvchan 
õzaklari orasidagi masofaga boğliq bõladi. Havo oraliği katta bõlsa, ğaltakning reaktiv qarshiligi 
ortadi va natijada zanjirda tok qiymati kamayadi va aksincha (havo oraliği va tok qiymati teskari 
proportsional). Havo oraliğini õzgartirib zanjirda payvandlash tokini 70 A dan 300 A.-gacha 
õzgartirish mumkin. Payvandlash vaqtida ikkilamchi chulğam kuchlanishi 30 V.-gacha kamayishi
mumkin. 
11.1- rasm. a) magnit shuntli payvandlash transformatori,
b) reaktiv ğaltakli payvandlash transformatori. 

---

11.2- rasm. Payvandlash transformatorining tashqi xarakteristikasi. 
Bitta transformator bir nechta payvandlash apparatini ta’minlashi mumkin, lekin har bir 
apparat õzining alohida reaktiv ğaltagiga ega bõlishi kerak. Reaktiv ğaltak payvandlash 
qurilmasining tashqi xarakteristikasini keskin tushuvchi qilib uning egriligini oshiradi (11.2- rasm, 
b). Amalda induktiv ğaltak transformator bilan bir butun qurilma sifatida tayyorlanishi ham 
mumkin. Turli sohalarda STE-22, STE-34, STN-500 va boshqa markali payvandlash 
transformatorlari keng ishlatiladi. STE-34 markali payvandlash transformatorining texnik 
kõrsatkichlari quyidagicha:
R
n
= 30 kVA; U
1
/U
2
= 220/60 V; I
1
/I
2
=147/500 A; salt ishlash toki 3,4%; õzak markasi
E41-0,5 mm; FIK 93%; tok zichligi 3,2 A/mm
2
.
Induktiv ğaltakniki: kuchlanishi 50 V, põlat markasi E41-0,5 mm; tok zichligi 3,48 
A/mm
2
. 
Hozirgi davrda invertorli payvandlash qurilmalaridan keng foydalaniladi. Ma’lumki, 
transformator chulğamlaridagi EYuK E=2

f

W

F formula bõyicha aniqlanganligi sababli, 
chastotani oshirsak, EYuK õzgarmas bõlishi uchun uning õramlar sonini kamaytirish mumkin. Bu 
esa odatdagi transformatorlar va impulsli transformatorlarning hajmi bir xil bõlganda impulsli 
transformator orqali kattaroq quvvat uzatish imkonini beradi. Masalan, yuqori chastotali 
kuchlanishdan foydalilganda 20 kg oğirlikdagi transformator õrniga 250-300 gr. oğirlikdagi 
transformatordan foydalanish mumkin. 
Invertorli payvandlash qurilmalarida aynan shu qonuniyatdan foydalanilishi natijasida 
odatdagidan bir necha barobar kichik transformatorlardan foydalaniladi.