11-sinf O’zbekiston tarixi Yillar

1994-yil yanvarda O‘zbekiston Respublikasi Prezidenti Qirg‘izistonda bo‘ldi. 1994-yil yanvarda Qozog‘iston Prezidenti N.Nazarboyev rasmiy davlat tashrifi bilan O‘zbekistonda bo‘ldi. 1994-yilda “O‘zbekiston temir yo‘llari” aksiyadorlik kompaniyasi tashkil etilgan.. 1994-yilda Qashqadaryo va Namangan viloyat teatrlari qoshida qo‘g‘irchoq guruhlari tashkil etildi. 1994-yilga O‘zbekistonda aholini ijtimoiy himoyalash tizimi tubdan o’zgartirildi. 1994-yilni hukumat qarori bilan mamlakatimizda Ulug‘bek yili, deb e’lon qilindi.

1994-yilning sentabridan boshlab barcha bolali oilalar uchun yagona nafaqa joriy etildi. 1995–2004-yillarda Oliy Majlis nomi bilan atalgan 250 deputatdan iborat bir palatali parlament shakllantirildi. 1995-yil fevralda O‘zbekiston “Adolat” sotsial demokratik partiyasi tuzilgan. 1995-yil Turkmaniston Davlatining Doshhovuz shahrida Orol dengizi muammosiga bag‘ishlangan uchrashuv o’tkazildi. 1995-yil yana Nukus shahrida Orol dengizi muammosiga bag‘ishlangan uchrashuv o’tkazildi. 1995-yilda Fanlar akademiyasi haqiqiy a’zoligiga oxirgi saylovlar o‘tkazilgan. 1995-yilda Vazirlar Mahkamasi “O‘zbekiston – Vatanim manim” mavzusida ko‘rik-tanlov o‘tkazish yuzasidan qaror qabul qildi. 1995-yilda YuNESKO «Bag‘rikenglik tamoyillari deklaratsiyasi»ni qabul qildi. 1995-yili iyunda O‘zbekiston Milliy tiklanish demokratik partiyasi tuzilgan.