12 маъруза бўйича мустақил ишлаш учун саволлар

12 МАЪРУЗА БЎЙИЧА МУСТАҚИЛ ИШЛАШ УЧУН САВОЛЛАР

1. Нефть ва газни қайта ишлаш технологиясида қандай мақсадларни амалга ошириш учун иссиқлик алмашиниш ускуналари ишлатилади?
2. Иссиқлик ташувчи агентлар қаторига нималар киради ва уларнинг хоссаларига қандай талаблар қўйилади?
3. Иш принципига ва ишлатиш мақсадига кўра иссиқлик алмашиниш ускуналари неча турга бўлинади?
4. Юзали иссиқлик алмашиниш ускуналари неча хил бўлади ва улардан саноатда энг кўп тарқалганлари қаторига қайсиларини киритиш мумкин?
5. Қобиқ-қувурли иссиқлик алмашгичларда қувурлар қувур тўрларига неча хил усуллар ёрдамида бириктирилган бўлади?
6. Қобиқ-қувурли иссиқлик алмашгичларда нима сабабдан иситувчи агент ускунанинг юқориги қисмидан, иситилаётган муҳит эса унинг пастки қисмидан қувурлар ичига берилади?
7. Кўп йўлли иссиқлик алмашгичларда нима сабабдан ускунанинг қопқоғи билан қувур тўрининг орасига тўсиқлар ўрнатилади?
8. Ҳароратлар фарқи 50⁰С дан катта бўлганда қувурлар ва қобиқнинг ҳар хил узайишининг йўқотиши учун иссиқлик алмашгичларнинг конструкциясига қандай ўзгартиришлар киритилади?
9. Қўш қувурли ва намланувчи иссиқлик алмашгичларнинг ўхшаш томонлари, афзалликлари ва камчиликлари нималардан иборат?
10. Змеевикли иссиқлик алмашгичлар қандай тузилишга эга ва уларнинг афзалликлари ва камчиликлари қаторига нималарни киритиш мумкин?
11. Пластинали иссиқлик алмашгичлар қандай материаллар асосида тайёрланади ва уларни иш муҳитининг ҳарорати қандай чегараларда ўзгарганда ишлатса бўлади?
12. Спиралсимон иссиқлик алмашгичларнинг ўзига хос томонлари, ишлаш, принциплари ва афзалликлари тўғрисида нималарни биласиз?
13. Ғилофли иссиқлик алмашгичларни қандай мақсадларда ишлатиш мумкин ва нима сабабдан уларнинг ичига механик аралаштиргичлар жойлаштирилади?
14. Нима сабабдан баъзи бир иссиқлик алмашгичлар қиррали қилиб тайёрланади ва уларнинг ўзига хос томонлари, афзалликлари нималардан иборат?
15. Аралаштирувчи иссиқлик алмашгичлардан қандай мақсадларни амалга оширишда фойдаланилади ва улар неча турга бўлинади?
16. Регенератив иссиқлик алмашгичларнинг иш принципларини қандай тушунтириш мумкин ва уларнинг камчиликлари қаторига қандай ҳолатларни киритса бўлади?
17. Юзали иссиқлик алмашгичларнинг иссиқлик ҳисоби қандай тартибда амалга оширилади?
18. Иссиқлик алмашгичларни конструктив ҳисоблашда уларнинг қандай ўлчамлари аниқланади?
19. Қобиқ-қувурли иссиқлик алмашгичларни гидравлик ҳисоблашдан кўзланган асосий мақсад нимадан иборат?