12. ÓNdiris, transport, baylaníS, qorǵANÍw hám basqa da maqsetlerge arnalǵan jerlerdiń huqíQÍy jaǵdayí

12. ÓNDIRIS, TRANSPORT, BAYLANÍS, QORǴANÍW HÁM BASQA DA MAQSETLERGE ARNALǴAN JERLERDIŃ HUQÍQÍY JAǴDAYÍ
12.1. Óndiris, transport, baylanıs, qorǵanıw hám basqa da maqsetlerge arnalǵan jerler haqqında túsinik, olardıń klassifikaciyası

Óndiris hám transport, baylanıs, qorǵanıw hám basqa da maqsetlerge arnalǵan jerler mámleket jer qorı sistemasında ayrıqsha ǵárezsiz kategoriyanı shólkemlestiredi. 2015-jıldıń 1-yanvar` awhalı boyınsha usı kategoriya jerleriniń maydanı 905.1 gektardı yamasa jámi paydalanılatuǵın jerlerdiń 2.02 payızın quraydı.

Ȯndiris jerleriniń huqıqıy jaǵdayı Ózbekstan Respublikası Jer kodeksiniń 69-70-stat`yaları hám ȯndiris maqsetlerine arnalǵan jerlerden paydalanıw tártibin belgilewshi arnawlı nızam astı normativ hújjetleri menen tártipke salınadı. Usı kategoriya quramına kiretuǵın jerler túsinigi Ózbekstan Respublikası Jer kodeksiniń 69-stat`yasında belgilengen. Bul boyınsha: ȯndiris maqsetlerine arnalǵan jerler degende ȯndiris kárxanalarına, sonıń ishinde kán ȯndirisi, energetika kárxanalarına óndirislik hám járdemshi imaratlar, qurılmalar qurıw ushın turaqlı paydalanıwǵa berilgen jerler túsiniledi.
Transport maqsetlerine arnalǵan jerler qatarına temir jol, ishki suw transportı, avtomobil`, hawa hám truboprovod transportı kárxanaları, mákemelerge hám shólkemlerge transport qurılmaları hám basqa ob`ektlerden paydalanıw, saqlaw, qurıw, rekonstrukciyalaw, remontlaw, jetilistiriw hám rawajlandırıw salasında olarǵa júklengen wazıypalardı ámelge asırıw ushın turaqlı paydalanıwǵa berilgen jerler kiredi.
Baylanıs maqsetlerine arnalǵan jerler qatarına baylanıs liniyaları hám olarǵa tiyisli qurılmalardı jaylastırıw ushın baylanıs, radio esittiriw, televidenie hám xabar kárxanaları, mákemeleri hám shólkemlerine turaqlı paydalanıwǵa berilgen jerler kiredi.
T
ransport maqsetlerine arnalǵan jerlerge, kabel, radiorele hám baylanıs hawa liniyaları, elektr uzatıw liniyaları ótken jerlerge, tutas jerlerde nızam hújjetleri menen belgilengen tártipte qorǵaw zonaları ornatıladı.
Qurallı kúshler, shegara, ishki isler hám temir jol áskerleriniń áskeriy bólimleri, áskeriy oqıw orınları, kárxanaları, mákemeleri hám shólkemleriniń jaylasıwı hám turaqlı jumıs islew ushın berilgen jerler 27 suwret. Ȯndiris, transport jerleri huquqɪ
qorǵanıw mútájlikleri ushın arnalǵan jerler dep táriypleydi.
Basqa maqsetlerge arnalǵan jerler qatarına kárxanalar, mákemeler hám shólkemler paydalanıp atırǵan, awıl xojalıǵına arnalǵan jerler, elatlı punktlerdiń jerleri, ȯndiris, transport, baylanıs, qorǵanıw, tábiyattı qorǵaw, salamatlandırıw, rekreaciya maqsetlerine arnalǵan hám tariyxıy-mádeniy áhmiyetke iye jerler, sonday-aq toǵay hám suw qorları jerleri quramına kirmegen qalǵan barlıq jerler kiredi.