14. Tema. Jumsaq oyınshıqlar tayarlaw reje

Shınıģıwdı úskenelew: hár qıylı reńdegi drap materiallar, paxta, jip hám iyne.
Shınıģıwdıń barısı: Tárbiyashı: balalar, bugin bizlerge kim miyman bolıp keldi? Qáne qarańlar onı tanıysız ba? Awa, tuwrı bul quwırshaq «Petrushka». Qarań bul qwģirchoq petrushkamız judá shoq ayaq oyın oynay aladı. Mine qarań (petrushkanı ayak oyınģa oynatamız). Endi balajanlar sizler menen birgelikte shoq petrushka oyınshıģın materialdan tigemiz. Men sizlerge «Petrushka» quwırshaģın tigiw usılların túsindirip kÓrsetip beremen. Birinshi bolıp Petrushkamızdıń basın tigip alamız. Basın domalaq jaģdayda tigip, moyın bÓlimi ashıq jaģdayda tigilmey qaldırıladı.
Keyin, tigilgen bas bÓliminiń ishki bÓlimi ońına awdarıladı. Bas bÓlimine paxtadan bir tegis tıģız etip salınadı, bastıń ortasınan bir barmaq keńliginde orın qaldırıladı. Mine Petrushkanıń bas bÓlimi tayar boldı. Onı bir tárepke qoyamız. Gezektegi is Petrushkanıń dene bÓlimin tayarlaw bolıp, bunıń ushın bizlerge qattı drap material kerek boladı. Onnan konus forması qırqıp alınadı.
Keyin, qırqıp alınģan konustıń bir tárepi tigiledi. Konus formasında tayarlanģan Petrushka denesi onına awdarıladı hám onıń ushı tárepii bas bÓliminiń ashıq qaldırılģan bÓlimine ornatıladı. Qarań, Petrushkamızdıń bas bÓlimi hám denesi tayar boldı. Endi Petrushkanıń dene bÓlimin túrli reńdegi materiallar menen tigip bekemleymiz. Endi Petrushkamızdıń qolların jasaymız. Bunıń ushın úlgi járdeminde Petrushkanıń qolları piship alınadı hám eki bÓlek etip bir-birine tigip shıģıladı. Oń hám shep qollar tayar bolģanınan keyin, bas hám orta barmaqlarģa kiyip kÓriledi. Keyin Petrushkanıń konus sıyaqlı denesinen bas hám orta barmaqlar biyikliginde tesikler ashılıp, qol tigip qoyıladı.
Endi dáslep tayarlanģan bas bÓlimdi alıp, qara drap materildan Petrushkanıń kÓz-qas, shashları qırqıp alınadı. Azģana qızıl materialdan awzın qırqıp alamız. Keyin kÓz, qas, shashlar bas bÓlimine jabıstırıladı. Keyin Petrushkanıń shlyapası tayarlanadı. Bunıń ushın qara drap materialdan konus formasın qırqamız. Sonday-aq, jáne sheńber formada hám qırqıp‚ onıń ortasın belgilep alamız. Konus formasın tigip awdaramız. Awdarılģan konustı sheńberdiń qırqılģan bÓlimine tigemiz. Sheńber hám konustıń diametri bir qıylı úlkenlikte bolıwı kerek. Tayar bolģan soyaband Petrushkanıń bas bÓlimine tÓrt tárepinen tigip úyrenemiz.
Keyin, balalardıń Ózleri erkin islewge usınıs etiledi. Qıynalģan balalarģa jasaw usılları ayrıqsha túsindirilip, kÓrsetip beriledi.