17-mavzu. Moliyaviy natijalar ko‘rsatkichlarining mohiyati, ahamiyati

Moliyaviy faoliyat bo‘yicha xarajatlarni hisobga oluvchi hisobvaraqlar. 

---

 
Moliyaviy faoliyat bo‘yicha xarajatlar to‘g‘risidagi axborotlarni umumlashtirish 
quyidagi hisobvaraqlarda amalga oshiriladi:
9610 “Foizlar ko‘rinishidagi xarajatlar”;
9620 “Valyutalar kurslari farqidan zararlar”;
9630 “Qimmatli qog‘ozlarni chiqarish va tarqatish bo‘yicha xarajatlar”; 9690 
“Moliyaviy faoliyat bo‘yicha boshqa xarajatlar”.
Banklar, mol yetkazib beruvchilarning kreditlari va qarzlar, moliyaviy ijara 
bo‘yicha foizlar va boshqa foiz to‘lovi xarajatlari 9610 “Foizlar ko‘rinishidagi 
xarajatlar”hisobvarag‘ining debetida 6920 “Hisoblangan foizlar” yoki pul 
mablag‘larini hisobga oluvchi hisobvaraqlar bilan bog‘langan holda aks ettiriladi.
9620 “Valyutalar kurslari farqidan zararlar”hisobvarag‘ida salbiy kurs farqi va 
balansning valyuta moddalariga doir operatsiyalar bo‘yicha zararlar aks ettiriladi. 
Chet el valyutasi operatsiyalari bo‘yicha salbiy kurs farqlari, shu jumladan, 
buxgalteriya balansini tuzish sanasiga qarzlarni qayta baholashdan farq 9620 
“Valyutalar kurslari farqidan zararlar”hisobvarag‘ining debetida pul mablag‘larini 
hisobga oluvchi hisobvaraqlar, olinadigan hisobvaraqlar va majburiyatlarni 
hisobga oluvchi hisobvaraqlar bilan bog‘langan holda aks ettiriladi.
Qimmatli qog‘ozlarni chiqarish va tarqatish bilan bog‘liq xarajatlar 9630 
“Qimmatli qog‘ozlarni chiqarish va tarqatish bo‘yicha xarajatlar”hisobvarag‘ining 
debetida majburiyatlar va pul mablag‘larini hisobga oluvchi hisobvaraqlar bilan 
bog‘langan holda aks ettiriladi.
9690 “Moliyaviy faoliyat bo‘yicha boshqa xarajatlar”hisobvarag‘ida moliyaviy 
faoliyat bo‘yicha boshqa xarajatlar aks ettiriladi.
Quyida 
moliyaviy 
faoliyat 
bo‘yicha 
xarajatlarni 
hisobga 
oluvchi 
hisobvaraqlarning bog‘lanishini ko‘rib chiqamiz:
1) 
Kreditlar va qarzlar bo‘yicha foizlar hisoblandi:
D 9610 “Foizlar ko‘rinishidagi xarajatlar” K 6920 
“Hisoblangan foizlar”.
2) 
Asosiy vositalarning moliyaviy ijara shartnomasi bo‘yicha foizlar 
hisoblandi:
D 9610 “Foizlar ko‘rinishidagi xarajatlar” K 6920 
“Hisoblangan foizlar”.
3) 
Balansning valyuta moddalarini qayta baholashdan salbiy kurs tafovutlari:
D 9620 “Valyutalar kurslari farqidan zararlar”
K 5210 “Mamlakat ichidagi valyuta hisobvaraqlari” va boshqa pul
mablag‘larini 
hisobga 
oluvchi 
hisobvaraqlar, 
olinadigan 
hisobvaraqlar, 
majburiyatlarni hisobga oluvchi hisobvaraqlar va boshqalar.

---

4) 
Qimmatli qog‘ozlarni chiqarish va tarqatish bilan bog‘liq xarajatlar hisobga 
olindi:
D 9630 “Qimmatli qog‘ozlarni chiqarish va tarqatish bo‘yicha
xarajatlar”
K 5110 “Hisob-kitob hisobvarag‘i” va boshqa majburiyatlar va pul mablag‘larini 
hisobga oluvchi hisobvaraqlar.
5) 
Qimmatli qog‘ozlarga qo‘yilgan mablag‘larni qayta baholash (qiymatining 
kamaytirilishi):
D 9690 “Moliyaviy faoliyat bo‘yicha boshqa xarajatlar”
K 5800 “Qisqa muddatli investitsiyalarni hisobga oluvchi
hisobvaraqlar”.
6) 
Hisobot davri oxirida moliyaviy faoliyat bo‘yicha xarajatlarni hisobga 
oluvchi hisobvaraqlarning yopilishi:
D 9910 “Moliyaviy faoliyat bo‘yicha boshqa xarajatlar”
K 9610 “Foizlar ko‘rinishidagi xarajatlar”
K 9620 “Valyutalar kurslari farqidan zararlar”
K 9630 “Qimmatli qog‘ozlarni chiqarish va tarqatish bo‘yicha
xarajatlar”
K 9690 “Moliyaviy faoliyat bo‘yicha boshqa xarajatlar”.