19-amaliy mashg’ulot: Qog‘ozdan mozaika yasash. Tuxum po‘chog`idan mozaika yasash. Reja

---

460 
19-amaliy mashg’ulot: Qog‘ozdan mozaika yasash. Tuxum po‘chog`idan 
mozaika yasash. 
Reja: 
1. Mozaika san’ati haqida ma’lumot berish. 
2. Qog‘ozdan mozaika yasash haqida ma’lumot berish.
3. Qog‘ozdan mozaika yasash texnologiyasini amaliy ko‘rsatish. 
 
Amaliy mashg‘ulotning maqsadi:Talabalarga mozaika sa’nati haqida bilim 
berish. Mozaika ishining mazmuni haqida tushunchalar hosil qilish. Qog‘ozdan 
mozaika yasash texnologiyasini o‘rgatish. 
Pedagogning vazifalari: 
• talabalarning mozaika sa’nati haqidagi bilimlarini aniqlash; 
• ish joyini to‘g‘ri tashkil qilish va texnika xavfsizligi qoidalariga amal qilishni 
eslatish; 
• qog‘ozdan mozaika ishining bajarilishi haqida tushunchalar berish; 
• mozaika ishlarini yasash texnologiyasini o‘rgatish. 
Ta’lim usullari: metodi, amaliy ish, ko‘rgazmalilik. 
Ta’lim vositalari: Tayanch matn, metodik qo‘llanmalar, slaydlar, oq qog‘oz, turli 
rangli qog‘oz, chizg‘ich, qaychi, qalam. 
Mashg‘ulotni boshlashdan oldin o‘quvchilarning bilimlarini aniqlash va fikrlarini 
umumlashtirish uchun “Aqliy hujum” metodi asosida savollar beriladi. 
1. Mozaika san’ati qanday san’at? 
2. Mozaikaning materiallari nimalardan iborat? 
3. Mozaikani yasashda nimalarga e’tibor berish kerak? 
5. Mozaika qachon paydo bo‘lgan? 
6. Mozaika usulida qanday inshootlar bezatilgan? 
 
Mozaika san’ati haqida 
Mozaika monumental dekorativ san’at turlaridan biridir. Turli davrlarda va turli 
mamlakatlarda mozaika qo‘llaniladigan materiallariga ko‘ra ham, naqsh va rasmlarga 
ko‘ra ham o‘ziga xos xususiyatlarga ega bo‘lgan. O‘rta Osiyoda madrasalar, machitlar, 
hukmdorlarning saroylari mozaika usulida bezatilgan. 
Hozirgi kunda mozaika bilan binolarning tashqi qismlari, devorlari va xalq amaliy 
san’ati asarlari bezatiladi. Mozaika ishlarida oyna, sopol, plitalardan foydalaniladi. 
Mashhur ustalar tomonidan ayrim shaharlarda rangli ko‘zgu parchalaridan ajoyib 
mozaika asarlari yaratilgan, ular quyoshda bir-biriga qo‘shilib va porlab shodlik 
kayfiyatini yaratadi.