2 Ўзбекистон республикаси

билим — ўрганилган маълумотларни эслаб қолиш ва қайта тушунтириб 
бериш; 
кўникма — ўрганилган билимларни таниш вазиятларда қўллай олиш; 
малака — ўрганилган билим ва шаклланган кўникмаларни нотаниш 
вазиятларда қўллай олиш ва янги билимлар ҳосил қилиш; 
компетенция — мавжуд билим, кўникма ва малакаларни кундалик 
фаолиятда қўллай олиш қобилияти. 
Баҳолаш тизими— давлат таълим стандарти бўйича умумий ўрта 
таълимнинг малака талабларини ўқувчилар томонидан ўзлаштирилиши 
даражасини 
ҳамда 
умумий 
ўрта 
таълим 
муассасасининг 
фаолияти 
самарадорлигини аниқлайдиган мезонлар мажмуидан иборат. 
 
IV. Умумий ўрта ва ўрта махсус, касб-ҳунар таълимининг умумтаълим 
фанлари бўйича малака талабларининг мазмуни, ўрганиш босқичлари, 
тузилиши ва таянч компетенциялар 
Умумий ўрта ва ўрта махсус, касб-ҳунар таълимининг умумтаълим 
фанлари бўйича малака талаблари (кейинги ўринларда — Малака талаблари деб 
аталади) умумий ўрта ва ўрта махсус, касб-ҳунар таълими давлат таълим 
стандартларининг негизи ҳисобланади ва стандартлаштиришнинг умумтаълим 
фанларини ўрганишнинг босқичларини, ўқув фанлари бўйича таълим мазмуни ва 
малака талабларининг тузилишини белгилайди. 
Малака талаблари таълимни бошқариш бўйича ваколатли давлат органлари 
ҳамда умумий ўрта ва ўрта махсус, касб-ҳунар таълим фаолияти билан 
шуғулланувчи юридик шахслар томонидан қўлланилиши мажбурийдир. 
Малака талаблари асосида таълим муассасасининг тури ва хусусиятларини 
инобатга олган ҳолда ўқув дастурлари, давлат аттестацияси учун умумтаълим 
фанлари бўйича назорат-баҳолаш кўрсаткичлари ишлаб чиқилади ва ваколатли 
вазирликлар, идоралар томонидан белгиланган тартибда тасдиқланади. 

---

53 
Ўзбекистон Республикаси умумий ўрта ва ўрта махсус, касб-ҳунар таълими 
тизимида давлат таълим стандартларига асосланган ҳолда умумтаълим фанларини 
ўрганиш қуйидаги босқичларда амалга оширилади: