200 sorawga 200 juwap

"200 sorawga 200 juwap"
Sorawlardi jiynag’an: Qanlikol Rayonliq 18-mekteptin’ 9-klass oqiwshisi Tazabay Yuldashev

1) Tu'rkistanda 1-temirjol 1880-jil qurilg'an. Ol qurilg'anda tiykarinan 2 zat tasilg'an. 1-paxta 2-ne?

2) Bul ma'mlekettin' ati, paytaxti ha'm pul birligi birdey ataladi. Du'nyadag'i laqabi "kishi aziya". Bul qaysi ma'mleket?
3) Ekinshi jer ju'zlik uris waqtinda ne ushin "OSKAR" siylig'i ha'ykelleri ag'ashtan islengen?
4) Robert Watson Wodti bir ku'ni jol patrul xizmetkerleri mashinada ketip baratirg'anda toqtatadi. Robert Wod jol patrul xizmetkerlerine :"eger bul zat meni toqtatatug'inin bilgenimde oni oylap tappag'an bolar edim" dep aytqan. Soraw:Robert Watson Wod neni oylap tapqan edi?
5) Aristotel, Abu-nasr Farabiy, Ibn Sina. Bul 3 alimdi ne birlestirip tur?
6) 20-asir 40-jillarinda qaraqalpaqlar etnografiyasin u'yrengen alim Jdanko ne ushin u'ylenbegen?
7) A'yyemgi Gretsiyada qurilisshilardi "tektor" dep atag'an. Qurilisshilardin' basliqlarin she?
8) Marko Polo Qitayg'a barg'an du'nyadag'i 1-sayaxatshi. Biraq ayirim tariyxshilar pikirinshe ol Qitayg'a barmag'an. Sebebi ol Qitaydi du'nyag'a tanitqan eki na'rse haqqinda jazip ketpegen. Soraw: Bul neler?
9) AQSHli siyasatshilar pikirinshe shaxmat a'dalatsiz oyin. Soraw: Ne ushin?
10) Ptolomey du'zgen kartada Qubla Amerika qay jerinde jaylasqan?
11) Rawajlang'an ma'mleketlerdin' meteriologlarinin' pikirinshe qalalarda shembi, ekshembi ku'nlerinde hawa rayi basqa ku'nlerge qarag'anda suwiqlaw boladi. Ne ushin?

12) Ruslar da'slep shay o'simligin 1899-jili Qitaydan satip alg'an. Qitayli sawdagerler ruslardin' shaydi ne ushin satip alip atirg'anin bilgeni ushin shay bawlarin qaynag'an suwg'a batirip bolg'annan keyin satqan. Ruslar shaydi ne maqsette satip alg'an ha'm qitayli sawdagerler shay bawlarin qaynag'an suwg'a batirip satqan?

13) Amir Temur armiyasinda "batirlar" degen topar bolg'an. Olar 10 a'skerge birewden tuwra kelgen. Uris waqtinda dushpanlar sol adamlardi 1-bolip o'ltiriwge ha'reket etken. Soraw: Olar kimler ha'm olardin' waziypasi ne?
14) Evropada tek eki ma'mleket FIFA futbol federatsiyasina ag'za emes. Olar qaysi ma'mleketler?
15) Bunin' sani AQSHta 50, Hindstanda 25, Germaniyada 16. Bular ne?
16) Yupiter degende bizler planetani tu'sinemiz. Al Rimlikler Yupiter degende kimdi yamasa neni tu'sinedi?
17) Evropada 1-benzin menen ju'riwshi avtomobiller shiqqanda benzinler qay jerde satilg'an?
18) Du'nyadag'i 1-samalyot ishine bilay dep jazilg'an. "Shegiw mu'mkin - biraq . . .! Ga'pti toliqtirin'?
19) Nigeriyani basqarg'an bir patsha o'z xalqina 3 ku'n dawaminda u'yinen shiqpay otiriwdi buyiripti. Soraw: Bunnan maqset ne edi?
20) Xalqimizda qaysi paliz eginin egip atirip: Bos bolma-qatti bol, g'arri bolma-jas bol, kishi bolma-u'lken bol, dep niyet etedi?
21) Du'nyada 2 na'rse bar. Olardin' birinshisi jenil bolsa ekinshiside jen'il boladi. Birinshisi awir bolsa ekinshiside awir boladi. Eger birinshisi bolmag'anda ekinshiside bolmas edi. Olar bir birine u'zliksiz baylanisli. Bular neler?
22) A'yyemde patsha saraylarinda ha'wiz janinda krokodiller bag'ilg'an. Bul krokodillerdi "janli qulp" dep atag'an. Soraw: Bul krokodiller ne maqsette bag'ilg'an?
23) Amerikali indetsler burinlari vinoni gu'zelerge quyip jer to'lelerde saqlag'an. Satiwdan 1-2 ku'n aldin sol jerto'lelerge o'rmekshiler jiberilgen. Bilesiz, o'rmekshi bar jerde qurim da boladi. Soraw: Vinolardin' sirtin qurim ha'm patas qiliwdan tiykarg'i maqset ne bolg'an?
24) Qaysi ma'mleket konstitutsiyasi nizamlarina ko're prezident grek milletine, al vitse-prezident tu'rk milletine ta'n boliwi kerek?
25) Nege Rim imperatori Yuliy Tsezar ha'miyshe basina gu'lshamber tag'ip ju'rgen?
26) AQSHtin Ford Mustang kompaniyasi 1960-jildan keyin Mustang kompaniyasi o'z avtomobillerine jan'a avtomat isleytug'in qurilmani ornatti. Usi qurilma ornatilg'annan keyin Mustang avtomobilleri tez satila baslaydi. Sol da'wirde adamlar bul qurilmanin' isin qol ha'reketleri menen islegen. Bul avtomobildin' qaysi qurilmasi?
27) Frantsiyanin' Parij qalasindag'i Eyfel minarasi usi waqitqa shekem 17 ma'rte kapital rekonstruktsiya qiling'an eken. Bilesiz, Eyfel minarasi qon'ir ren'de. Oni qon'ir ren'ge boyawdi bir ka'sip iyeleri usinis etken. Soraw: Bul qaysi ka'sip iyeleri ha'm ne ushin?
28) AQSH ilimpazlarinin' aytiwinsha bul ka'sip iyeleri atletikashilardan da tez juwiriwi ha'm shaqqan boliwi kerek. Bul qaysi ka'sip iyeleri?
29) 16-a'sirde ritsarlardin' abiroyi tu'sip olardin' ha'm qilishli keregi bolmay qaldi. Ispaniyada oylap tabilg'an bir kashfiyot batirliq tiykari bolg'an ritsarlardin' joq bolip ketiwine alip kelgen. Soraw: Ritsarlardin' joq bolip ketiwine alip kelgen zat ne edi?
30) Barliq quslarda ham ha'tteki en' u'lken su'temiziwshi haywan "ko'k kit"tede bul organ joq. Bul qaysi organ?
31) Skulptorlardin'da o'z siri boladi. Olar o'zinin' ha'ykeli menen bul shaxs haqqinda mag'liwmat bere aladi. Ma'selen: Amir Temurdin' at u'stinde turip sog'ilg'an haykelinde attin' bir ayag'i ko'terilgen halda su'wretlengen. Soraw: Bul ha'ykelde ne ushin attin' bir ayag'i ko'terilgen halda su'wretlengen?
32) 15-a'sirde Qitayda o'lim jazasina hu'kim etilgen adamlar uzag'i menen 4 ku'n ishinde du'nyadan o'tken. Soraw: Olar qalay o'ltirilgen?
33) Zamanago'y olimpiada oyinlari 1-ret 1896-jili, 2-ret 1900-jil, 3-ret 1904-jili otkerilgen. 4-olimpiada oyinlari negedur 1906-jili o'tkerilgen. Ne ushin?
34) Ha'r bir qalanin' du'nyag'a taniqli bolg'an ati bar. Ma'selen: London-dumanlar qalasi, Parij-suliwlar qalasi, Monako-kazinolar
qalasi h.t.b. Soraw: Evropadag'i qaysi paytaxt qalani "ten'izshiler qalasi" dep ataydi?
35) A'yyemgi Rim armiyasinda arnawli arbada qa'pes ishinde bir janzatlar alip ju'rilgen. Olardi bag'iwshi adam ham arbekeshte tayinlang'an. Bul janzatlar hesh kim menen urispasada uris waqtinda ju'da' kerekli bolg'an. Soraw: Bul qaysi janzat?
36) Ekolog alimlar pikirinshe "INJIL" kitabi ju'da' ko'p haywanlardin' joq bolip ketiwinin' aldin alg'an. Soraw: Injil kitabinda haywanlardin' joq bolip ketiwinin' aldin aliwshi neler jazilg'an?
37) Rossiyada atli arbalarda atlar u'shew bolatug'in bolsa, u'shewi bir qatarda jaylasqan halda ju'redi. Al Angliyada bir at aldinda, eki at keyninde bolg'an halda jaylasadi. Ne ushin Angliyada atli arbalar usilay jaylasqan halda ju'rgen?
38) 1997-jili Italiya hu'kimeti nizam qabil etip, og'an ko're professional artistler ham sportshilar usidan azat etilgen. Neden azat etilgen?
39) En' to'men da'rejeli organizm amyoba, en' joqari da'rejeli organizm she?
40) Rossiyada 1547-1721-jillar aralig'inda ma'mleket basshisin "Sar" dep atag'an. 1721-1917-jillarda she?
41) Kitapti ko'shiriwshi texnologiyalar bolmag'an da'wirlerde "xattot" dep atalg'an ka'sip iyeleri kitapti qoldan jazip ko'shirgen. Kitapti ko'shirip bolg'annan keyin o'z ismi familyasinin' aldina usi so'zlerdi jazg'an. Soraw: Qanday so'zler?
42) Gramm menen milligramm arasinda qanday o'lshem birlik bar?
43) A'yyemgi Rimde usi da'rejeli adamlar ma'mleketlik saliqtan azat etilgen ha'm o'mirinin' aqirina shekem hu'rmet-izzette jasag'an. Soraw: Olar kimler bolg'an?
44) Napaleon Bonopart armiyasindag'i a'skerlerdin' sirtqi ha'm ishki kiyimleri birdey ren'de bolg'an. Soraw: Qaysi ren' ha'm ne ushin?
45) Germaniyanin' Frayburg qalasinin' meri usinisina baylanisli Germaniyada sigareta satiwshi orinlar usi ren'ge boyalg'an. Qaysi ren'?
46) Ol 1890-jili Tseylang'a barip, shay plantatsiyalarin satip alip, shay tarawinda to'nterilis qiladi. Bugingi ku'nde onin' familyasi du'nyag'a tanildi. Ha'zirgi ku'ndede Angliyada shaylardi usi sawda belgisi astinda satip aliwin'iz mu'mkin. Bul adamnin' ati Tomas Jonston. Familyasi kim?
47) Shampan vinosi haqqinda ga'p ketkende 7-8 gradus, 12-12 gradus, 45 gradus sanlari isletiledi. 10-12 gradus shampan vinosinin' ku'shin, 7-8 gradus temperaturada ishiw kerekligin ko'rsetedi. Al 45 gradus neni bildiredi?
48) 7-a'sirde Qitay awil-xojalig'inda bul terek ju'da qadirlengen. Sol da'wirde ha'r bir diyxan usi terekti egiwi ha'm pa'rwarishlewi sha'rt bolg'an. Bul qaysi terek?
49) Bul ximiyaliq element ati "grekshe-jasawg'a ja'rdem bermeydi degen ma'nisti bildiredi. Biraq sondada hawanin' tiykarin ha'm adam organizmi ushin kerekli element esaplanadi. Bul qaysi element?
50) Bul na'rseden hindular qarar shig'ariw waqtindada paydalang'an. Ingliz izquvari Puaro onnan ra'hatlengen. Stalinnin' bolsa en' jaqsi ko'rgen buyimi bolg'an. Soraw: Ga'p ne haqqinda ketpekte?
51) A'yyemde bul na'rse qullarg'a jaza sipatinda qollanilip, olardin' qul ekenligin bildirgen. Al ha'zirde bul ko'pshilik
ma'mleketlerde modag'a aylandi. Ga'p ne haqqinda?
52) Tinish okeaninda jaylasqan bul ataw ma'mlekettin' tiykarg'i tili-ingliz tili, pul birligi-avstraliya dollori,
paytaxti-Bairiki. Eger Bairiki so'zine "T" ha'ribin qossaq ha'm ha'ripler ornin almastirsaq ma'mleket ati kelip shig'adi.
Bul qaysi ma'mleket?
53) Galileo Galiley, Alfred Nobel, Aristotel, Leonardo da Vinchi, Alisher Nawayi. Bul ataqli shaxslardi ne birlestirip tur?
54) Islam dininde bul qizlarg'a 9 jas, ul balalarg'a 12 jas dep belgilengen. Ga'p ne haqqinda?
55) Ol sizde bar, biraq odan qasin'izdag'i adamlar ko'birek paydalanadi. Ga'p ne haqqinda?
56) AQSH prezidentleri Bell Klinton, Jorj Bush, Barak Obamalardi 13-avgustta pu'tkil AQSH xalqi qutliqlaydi. Ne sebep?
57) Bul ma'mleket ati latinshadan awdarilg'anda "gu'misli" degen ma'nisti bildiredi. Biraq bul ma'mlekette altinda, gu'miste ka'nleri joq. Bul qaysi ma'mleket?
58) Zebra aq siziqli qara haywanba, qara siziqli aq haywanba?
59) A'yyemgi grekler basqa eldin' xalqinin' jasaw jag'dayi ha'm ekanomikaliq turmisin biliw ushin sol ma'mlekettin' eki jerine barg'an. Qay jerlerine barg'an?
60) "Qurani ka'rim" kitabinin' jaziliwi basqa kitaplardan nesi menen parqlanadi?
61) Yaponlar semyasinda perzent du'nyag'a kelgende, ata-analari o'z perzentine "ba'rhama toq ju'rgeysen'" degen ma'niste usi
zatti sawg'a etedi eken. Bul ne na'rse?
62) Qoradag'i qoyan ha'm tawiqlardin' bas sani 49, ayaqlarinin' sani 100. Qorada neshe tawiq, neshe qoyan bar?
63) 20-a'sir aqirlarinda bul na'rsenin' oylap tabiliwi televizor ko'riwshilerge ko'plegen qolayliqlardi payda etken.
Ol na'rse oylap tabilg'anda da'slep adamlar oni qol telefonina uqsatqan. Bul ne?
64) Ju'rip baratirg'an mashinanin' qaysi balloni aylanbaydi?
65) Salma boyinda qatara terek. Eger tereklerge shimshiqlar ekewden qonsa bir terek awisip qaladi, birewden qonsa bir shimshiq awisip qaladi. Neshe terek, neshe shimshiq bar?
66) Eki dos kinog'a baripti. Barsa qaltalarinda aqsha joq. Sonda biri ekinshisine: Bizin' u'yge bar. U'yde bir kitap bar.
Sol kitaptin' 43-44-betlerdin' arasinda aqsha bar, soni alip qayt depti. Dosti baripti ha'm kitapti qansha izlesede aqshani
taba almapti. Ne ushin?
67) 16-a'sirde evropada ruwxaniyler u'yi emlewxana waziypasin atqarg'an. Ruwxaniyler u'yinde geyde birneshe saat negedur qon'irawlar tinbay jan'g'irlatip turilg'an. Soraw: Qon'irawlar qanday waqitta ha'm ne sebep tinbay jan'g'irlatip turilg'an?
68) Rossiyada watandarliq urislarda a'skerlerge ja'rdem bergeni ushin eki haywang'a ha'ykel qoyilg'an. 1-si bul iyt.
2-haywan qaysi?
69) Eger futbol da'rwazabani erkin topti (axborot top) tepse, ha'm ol sudyag'a tiyip gol bolip ketse, sudya qanday qarar qabil etedi?
70) Bir shofyor bir balani mashinasina mingizip: "bul menin' balam, biraq men onin' a'kesi emespen" deydi. Soraw: Shofyor balag'a
kim boladi?
71) Bizde bul na'rseni issiliqti tu'siriw ushin qollaniladi. Yapon teatrlarinda 3 maqsette: 1-issiliqti tu'siriw, 2-ju'zdi jasiriw,
3-qiyin so'zlerdi jazip aliw ushin paydalanadi. Bul ne?
72) Ha'r bir ximiyaliq element o'zine ta'n qa'siyetke iye. Misali: Ftor en' aktiv element bolip ol barliq elementler menen reaktsiyag'a kirise aladi. Soraw: Qaysi passiv ximiyaliq element hesh qaysi element penen reaktsiyag'a kirispeydi?
73) Bul zattin' strelkasi 17-a'sir 2-yariminda birew, 18-a'sirde ekew, 20-a'sirde u'shew bolg'an ha'm ha'zirgi ku'nge shekem o'zgermesten kelmekte. Bul ne?
74) Qaysi jerde da'ryalar suwsiz, qalalar u'ysiz boladi?
75) Shaykovskiy 1812-jilg'i Rossiya-Frantsiya urisina arnap muzika jaratadi. Bul muzikag'a at tabiwg'a ju'da qiynaladi. Ol uristin' ju'da qorqinishli bolip o'tkenin bildiriwdi qalegen ha'm o'z muzikasina sol da'wirge shekem hesh bir muzikant qoymag'an o'zgeshe at qoyadi. Soraw: Shaykovskiy Rossiya-Frantsiya urisina arnap jazg'an muzikasina ne dep at qoyg'an?
76) Eki ret tuwiladi, bir ret o'ledi. Ga'p ne haqqinda?
77) Bul medrese 14-15-a'sirlerde qurilg'an bolip da'slep ta'lim ta'rbiya orayi, keyin Temuriyler ushin xizmet etken. Bul jerde A'mir Temurdin' balalari Mironshah, Ulig'bek, Shahrux, ha'm Amir Temurdin' qa'birleri bar. Soraw: Bul medrese qalay ataladi?
78) Teleskop, kolbasa, reflektor, termometr. Soraw: Bulardi ne birlestirip tur?
79) Usi dawalaw usili menen yaponlar sil keseline qarsi gu'resiwde, frantsuz ha'm inglizler nerv keseline qarsi gu'resiwde qollanadi. Amerikali vrashlar bul emlew usilin 100% jolg'a qoyg'an. Hindstanda taniqli vrashlar tu'skinlik, ju'rek ha'm o'kpe keselliklerine usi emlew usili arqali dawa tapqan. Bul emlew usili qanday?
80) 16-a'sirde Frantsiyada keme jelkenlerin tayarlawda ha'm ten'izshilerdin' shalbarlarin tayarlawda qollaniliwshi bekkem tawar jaratildi. Ten'izshilik rawajlanip bul tawar AQSHqa jetip kelgen. Bul tawardan tigilgen kiyimler AQS H xalqinin' turaqli kiyimine aylang'an. Ha'zirde bul tawar derlik barliq ma'mleketlerde tanildi ha'm rawajlanip ketti. Bul qaysi tawar?
81) Alisher Nawayi, Lev Tolstoy, Leonardo da Vinchi. Bul taniqli shaxslardi ne birlestirip tur?
82) Al Ferganiy pikirinshe bul ilim ja'rdeminde aqil shinig'adi, adamlardi duris pikirlewge u'yretedi. Bul ilim ati qanday?
83) AQSHta bankrot bolg'an adamnin' barliq mu'lki ma'mleket paydasina o'tip ketedi. Biraq bankrot bolg'an shaxstin' jeke bir mu'lkin ju'da' qimbat bolsada ma'mleket o'z paydasina aliwg'a haqqisi joq. Bul ne?
84) Bul oyin 15-a'sirde Shotlandiyada sonshelli rawajlanip ketkenlikten, ma'mleket bul oyindi qadag'an etiwshi nizamlar shig'ariwg'a ma'jbu'r boldi. Sebebi bul oyin ju'da ko'p waqqitti alatug'in edi. Bul oying'a qiziqqan a'skerlerde biyparwaliq, al adamlar ekshembi ku'nleri shirkewlerge kem keletug'in bolip qalg'an. Aradan bir a'sir o'tip bul oyin AQSHta rawajlandi ha'm turaqli tu'rdegi oyinlar tu'rine kiritildi. Bul qaysi oyin?
85) Bir adamnin' u'yine qonaqlar kelipti. U'y iyesi eshki soymaqshi bolip qon'silardan eshki qariz sorastira baslapti. Sonda bir qon'sisi: Ne qildin' taptin'ba? Ne soyatin boldin'? depti. U'y iyesi bolsa: Tapsam birewin, tappasam ekewin soyaman dep juwap beripti. Soraw: bul ga'ptin' ma'nisi ne?
86) Samuel Goldvin bilay dep aytqan eken: "Kino o'ledi- eger kinoteatrda . . . bolmasa! Ga'pti toliqtirin'?
87) Gu'layim anasinin' aqliq qizi menen so'ylesti. Ol Gu'layimge kim boladi?
88) Aflotun aytqan eken: "Men hesh qashan o'tirik so'ylemegenmen,-eger men usi ka'sip iyesi bolg'animda o'tirik so'ylewge ma'jbu'r bolar edim. Soraw: Bul qaysi ka'sip?
89) Grekshe "danishpanliqti su'yemen" ma'nisin an'latiwshi pa'n qaysi?
90) Bul ximiyaliq element ta'biyatta barliq na'rsede bar. Ol bolmasa taslar kesekke aylanip, o'simlikler quwrap qaladi. Atom massasi 56, ta'rtip nomeri 26. Bul qaysi element?
91) Aristoteldin' taniqli aforizmi: "Adamlar jew ushin jasasa-men . . . ! Ga'pti toliqtirin'?
92) Ko'plegen ten'iz boylarinda tek g'ana palma teregi o'sedi. Ne ushin okean ha'm ten'iz boylarinda tek palma teregi ko'p ushirasadi?
93) AQSH xalqinin' usinday ga'pleri bar: "bul du'nyada o'limnen ha'm . . . tan qaship bolmaydi! Neden?
94) Qubla Amerikadag'i qaysi paytaxt qala "latinsha-tawlardi ko'remen" ma'nisin bildiredi?
95) Adamnin' bul organlar zatlarg'a 300kg awirliq basimin tu'sire aladi eken. Xalqimizda bul ag'zasi menen tuwilg'an balalarg'a ko'binese Bo'ribay dep at qoyadi. Soraw: Bul adamnin' qaysi ag'zalari?
96) Panama kanali janindag'i Gatun ko'linen negedur eni 34 metrden aspaytug'in kemeler ha'm tankerler g'ana o'tken. Bug'an ne sebep bolg'an?
97) Aristotel aforizmi: "Men qalegen sorawg'a juwap beriwim mu'mkin-eger ol soraw . . . ! Ga'pti toliqtirin'?
98) Alimlar ot jewshi ha'm go'sh jewshi haywanlardi sirtqi ko'rinisine bir qarawdan-aq tanip aladi eken. Soraw: Olardi qalayinsha ayiriw mu'mkin?
99) Yapon xalqi ne ushin u'yinde shegirtke (shekshek) saqlaydi?
100) 2-jer ju'zlik urista SSSR urista jen'ip shig'iw jollarin izley basladi. Ha'm bir qural oylap tabildi. Bul quraldi oylap tapqan adam quraldi o'zinin' qizinin' ati menen atay baslaydi. Shinindada bul qural SSSRdin' 2-jer ju'zlik urista jen'ip shig'iwinda u'lken a'hmiyetke iye boldi. Bul qaysi qural?
101) Elektr shirag'in oylap tapqan ingliz alimi Tomas Edisson neden qatti qorqatug'in bolg'an?
102) A'yyemde pul bolmag'an waqitlari puldin' waziypasin tiykarinan Rim ha'm Gretsiyada mallar, Afrikada baqanshaqlar, Misirda biyday, Mongoliyada shay atqarg'an. Soraw: A'yyemgi Qitayda pul waziypasin ne atqarg'an?
103) Bir ku'ni qarawil o'z baslig'ina:"Men sizdi bu'gin tu'nde tu'simde ko'rdim. Siz ju'da bayip ketken ekensiz"-depti. Usi ga'pten keyin baslig'i qarawildi jumistan quwip jiberipti. Soraw: Ne ushin?
104) 2001-jili NOKIA kompaniyasi o'z telefonlarina jan'a programmani ornatti. Usi programmani ornatqannan keyin NOKIA telefonlari tez o'te baslaydi. Bul programmanin' ati inglizsheden awdarmalang'anda "ko'k tis" degen ma'nisti bildiredi. Bul qaysi programma?
105) AQSHtin' Vashington qalasinin' nizamlarina ko're ba'rshe imaratlar usidan biyik bolmawi kerek. Soraw: Neden biyik bolmawi kerek?
106) Bul ka'sip iyeleri ju'da tasbawir boladi. Olardin' qolinda tiykarinan eki predmet boladi, ha'm usi eki predmet olardin' tasbawirlig'in bildirip turadi. Bul ka'siptin' taniqli adami Paulinyo bolip esaplanadi. Bul qaysi ka'sip?
107) Du'nyadag'i en' da'slepki nizamlardin' du'ziwshisi bul Xamurappi esaplanadi. Bul nizamlar qatan'lig'i menen ba'rsheni lal qaldiradi. Ma'selen: O'rt bolip atirg'an u'yden kimde-kim zat urlap shiqsa, sol kezde otqa taslang'an. Arxitektor salg'an imarat qulap, adamlar qurban bolsa onin' o'zide o'ltirilgen. Soraw: Shipaker operatsiya islegen adam biymezgil qaytis bolsa qanday jazag'a tartilg'an?
108) Azamat 8 jasta, a'kesi 38 jasta. Sizlerge soraw: A'kesinin' jasi neshe jildan keyin Azamattan 3 ese u'lken boladi?
109) A'yyemgi greklerde buni ko'riw ushin adamlarg'a pul to'lengen. Al hazirde kerisinshe, bizler buni ko'riw ushin pul to'leymiz. A'yyemgi greklerde bul 4 ku'n bolatug'in bolg'an. Bizlerde derlik ha'r ku'ni boliwi mu'mkin. Soraw: Ga'p ne haqqinda?
110) Sonday bir mashina bar toqtamay isleydi. Sonday bir mashina bar ha'r dayim qamaqta jasaydi. Bulardin' juwabi ne?
111) Bul na'rse ushin tariyxta ko'p urislar bolg'an. Rossiya imperiyasi usi zat ushin Orta Aziyani jawlap alg'an. Bul na'rseden ha'zirde biz ko'p paydalanamiz. Bul ne?
112) 20-a'sirdin' 60-jillarinda Angliya chempionlar ligasinda bul a'detke aylandi. Bul boyinsha futbolda esap bir jag'dayda tamam bolsa tamashago'yler keyingi oying'a biypul kirgen. Soraw: Esap qanday jag'dayda bolg'anda tamashagoyler keyingi futbol matshina biypul kirgen?
113) Tayger Vods du'nyadag'i en' ko'p da'ramat tabatug'in adam bolip esaplanadi. Qizig'i sonda ol sportshi. Soraw: Ol sporttin' qaysi tu'ri menen shug'illanadi?
114) Bul adam Hindstannin' g'arezsiz boliwi ushin ju'da ko'p ules qosqan. Bul adam haqqinda kinofilmlerde islep shig'ilg'an. Bul kim?
115) Bir adam ha'r dayim bir ma'mleketten o'z eline velosiped penen o'tedi eken. Ha'r dayim velosipedi artina gerbish baylap o'tken. Aradan biraz waqit o'tip ol adam shegarashilar ta'repinen bir na'rseni kontrabanda qilg'ani ushin qamalipti. Soraw: Ol neni kontrabanda qilg'an?
116) Meditsina xizmetkerlerinin' aytiwinsha "taw shan'g'isi" menen shug'illaniwshi sportshilardin' tek g'ana 3 su'yegi sinbay aman qaladi eken. Soraw: Bul qaysi 3 su'yek?
117) Braziliyada jil aqirina kelip futbolda a'wmeti ju'rispegen o'z da'rwazasina birneshe ma'rte avtogol urip qoyg'an futbolistlerge komanda ag'zalari ha'zillesip usi zatti sawg'a etedi eken. Soraw: Neni sawg'a etedi ha'm ne ushin?
118) Angliyada 1940-jillarg'a kelip futbol chempionatlari ma'lim bir sebepke ko're bir qansha waqitqa toqtatilip qoyildi. Soraw: Ne sebepten futbol chempionati toqtatilip qoyilg'an?
119) Bul oyin en' da'slep hindler ta'repinen oylap tabilip bul oyindi olar "jawingerlerdin' to'rt tu'ri" dep atag'an. Bul oyin ha'zirde ba'rshe ma'mleketlerde bir at penen ataladi. Soraw: Bul qaysi sport oyini?
120) Insan organizminde semirmeytug'in ag'za qaysi?
121) Brazilya futbol tariyxi boyinsha ja'han chempionatinda bir futbolshi chempionat dawaminda 5 qizil kartoshka alip maydannan shig'arilipti. Ol ketip baratirip jurnalistlerge bir familyani aytipti. Soraw: Ol ne dep aytqan?
122) Eyfel minarasinin' biyikligi 312 metr. Du'nyada Eyfel minarasina uqsas bir minara bar, biraq onin' gramm salmag'i joq. Bul qaysi minara?
123) En' 1-olimpiada oyinlari b.e.sh. 776-jili bolip o'tken. Keyinshelli 394-jilg'a kelip olimpiada oyinlari ayirim sebeplerge ko're toqtatilg'an. Aradan ko'p a'sirler o'tip olimpiada oyinlari qayta tiklendi. Soraw: Zamanago'y olimpiada oyinlari neshinshi jildan baslap o'tkerilgen?
124) Orta a'sirlerde bul qalani "altin ko'pir" dep atag'an. Soraw: Bul qaysi qala?
125) 1453-jili 29-mayda Konstantinopol qalasin tu'rkler basip aladi ha'm qalanin' atin o'zgertedi. Ha'zirde bul qala Turkiyanin' ma'deniy paytaxtina aylandi. Soraw: Bul qaysi qala?
126) Misr ieroglif su'wretlerinde firavnlar on'g'a qarag'an halda su'wretlengen. Firavnlardin' shan'araq ag'zalari tuwrig'a qarag'an halda su'wretlengen. Soraw: Kimler shepke qarag'an halda su'wretlengen?
127) Evropada tuwilip o'sken AQSHli futbolist Benni Faykhaver AQSH terma komandasinda top su'rgen. Ku'shli ha'm jaqsi futbolist boliwina qaramastan ol hesh qashan Aqshtin' matshlarinda oyin basinan tu'spegen. Oyin baslaniwi menen da'slepki toqtaliw waqtinda oni oying'a tu'sirgen. Onin' oyin basinan tu'se almawina tiykarinan bir sebep bolg'an. Qanday sebep?
128) Professional shaxmat asotsiatsiyasi ta'riyxi boyinsha eski (sobiq) chempiondi jen'besten-aq chempionliqqa erisken tek 3 shaxmatshi bar eken. 1-Mixail Botvinnik bolip, ol Aleksandr Alexin o'lgennen keyin chempionliqqa erisken. 2-Anatoliy Karpov, - Robert Fisher oyinnan bas tartqani ushin chempion bolg'an. Soraw: 3-chempion kim?
129) Termometrdin' +37 sani (bag'anasi) ne ushin qizil ren'ge boyalg'an boladi?
130) Evropada tek eki ma'mleket FIFA futbol asotsiatsiyasina ag'za emes. Soraw: Bul qaysi ma'mleketler?
131) Qaysi sport oyininin' atributi oyinshinin' boyina qarap belgilenedi?
132) 1938-jili futbol boyinsha ja'han chempionati, Polsha-Brazilya oyininda ku'shli jawin jawadi. Maydan ilay ha'm tayg'aq bolip qalg'an jag'dayda brazilyali oyinshi Leonides urg'an gol o'zine ta'nligi ha'm ta'kirarlanbaslig'i menen ta'riyxta qalg'an. Soraw: Ol qanday gol urg'an?
133) Du'nyadag'i tek 5 ma'mleket olimpiada oyinlarin o'tkizip jibermesten toliq qatnasip kelmekte. Soraw bul qaysi ma'mleketler?
134) Uzaq araliqlarg'a ushiwshi samalyot ushiwshilarina pa'rwaz aldinan en' kaloriyali awqatlar beriledi eken. Biraq eki ushiwshig'a eki tu'rli menyudag'i awqatlar beriledi. Ne sebep?
135) Bul amerikada A.K.J ko'rinisinde, yaponlarda J.A.K, ruslarda K.A.J izbe-izliginde boladi. Soraw: Bul ne ha'm bizde qanday boladi?
136) Eki uri palto urlapti. Birewi oni bazarda satiwg'a alip ketedi. Kelgennen son' 2-uri Qanshag'a sattin'? -dese, Alg'an bahamizg'a-dep juwap beripti. Soraw: Paltoni qanshag'a satqan?
137) Bilesiz alfavit "A" ha'ribinen baslanadi. Biraq sonday bir alfavit bar ol "SH" ha'ribinen baslanadi. Bul qaysi alfavit?
138) Indoneziyada tek musilmanlar ushin arnalg'an miymanxanalar bar bolip, onin' ha'r bir xanasinin' diywalinda strelkalar su'wretlengen. Soraw: Bul strelkalar neni bildiredi?
139) Qa'dimde Luis Spiris juwiriw boyinsha Olimpiada chempioni bolg'an. Biraq og'an altin emes gu'mis medal berilgen. Ne sebep?
140) Bul transport tarmag'i 1992-jili Ginnes rekordlar kitabina kiritilgen. Ol 60 jerde toqtap, tezligin 36,5km/saatqa asira alg'an. Soraw: Bul qaysi transport?
141) Ne ushin 20-a'sirge shekem g'azlardin' on' qanati qa'dirlengen?
142) "Men ... ... bunnan bilay awizeki yamasa jazba ra'wishte bul ga'pti tilge almayman. Ma'mleket ha'm din basshilari aldinda bul ga'plerdi aytpawg'a ant ishemen. Eger bul pikirlerdi aytsam qudaydin' qa'ha'rine ushirayin. Rim. Minervo ibadatxanasi. 1633-jili 22-iyun. Imza."
Soraw: Bul insan kim ha'm onin' qaysi ga'pi haqqinda aytilmaqta?
143) DNK analizi arqali perzenttin' a'kesin aniqlaw mu'mkin. DNK analizi 99% jag'dayda duris, ha'm tek bir jag'dayda qa'te shig'adi. Qanday jag'dayda?
144) "Brokoner" so'zi frantsuzsha "bir na'rse menen an' qiliw" degen ma'nisti bildiredi. Soraw: Ne menen aw qilg'an adam brokoner delinedi?
145) Shaxmatta jen'iw -shax, jen'iliw - mat delinedi. Soraw: Ten' bolip qaliw she?
146) Yaponiyada a'yyemde samurayliqqa qol-ayag'i ku'shli, ha'm tisleride saw bolg'an adamlardi tan'lap alg'an. Soraw: Ne ushin samuraylardin' tisleride saw boliwi kerek bolg'an?
147) 19-a'sirdegi Germaniya nizamlarina ko're bunday erkeklerdin' vrash, oqitiwshi, sudya ha'm deputat boliwi qadag'an etilgen. Qanday erkeklerdin'?
148) A'mir Temur armiyasinda 10 a'skerge 1 danadan oraq ha'm balta, 2 a'skerge iyne, jip, belgu'rek berilgen. On a'skerge birdey kerek bolatug'in ja'ne bir na'rse ayriqsha atta alip ju'rilgen. Soraw: Bul ne?
149) Oni Kiprde-Vasiliy, Daniyada-Yulamandesh, Norvegiyada-Yulebukk, Ruminiyada-Mosh Jarile, Shvetsiyada-Yum Tenten dep ataydi. Onin' watani Latlandiya. Soraw:Ol bizde qalay ataladi?
150) A'yyemgi olimpiada oyinlari 5 sporttan ibarat bolg'an. Olar: nayza atiw, juwiriw, at shabiw, gu'res ha'm disk ilaqtiriw. Bulardin' barlig'i uris waqtinda kerekli bolg'ani ushin olimpiada oyinlarina kiritilgen. Soraw: Disk ilaqtiriw sportinin' urista qanday paydasi bolg'an?
151) Olar qanat siyaqli, gu'mbez siyaqli ko'rinislerge iye bolip, uzinlig'i yarim kilometrge shekem jetedi. Eger ga'p ne haqqinda ekenin tapqan bolsan'iz, onin' en' u'lken qurbanin aytin'?
152) Bilesiz a'yyemgi hindistan xalqi uris maydanlarinda pillerdin' xizmetinen paydalang'an. Pillerdin' u'stinde otirg'an adam oni basqarip otirg'an. Sol basqarip otirg'an adam o'zinin' qasinda kishkene temir qaziq ha'm balg'a alip ju'rgen. Soraw: Bul predmetler qashan ha'm ne ushin paydalaniladi?
153) Rossiyada ayirim du'kanlardin' esiklerine bir san ildirilip qoyiladi. Bul bizde so'z benen bildiriledi. Ma'selen, bir ko'shede 10 du'kan bolsa, sonin' 2 yamasa 3 du'kaninin' esigine usi san ildirilgen boladi. Soraw: Bul qaysi san ha'm ol bizde qalay an'latiladi?
154) Mongoliya ma'mleketinin' 1952-jilg'a shekemgi gerbinde 2 janzat su'wretlengen. Al 1952-jili qabil etilgen gerbinde 2 janzattin' tek birewi su'wretlengen. Bul qaysi janzatlar?
155) A'yyemgi mangol shopanlari o'zleri jasaytug'in otawlardin' joqarisinan bir kishkene tesik qaldirg'an. Soraw: Bul tesik tiykarinan qanday waziypani atqarg'an?
156) Bunin' da'slepki ko'rinisleri Rim imperiyasinda payda bolg'an. Ol jazba ko'riniste bolip, onin' en' da'slepki zamanagoy ko'rinisi 1924-jili 2-noyabrde "Sandi Tayms" gazetasinda ja'riyalang'an. Ol ha'zirde ju'da rawajlanip, qiyinlasip barmaqta. Ga'p ne haqqinda?
157) Psixologlar usi arqali da adamlardin' xarakterlerin aniqlay aladi. Olardin' birinshileri-jaqsi dos bola aladi, ekinshileri-talapshan' ha'm ashiwshaqlar, u'shinshilerinen-ko'birek basliq ha'm ilimpazlar shig'adi, to'rtinshisinen bolsa ulli alim ha'm kashfiyotshilar shig'iwin aniqlag'an. Soraw: Olar adam xarakterlerin nege tiykarlanip aniqlag'an?
158) Taskaniyali taniqli skulptor Jon Gonelli o'z ha'ykellerin qaran'gi jerto'lede jasag'an. Soraw: Skulptor ne ushin ha'ykellerin qaran'gi jerto'lede jasag'an?
159) Ku'ndelikli turmista biz ha'r ku'ni og'an dus kelemiz. Qurilis standartlarina muwapiq eger bo'lmede 15ten artiq adam islese ol a'lbette basqasha ko'riniste boliwi kerek. 15adamg'a jetpese o'zinin' tiykarg'i halatinda boliwi mu'mkin. Soraw: Ga'p ne haqqinda?
160) Londonda arxeologiyag'a, tariyxqa, etnografiyag'a baylanisli qimbat bahali kitaplar saqlanatug'in muzey kitapxana bar. Kitaplardi ma'mleket ta'repinen qorg'awshi sari kiyimde ju'retug'in arnawli topar bolip, olar kitaplardi urilardan ha'm bir janzattan qorg'ag'an. Qaysi janzattan?
161) Shopanlar o'z balalarina jaqsi shopan bolip shig'iwi ushin qoy bag'iwdan tisqari ja'ne eki ka'sipti u'yretken. Soraw: Shopanliqqa baylanisli qaysi ka'siplerdi biliwi kerek bolg'an?
162) A'mir Temur la'shkerleri uris waqtinda temirden ha'm jezden islengen sawitlardi kiyip ju'rgen. Nege bul sawitlarda mayda-mayda tesiksheler bolg'an?
163) 1891-jildan baslap AQSHta basketbol oyini jarislari oynalg'an. Maydanda 2 komanda ag'zalari ha'm sudyalardan basqa ja'ne 2 adam bolg'an. Soraw: Bul eki adamnin' waziypasi ne bolg'an?
164) Bul predmetti filosoflar: muqaddes to'rt unsurdi(topiraq, suw, hawa, ot) o'zinde ja'mlegen dep esaplaydi. Bul qaysi ka'sip iyelerinin' o'nimi?
165) AQSH ha'm Qitay ma'mleketleri ortasinda eksport-import ju'da jaqsi rawajlang'an. AQSH ha'r jili bul o'nimlerden (o'nim depte bolmaydi) Qitayg'a 1 mlrd 300 mln dollorliq satadi. Bul o'nimlerdi Qitay ma'mleketi qayta islep, usinshama payda ko'redi. Soraw: AQSH Qitay ma'mleketine qanday o'nimlerdi eksport qiladi?
166) 1770-jili Ekaterina II gruzin patshasi Irakli II ge Rossiyadan bir na'rseni sawg'a etip jiberedi. Bul na'rse da'slep o'zinen muzika taratip, keyin ko'z jas to'gedi. Soraw: Bul sawg'a ne edi?
167) 1820-jillarda taxtqa otirg'an Britaniya patshasi Georg IV a'piwayi patshalardan biri bolg'an. Biraq onin' kiygen ayaq kiyimleri basqalardikinen parq qilg'an. Usi parq ayaq kiyimler kiyiwde bir jan'aliqqa alip kelgen, ha'm adamlar usig'an a'detlengen. Soraw: Georg IV qanday jan'aliq kiritken?
168) Ulli sa'rkarda Iskender Zulxarnayn la'shkerlerinin' ishinde 700den ziyat saylap aling'an a'skerler bolg'an. Olardin' ha'mmesi birdey qa'biletke iye bolg'an. Dushpanlar bunday qa'biletke iye adamlar menen uris alip barg'anda qolaysizliqlarg'a dus kelgen. Basqa tarawlardada bunday adamlar ushirap turg'an ha'm qa'dirlengen. Soraw: Qanday qabiletke iye adamlar haqqinda ga'p ketpekte?
169) Bul rawajlang'an ma'mlekettin' alding'i paytaxti "patshalar qalasi" ma'nisin bildirgen. Al ha'zirgi paytaxti "qalalar patshasi" ma'nisin bildiredi. Bul paytaxt qalalardin' atlarida bir-birine uqsas. Qaysi ma'mleket ha'm qaysi paytaxt qalalar soralmaqta?
170) Tariyxshi Geradottin' mag'liwmatlarina qarag'anda: patsha Dara I hu'kimranlig'i da'wirinde 1-ma'rte bul jiyim a'melge asirilg'an. Parsilar usidan keyin Dara I di sawdager dep atag'an. Ha'zirde bul ju'da rawajlanip, tu'rli ko'riniste boladi. Dara I o'z xalqina 1-bolip neni ja'riya qilg'an?
171) Bul termin futbolg'a sirkten kirip kelgen bolip, "ko'zbaylawshi, fokus" so'zlerinin' sinonimi eken. Bul so'z bizde "shlyapali tryuk" dep awdarmalanadi. Bul futboldag'i qaysi termin?
172) Ha'dis kitabinda onin' aniq aralig'i jazip qoyilg'an. Ol boyinsha o'z u'yinen 90 km uzaqlasqan adam usilay ataladi. Ne dep ataladi?
173) Onin' qirg'ag'i jasil, suwlari qizil, baliqlari qara. Ga'p ne haqqinda?
174) Frantsiya tariyxinda olar 18 bolg'an. Olardin' ekinshisi saqaw, besinshisi jalqaw, altinshisi semiz, jetinshisi pa'kene, oninshisi bijiq bolg'an. Olar kimler bolg'an?
175) Onin' bunday ataliwina kompozitorlar sebepshi bolg'an. Qosiqlar jazilg'an qag'azlardi kompozitorlar usilay atag'an. Kompozitorlardin' qag'azlar jiyindisin, bizler de usilay ataymiz. Ga'p ne haqqinda?
176) Filosof ha'm tariyxshi Plutarx adamlardin' qasinda barqulla bir ajiralmas dos ju'redi dep aytqan. Biraq ol dostan keshiwdin' ha'm qutiliwdin' ilaji joq. Ol geyde ko'zge ko'rinedi, geyde ko'rinbewide mu'mkin. Soraw: Plutarx aytqan dos kim yamasa ne boliwi mu'mkin?
177) Bilesiz bul jaqti du'nya to'rt unsurdan quralg'an. Hawa, topiraq, suw, ot. Pifagor olardi 1, 2, 3, 4 sanlari menen belgilegen. Soraw: Pifagor pu'tkil dunyani qaysi san menen belgilegen?
178) 1858-jili Frantsiyadag'i jurnallardin' birinde amerikali Pol Morfin haqqinda usinday mag'liwmat berilgen: Onin' ko'zleri ko'rmesede, ko'zi ashiq shaxmatshilar menen 10 seans (oyin) o'tkerdi. Ha'mmesinde jen'ip shiqti. Jurnalda onin' ko'zleri ko'r bolsada amerikadan kelip, jen'ip shiqqanlig'i aytilg'an. Soraw: Olar bul maqalag'a qanday at qoyg'an?
179) 1727-jili Angliyag'a Georg II patsha bolg'an. Onin' da'wirinde bir nizam engizilip, patsha sarayinda islewshi bir ka'sip iyelerinin' shash o'siriwi uliwma qadag'an etilgen. Soraw: Qaysi ka'sip iyeleri ha'm ne ushin?
180) Bul alim en' birinshi partlawshi dinamitti oylap tapqan ha'm xaliq oni "tentek alim" dep atag'an. Ol ko'p ellerde bolg'an ha'm ko'p tillerdi bilgen. Biraq sondada onin' ati familyasin pu'tkil du'nya taniydi. Bul ataqli alim kim?
181) 1829-jili "Revyu de Pari" a'debiy gazetasinin' bas redaktori Veron o'zinin' gazetasinda bul so'zlerdi en' birinshi ma'rtebe isletken. Ha'zirde barliq a'debiy gazetalarda usi so'zlerdi ko'riwimiz mu'mkin. Usi so'zler gazeta oqiwshilarina, keyingi sandi aliwg'a ma'jbu'rleydi. Ol 3 so'zden ibarat. Qanday so'zler?
182) 1995-jili Vetnamda tishqanlar ha'm kemiriwshiler sani keskin ko'beyip ketedi. Na'tiyjede hu'kimet qarar shig'arip ma'lim bir mu'ddetke restoran ha'm asxanalardin' ayirim tag'amlarin menyudan alip taslaydi. Soraw: Qanday tag'amlar?
183) Taniqli sayaxatshi Marko Polo Qitayg'a barip, bul ma'mlekettin' baylig'inin' ko'p ekenligin bildiriw maqsetinde bir so'zdi isletedi. 13-14-a'sirlerge shekem bul so'z isletilmegen. Ha'zirgi ku'nde bul so'z ko'p isletiledi. Soraw: Marko Polo Qitaydin' baylig'inin' ko'p ekenligin qaysi so'z arqali bildirgen?
184) Monakodag'i kazinolardin' nizamlarina muwapiq, kazinolarda waqitti bildiriwshi eki zat bolmawi sha'rt. Birinshisi a'lbette diywal saati. Ekinshisi ne?
185) Bul qurilmani 1-ma'rte 1670-jillarda Erxard Veygel Venadag'i imaratlarda oylap tapqan. Keyinshelli onin' rawajlang'an ko'rinisin amerikali injener Eminey Otis islep shiqti. Bul qurilma inglizshe-ko'teriliw ma'nisin bildiredi. Bul qaysi qurilma?
186) Yapon alimlarinin' pikirinshe tawiq adamlarg'a 4 zat beredi eken. Olar: pa'r, ma'yek, go'sh. Soraw: 4-ne?
187) Ko'pshilik adamlar Aleksandr Bell-telefondi, Tomas Edisson-elektr lamposhkasin, Genri Ford-avtomobildi, Ag'a-ini Lyumerler-kinoni oylap tapqan dep esaplaydi. Biraq bul jerde bir adam artiqsha. Ol kim?
188) Gribodevtin' "Aqillikiq ba'lesi" shig'armasi qaharmani Shatskiy ha'r dayim adam oyina kelmeytug'in pikirler menen ju'redi. "Insan ju'da jawiz, onin' aldinda ha'tte jirtqish haywanlarda bir pul. Adamzat hesh bir jirtqish qilmag'an isti o'zi bilip turip qiladi. Ol du'nyag'a kelmegen janzatti bile tura nabit qiladi" dep aytqan. Soraw: Ga'p ne haqqinda?
189) Afrikadag'i Botsnava ma'mleketi o'zin'degi klimat sebepli Ginnestin' rekordlar kitabina kiritilgen. Soraw: Botsnava ma'mleketi qanday jo'nelis boyinsha Ginneske kirgizilgen?
190) Insan ag'zalarin jaqsi u'yrengen Leonardo da Vinchidin' pikirinshe adamdag'i bul ag'za en' ha'reketshen', soziliwshan', qisqariwshi, iyiliwshen', semiriwshen' ha'm aziwshan' ag'za bolip esaplanadi. Soraw: Bul adamnin' qaysi ag'zasi?
191) 1945-jili Indoneziya ma'mleketi o'z g'aresizligin ja'riya qiladi. Bir neshe ku'nnen keyin jas ma'mleket Monako patshalig'i Indoneziyag'a ra'smiy qarsiliq qildi, biraq onin' talabi qandirilmadi. Monako neden narazi edi?
192) Lyudovik XIV 72 jil patshaliq qilg'an. Lyudovik XV 59 jil, Lyudovik XVI 18 jil patshaliq qilg'an. Soraw: Lyudovik XVII neshe jil patshaliq qilg'an?
193) O'zbekistan jantag'i ha'm Meksika kaktusi arasinda qanday parq bar?
194) XV-XVI-a'sirlerde jasag'an rassom Vegillio sizg'an su'wretler ko'p g'ana muzeylerde bar. Ko'z aldin'izg'a keltirin' Vegillio sizg'an su'wret aldindasiz. Jaqsilap qarasan'iz su'wretlerdin' mu'yeshinde 3 sanin, al basqa su'wretinin' mu'yeshinde 5 sanin ko'riw mu'mkin. Bul sanlardi rassomnin' o'zi jazip ketken. Soraw: Bul sanlar neni bildiredi?
195) Psixologlardin' pikirinshe bul zat u'yde kim hu'kimran bolsa sonin' qolinda boladi eken. Zamanago'y semyalarda ol 1-na'wbette a'kenin' qolinda, onnan keyin u'lken perzenttin', ha'm aqirinda azg'ana waqit ana qolinda boladi eken. Soraw: Ga'p ne haqqinda?
196) 1818-jili Germaniya gazetalarinda qaladag'i bul jan'aliqqa usinday baha berilgen.
- Ol ruwxaniyler pikirinshe Qudaydin' jumisina aralasiw,
- Meditsina adamlarinin' pikirinshe kesellikti ko'beytedi,
- Filosoflar pikirinshe ta'rbiyanin' buziliw sebepshisi,
- A'skerler pikirinshe urilardin' ko'beyiwine alip keledi. Soraw: Gazetada qala ko'shelerindegi qanday jan'aliq haqqinda aytilmaqta?
197) Tula qalasindag'i artileriya zavodi poligoninda ko'birek qis aylari sinawlar o'tkiziledi eken. Qis ma'wsimi pushkani sinaw ushin qolayli waqit eken. Soraw: Qista artileriyani sinap ko'riwdin' qanday qolaylig'i bolg'an?
198) Soqir bolip tuwilg'an adam ha'm keyinshelli soqir bolip qalg'an adamlardin' arasinda derlik parq joq. Ekewide 100% ko'rmeydi. Alimlar olardin' arasinda bir parq bar ekenligin aniqlag'an. Qanday parq?
199) Olar ta'biyattin' ulli ha'diysesi bolip esaplanadi. Hesh bir kompaniya yamasa sho'lkem oni sog'a almaydi. Ta'biyat oni ju'da' shirayli ha'm ren'lerge bay qilip jaratqan. Oniq aq, ko'k, ha'tte qara ren'degileride ushiraydi eken. Insaniyatqa u'lken ziyanda jetkiziwi mu'mkin. Soraw: Ta'biyatta ushiraytug'in u'lken ha'm suliw na'rse ne?
200) Leonardo da Vinchidan bizge ju'da' ko'p miyras qalg'an. Ol ko'plep shig'arma ha'm logikaliq pikirler jazip qaldirg'an. Biraq bul pikirlerdi oqiw ushin bir zat kerek boladi. Soraw: Ne zat?

Sorawlar Yuldashev Tazabay tarepinen duzilgen. Sayt: www.Everest.imob.su

juwaplar hamde basqa magliwmatlar tek usi saytta!

Juwaplar!

1. A'sker.

2. Singapur.
3. Temir ha'm basqa metallardi tejew ushin.
4. Radar.
5. Olar du'nyanin' 1-2-3-mug'allimleri.
6. Jdanko ha'yel adam bolg'an.
7. Arxi. Grekshe-basshi.
8. 1-shay, 2-ulli Qitay diywali haqqinda jazbag'an.
9. Shaxmatta barqulla aq taslar 1-baslag'ani ushin.
10. Onin' kartasinda Qubla Amerika bolmag'an.
11. Dem alis ku'nleri sanaat ka'rxanalari islemegeni ushin.
12. Ruslar shaydi egiw ushin satip alg'an. Buni bilgen aqilli qitayli sawdagerler oni qaynag'an suwg'a batirip satqan.
Qaynag'an suwg'a batirilg'an shay o'simligi hesh qashan ko'germeydi, o'speydi.
13. Olar bayraq ko'teri ju'riwshiler.
14. Bular du'nyadag'i en' kishi ma'mleketler Vatikan ha'm Monako.
15. Shtatlar sani.
16. Bas qudayi-ZEVSti.
17. Da'rixana, aptekalarda.
18. Shegiw mu'mkin biraq-aynadan taslaw mu'mkin emes!
19. Xalqinin' aniq sanin biliw ushin.
20. Kapusta.
21. Jinayat ha'm jaza.
22. Krokodil bag'ilg'an jerge altin ko'milgen boladi. Krokodiller altindi qorg'ag'an.
23. Vinonin' eskiligin bildiriw ushin. Sonda ol qimbat boladi.
24. Kipr.
25. To'gilip atirg'an shashlarin jasiriw ushin.
26. Ayna tazalag'ish.
27. Fotograflar. Qon'ir ren' suliw fon bolg'ani ushin.
28. Jurnalistler.
29. Miltiq.
30. Tis.
31. A'mir Temur urisqa baratirg'anda jolda qaytis bolg'ani ushin.
32. Uyqisizliq azabina tartilip o'ltirilgen.
33. Olimpiada oyinlarinin' 10 jillig'i o'tkerilgen.
34. Portugaliya paytaxti Lissabon.
35. Kepterler.
36. Injil kitabinda jep bolmaytug'in haywan tu'rleri jazilg'an.
37. Angliya ko'sheleri tar bolg'ani ushin.
38. Armiyag'a bariwdan.
39. Adam (insan).
40. Imperator dep atalg'an.
41. dep jazg'an.
42. Santigramm.
43. Olimpiada chempionlari.
44. Qizil ren'. Jaraqatlang'anda qan ko'rinbewi ha'm ruwxiy halatina ta'sir ko'rsetpewi ushin.
45. Eskertiwshi ren' bolg'an sarig'a boyalg'an.
46. Lipton.
47. 45 gradusta shampan idista turiwi kerek.
48. Tut teregi.
49. Azot.
50. Temeki trubkasi.
51. Tatirovka (tamg'a).
52. Kiribati.
53. Olar u'ylenbegen.
54. Namaz oqiw.
55. Atin'iz (ism).
56. 13-avgust AQSHta shebaqaylar ku'ni. Bul prezidentler shebaqay bolg'an.
57. Argentina.
58. Qara siziqli aq haywan.
59. 1-bazar 2-mazar.
60. On'nan shepke qaray jazilg'an.
61. Awqat jew tayaqshalari.
62. 48 tawiq, 1 qoyan bar.
63. Televizor pulti.
64. Zapastag'i (qosimsha) balloni.
65. 4 shimshiq, 3 terek.
66. 43-44-betlerde araliq bolmaydi.
67. Ol da'wirde operatsiyalar narkozsiz qiling'an. Operatsiya qilinip atirg'an adamnin' baqirg'an dawisi esitilmewi ushin.
68. At.
69. Sudya mu'yesh tobi (uglovoy) belgileydi.
70. Anasi bolg'an.
71. Jelpigish.
72. Argon.
73. Saat.
74. Geografiyaliq karta.
75. Ol o'z muzikasin sanlar menen 1812 dep atag'an.
76. Ma'yek tuwip ko'beyiwshiler.
77. Go'ri A'mir medresesi.
78. Olardin' barlig'in Galileo Galiley oylap tapqan.
79. Ku'lki menen dawalaw.
80. Bul tawar-djinsi.
81. Arislan so'zi. Sher-o'zbekshe, lev-orissha, leon-inglizshe.
82. Logika ilimi.
83. Neke ju'zigin.
84. Golf.
85. Ol adamnin' eshkisi buwaz bolg'an. Tappasam ekewin soyaman degennin' ma'nisi sol.
86. Qaran'g'iliq bolmasa.
87. Qizi.
88. Shipaker. Nawqastin' kewlin ko'teriw ushin aldawg'a ma'jbu'r boladi.
89. Filosofiya.
90. Temir.
91. Men jasaw ushin jedim.
92. Palma miywesi kakos 2 ayg'a shekem aynimag'an. Kakos miywesinin' basqa ten'iz qirg'aqlarina jetip bariwi ushin 2 ay jetkilikli mu'ddet bolg'an.
93. Saliqlardan.
94. Urugvay paytaxti Montevideo qalasi. Monte-taw, video-ko'riw.
95. Jaq ha'm tis.
96. Sebebi Panama kanalinin' eni tar (36 metr) bolg'an. Eni 34 metrden asqan keme ha'm tankerler kanal qirg'aqlarina soqlig'isip ketkeni ushin.
97. Duris berilse.
98. Go'sh jewshilerdin' ko'zi aldinda, ot jewshilerdin' ko'zi qaptalinda boladi.
99. U'yine uri kelgenin biliwi ushin.
100. Katyusha.
101. Qaran'giliqtan.
102. Duz.
103. Qarawil tu'nde uyiqlag'ani ushin.
104. Bluetooth.
105. Jorj Vashington ha'ykelinen biyik bolmawi kerek.
106. Bular futbol sudyalari, qizil ha'm sari kartoshkalar.
107. Barmaqlari shawip taslang'an.
108. 7 jildan keyin.
109. Piessalar.
110. Ju'rek.
111. Paxta.
112. Esap 0 : 0 bolg'anda.
113. Golf.
114. Maxatma Gandi.
115. Velosipedti kontrabanda qilg'an.
116. Qulaq ishindegi kishkene 3 su'yek.
117. Kompas. O'zinin' da'rwazasi qay ta'repte ekenin biliwi ushin.
118. 1-jer ju'zlik uris sebepli.
119. Shaxmat.
120. Qulaq.
121. Ginnes. Ginnes rekordlar kitabina kiremenbe? degen ma'niste aytqan.
122. Eyfel minarasinin' sayasi.
123. 1894-jildan baslap o'tkerilmekte.
124. Konstantinopol.
125. Stambul.
126. Firavn dushpanlari.
127. Ol AQSHtin' gimnin bilmegen.
128. Vilgelm Steynits. Og'an shekem sobiq chempion bolmag'an.
129. Adamnin' normal temperaturasi +37 bolg'ani ushin.
130. Vatikan ha'm Monako.
131. Bilyard.
132. Krasopkasi ilay ha'm awir bolg'ani ushin jalan' ayaq gol urg'an.
133. 1)Frantsiya 2)Shvetsiya 3)Ulli Britaniya 4)Avstraliya 5)Gretsiya.
134) Awqattan ekewide za'ha'rlenip qalmawi ushin.
135. Bizde ku'n-ay-jil ko'rinisinde boladi.
136. Urlatip qoyg'an.
137. Golovin kestesi.
138. Musilmanlarg'a qublani ko'rsetip turg'an.
139. Ol da'wirde en' qimbat metall gu'mis bolg'an.
140. Lift.
141. Pa'rlerinen pero ruchkasi islengeni ushin.
142. Galileo Galileydin' "Jer ba'ribir aylanaberedi" degen ga'pi.
143. A'kesinin' egizegi bolsa.
144. Iyt penen aw qiliw.
145. Ten' bolip qaliw-PAT.
146. Tutqing'a tu'skende tilin tislep o'zin-o'zi o'ltire aliwi ushin.
147. U'ylenbegen boydaq erkekler.
148. Shatir.
149. Bul bizde Qarbaba.
150. Uris waqtinda diskke xat jazip uzaq araliqlarg'a ilaqtirg'an. Usilayinsha bir biri menen baylanisqan.
151) Olar aysbergler bolip, en' u'lken qurbani Titanik kemesi.
152) Uris waqtinda piller jaraqatlanip, qutirip ketiwi mu'mkin. Sonda ilajsizdan pildin' basina qaziq qag'ip o'ltiredi.
153) Bul 24 sani, bizde ku'ni-tu'ni(kruglosutochno) degeni.
154) Alding'i gerbinde at u'stindegi shabandoz, ha'zirgi gerbinde tek g'ana at su'wretlengen.
155) Quyash nurinin' tu'siwi ha'm jilisiwinan waqitti bilgen.
156) Krossvord.
157) Qan gruppalari.
158) Onin' ko'zleri soqir bolg'an.
159) Bo'lme esikleri.
160) Tishqanlardan.
161) Qoy ju'nin aliw ha'm qassapliq.
162) Sawitlar ju'da awir bolg'an. Oni jen'illetiw ushin tesiksheler qaldirilg'an.
163) Basketbol payda bolg'an waqitlari sebetshenin' asti tesik bolmag'an. Bul eki adam sebetshege tu'sken topti alip berip turg'an.
164) Bul gu'lallardin' gu'zesi.
165) Shig'indi(musor)lar.
166) Samovar.
167) Ol ayaq kiyimlerdi on' ha'm shep payina ajiratip kiygen.
168) Shebaqaylar.
169) Yaponiyanin' alding'i paytaxti Kioto(kio-patsha, to-qala), al ha'zirgi paytaxti Tokio, yag'niy qalalar patshasi.
170) Saliqlardi.
171) Xet-trik.
172) Mu'sa'pir.
173) G'arbiz.
174) Bular Frantsiya patshalari Lyudovikler edi.
175) Bloknot.
176) Ha'r bir adamnin' sayasi.
177) 1, 2, 3, 4 sanlarinin' qosindisi, yag'niy 10 sani menen belgilegen.
178) Olar Yuriy Tsezardin' so'zlerin biraz o'zgertip "Keldi, Ko'rmedi, Jen'di" dep atag'an.
179) Aspazlar. Shashi awqatqa tu'spewi ushin.
180) Alfred Nobel.
181) "Dawami kelesi sanda".
182) Pishiqlardan tayarlanatug'in tag'amlar.
183) Million.
184) Ayna (deraza).
185) Lift.
186) Tawiq ayaq izlerinen "yapon ieroglifleri" payda boladi.
187) Genri Ford 1-avtomobildi oylap tappag'an.
188) Ma'yek quwiriw.
189) En' az jawin jawatug'in ma'mleket.
190) Til.
191) Bul eki ma'mlekettin' bayraqlari uqsas bolg'an.
192) Hesh qansha. Ol kishkene kezinde o'lip ketken.
193) Jantaq suwdi jerden aladi, kaktus hawadan aladi.
194) 3 sani 3 metr araliqtan, 5 sani 5 metr araliqtan su'wretke qaraw kerekligin bildirgen.
195) Televizor pulti.
196) Tu'ngi ko'she fonar(shiraq)lari.
197) Artileriya og'i qimbat bolg'ani ushin ornina muz paydalanilg'an.
198) Keyinsheli soqir bolg'an adam tu's ko're aladi.
199) Aysbergler.
200) Ol jaziwlardi keri(teskari) ko'riniste jazg'an. Oni oqiw ushin ayna(ko'zgu) kerek bolg'an.

Sorawlar Yuldashev Tazabay tarepinen duzildi.

Saytimiz www.Everest.imob.su
Avtorliq huqiqlardi buzbagan halda sorawlardan paydalaniwinizga boladi.