2023-yil 23-iyundagi 298752/23-sonli murojaatiga

Denov tuman “Dunyotepa” mahallasida yashovchi fuqaro
Sultonov Erkinga
2023-yil 23-iyundagi
298752/23-sonli murojaatiga

Sizning O‘zbekiston Respublikasi Prezidentiga ishonch telefoni orqali mahallla hududidagi ichki yo‘llarni ta’mirlash borasida qilgan murojaatingniz tuman hokimligi va aloqador tashkilotlar mutaxassislari tomonidan joyida o‘rganildi.

O‘rganish jarayonlarida tumandagi Dunyotepa mahallasidagi Qahramonlar ko‘chasini toshlab berilishi so‘ralgani ma’lum bo‘lgan.
Ma’lumki, tumanimizdagi mavjud ichki yo‘llar davlat dasturlari doirasida ta’mirlab kelinmoqda. Birgina joriy yilning hozirgi kuniga qadar 12,1 km ichki yo‘llarda toshlash ishlari va 20,6 km ichki yo‘llar asfaltlash ishlari davlat dasturlari bo‘yicha amalga oshirilgan bo‘lsa, 66,1 km ichki yo‘llarda toshlash va 2,1 km ichki yo‘llarda asfaltlash ishlari homiylik hamda hashar yo‘li bilan bajarildi.
Mahallaning Qahramonlar ko‘chasi ham yil yakuniga qadar hasher yo‘li bilan toshlab berilishi haqida tushuntirilgan.
Sizga, O‘zbekiston Respublikasining 2017-yil 11-sentabrdagi “Jismoniy va yuridik shaxslarning murojaatlari to‘g‘risida”gi O‘RQ-445-son Qonunning 33-moddasiga asosan murojaat qilish huquqiga ega ekanligingiz ma’lum qilinadi.