Kafedra tarixi - 1983 yilda “Elektrotexnikaning nazariy asoslari” kafedrasi negizida tashkil topdi va shu yildan boshlab 0701-Radiotexnika mutaxassisligi bo’yicha muxandislar tayyorlay boshladi.
- 1987 yildan boshlab kafedra alohida struktura birligi sifatida shakllanib “Radiotexnika va radiosistemalar” nomi bilan ataldi. Kafedraga t.f.n., dosent X.Sh.Sharipov asos solgan va 1987-1988 yillarda rahbarlik qilgan. Kafedra o’z sohasi bo’yicha respublikamizda yetakchi o’rin egallagan bo’lib, xalq xo’jaligiga 1988 yildan beri malakali radiomuhandislar yetkazib kelgan. Keyinchalik kafedra 5522000 “Radiotexnika” yo’nalishi va 5A522001 “Integral radioelektron qurilmalar” mutaxassisligi bo’yicha bakalavr va magistrlar tayyorlangan.
- 2011 yildan yangi davlat t’lim standarti bo’yicha kafedrada 5350700 – Radioelektron qurilmalar va tizimlar yo’nalishi xamda 5A350701 – Radiotexnik qurilmalar va aloqa vositalari mutaxassisliklari bo’yicha bakalavr va magistrlar tayyorlanmoqda. Xozirgi kunda kafedra professor – o’qituvchilari 400dan ortiq talabalarga ta’lim berishmoqda. Kafedra o’quv laboratoriyalarida talabalarga ta’lim yo’nalishlari va magistratura mutaxassisliklarining o’quv dasturlariga muvofiq radioelektronika asoslari, analog va raqamli radioelektron qurilmalar, radiotexnik zanjirlar va signallar, radiosignallarni yuzaga keltiruvchi va shakllantiruvchi xamda radiosignallarni qabul qiluvchi va qayta ishlovchi qurilmalar, televideniye asoslari, o’ta yuqori chastota va antenna qurilmalari, radiotexnik sistemalar kabi maxsus fanlardan ma’ruza, amaliy va laboratoriya mashg’ulotlari o’tkazilmoqda.
Kafedrada olib borilayotgan ilmiy-uslubiy ishlar: Kafedra professor-o’qituvchilari tomonidan kafedra yo’nalishlari va mutaxissisliklari bo’yicha fanlardan 6 ta darslik, o’quv qo’llanmalari, tajriba va amaliy ishlaridan o’quv-uslubiy qo’llanmalar va ko’rsatmalar, kurs ishi va loyihasini hamda malakaviy bitiruv ishlari va magistrlik dissertatsiyalarini bajarish uchun qo’llanmalar chop etilgan
Do'stlaringiz bilan baham: |
