3-Tema. Kitapxanalarda innovaciyalıq iskerliktiń formaları Reje

Sociologiyalıq izertlew usılları. Kitapxanatanıwshılıq izertlewlerinde házir de keń qollanılıp atır. Oǵan sorawnama, intervyu kiredi. Sociologik izertlew metodları járdeminde hádiyse hám processler boyınsha sociallıq pikir toplandı.
Kitapxanashılıq izertlewlerinde sociologiyalıq izertlew ótkeriw kolemin belgilew metodları úlken áhmiyetke iye bolıp esaplanadı. Usı metodlar izertlewdi reprezentatıvligin, yaǵnıy qamtıp alınıwın támiyinleydi. Respondentler sanın ( izertlewde qatnasıwshılar sanı) optimal sheshiliwi matematıkalıq formula arqalı, nomogrammalar hám úlken sanlar kesteleri járdeminde sheshiledi.
Sorawnama. Bul soraw ótkeriwshiler ortasında obektiv hám subektiv faktler boyınsha baslanǵısh málimlemeler dı toplaw bolıp tabıladı. Sorawnama izertlewshi ushın zárúr bolǵan anıq faktler, processler, hádiyseler, sonıń menen birge sebepler, jobalar, hám taǵı basqalardı alıw imkaniyatın beredi. Sorawnama -“qayta baylanıs” tıń áhmiyetli kanalı bolıp tabıladı. Sorawnama nátiyjelerin analiz etiw hám olardı bayanlawda izertlewshi obektiv bolıwı áhmiyetli shárt bolıp esaplanadı.
Kontent-analiz usılı. Zamanagóy kontent-analiz usılı (mazmundı analiz etiw) xabarlardı ( awızsha, jazba, elektron), avtor xabarı, auditoriyanıń xabarlarınıń mazmunı hám formaların, mazmundı auditoriyaǵa tásir kórsetiw nátiyjelerin úyrenedi. (Ol tómendegi sorawlarǵa juwap tabıwı kerek: Kim sóylep atır? Neni sóylep atır ? Kimga sóylep atır ? Qanday nátiyjeler menen?) Xabarlarda izertlewshi názerinen mazmunli birlikler (baqlaw birlikleri) anıqlanadı hám keyin olardıń isletiliw dárejesi belgilenedi. Bunday analiz tiykarında izertlew baslanıwında alıp shıǵılǵan boljaw tastiyiqlanadı yamasa biykar etiledi.
Muǵdarlıq usıllar. Kitapxanatanıwshılıq izertlewlerinde muǵdarlıq usıllar elementleri qollanılıp atır. Bul bolsa kitapxanatanıwshılıq pánine matematıkalastırıw tendensiyalarınnıń kirip kiyatırǵanlıǵınan dárek beredi. Soǵan boyınsha kitapxanatanıwshılıq sapa jaǵınan sapalı-muǵdarlı pánlerge aylanıp atır, onı biliw potencialın arttıradı.