5-amaliy mashg’ulot: “Saddi Iskandariy” dostonidagi beshinchi bob sharhi. Reja topshiriqlar

Tohirov S.Q. – f.f.n., SamDU dotsenti 
ANGOKIM ETAR IKKINGIZDIN MADAD…
1
 
XX asr navoiyshunosligining eng yirik namoyandalaridan biri E.E.Bertels 
o‘zining «Роман об Александре и его главные версии на Востоке» 
monografiyasida Navoiyning «Saddi Iskandariy» dostonini sharhlab borar ekan, 
undagi beshinchi bob haqida ham qisqacha to‘xtaladi: 
Отметим здесь бейт: 
Kichik erkanimdin bo‘lub qoshima 
Ulug‘ muddao soldingiz boshima.
2
Вы (счастливая звезда и высокое счаsтье) с детства моего были предо 
мною и вложили в голову великие устремления. (6. 385) 
Mazmuni: Siz (baxtli yulduz va yuksak baxt) mening bolaligimdan oldimda 
bo‘lib, buyuk maqsad-intilishlarni boshimga soldingiz. 
Biroq, keyingi davr navoiyshunosligida «Saddi Iskandariy» dostonining bu 
bobi, aniqrog‘i, bob tarkibidagi ushbu baytlar xamsanavis salaflari Nizomiy 
Ganjaviy va Amir Xusrav Dehlaviyga bag‘ishlanganligi qayd etiladi: 
Angakim etar ikkingizdin madad, 
Madadkori haqdur, azal to abad. (2. 34) 
Kichik erkonimdin bo‘lub qoshima, 
Ulug‘ muddao soldingiz boshima 
(2. 34) 
Bunday munosabatni biz etuk navoiyshunoslar Izzat Sulton
3
hamda 
Abduqodir Haitmetov
4
tadqiqotlarida ko‘rishimiz mumkin. 
20 tomlik Alisher Navoiyning mukammal asarlar to‘plamida ham mazkur 
baytlarning izohi keltirilgan (izohlar muallifi T.Ahmedov) bo‘lib, unda 
quyidagilarni o‘qiymiz: 
1. «Ikkingizdin madad» - Sharqda mashhur xamsanavislar Nizomiy va 
Xusrav Dehlaviylar ko‘zda tutiladi (2. 587). 
2. Yoshligidan Nizomiy va Xusrav Dehlaviy asarlarini sevib o‘qigan 
Navoiyda ulardan olingan taassurot katta-katta asarlar yaratish fikrini uyg‘otganligi 
bu baytda e’tirof etilmoqda (2. 588).
Ma’lumki, dostonining 6-bobi shu masalaga bag‘ishlangan bo‘lib, uning 
nasriy muqaddimasida ham, mazmunida ham bu mazmun aks etgan. Shunday 
ekan, Navoiy nega «Saddi Iskandariy» dostonining ikkita, ya’ni beshinchi va 
oltinchi boblarini Nizomiy va Dehlaviyga bag‘ishladi, bordiyu shunday bo‘lsa, 
1
Maqola manbai: Ўзбек адабиётшунослиги ва тилшунослигининг баъзи муаммолари (Илмий мақолалар 
тўплами). 1-қисм. – Сам.: СамДУ нашри, 2008. 34-39-б. 
2
Матн араб ёзувида берилган бўлиб, бу ўринда транслитерация қилинди. 
3
Султон И. Жаҳон адабиётининг нодир обидаси. Алишер Навоий «Хамса»си. Илмий моқолалар тўплами.
– Т.: Фан, 1986. 6-бет. 
4
Ҳаитметов А. Навоий эстетикасининг юксак босқичи. Алишер Навоий «Хамса»си. Илмий моқолалар 
тўплами. – Т.: Фан, 1986. 33-бет. 

---

nega na bobning o‘zida, na muqaddimasida yuqoridagi xamsanavislar xususida 
biror so‘z yoki mulohaza keltirilmagan, degan savol tug‘iladi. 
Mazkur bobning mazmuni va mohiyatini belgilashdan oldin uning nasriy 
sarlavha yoki muqaddimasini tahlil qilish lozim bo‘ladi: