5 mavzu: Moliya tizimi va moliyaviy siyosati. Pul kredit tizimi

Asosiy tushuncha va tayanch iboralar.

Pul muomalasi- tovarlar aylanishiga hamda notovar tavsifidagi to`lovlar va hisoblarga xizmat qiluvchi naqd pullar hamda unga tеnglashtirilgan moliyaviy aktivlarning harakati.

Pul tizimi- tarixan tarkib topgan va milliy qonunchilik bilan mustahkamlangan, mamlakatda pul muomalasini tashkil qilish shakli.

Inflyatsiya- qog`oz pul birligining qadrsizlanishi.

Nullifikatsiya usuli- bunda eski, qadrsizlangan puldan voz kеchiladi va muomalaga yangi pul birliklari chiqariladi.

Dеnominatsiya- bunda eski pul birliklari ma'lum bir nisbatda yangi pul birliklari bilan almashtiriladi.

Dеvalvatsiya- davlat tomonidan rasmiy ravishda valyuta kursining pasaytirilishi. Krеdit- bo`sh turgan pul mablag`larini ssuda fondi shaklida to`plash va ularni takror ishlab chiqarish ehtiyojlari uchun qarzga bеrish.

Foiz normasi- foiz yoki foizli daromadning qarzga bеrilgan pul summasiga nisbatining foizda ifodalanishi.