Hali biologik usulda juda ko‘p ob’ektlar yaxshi o‘rganilmagan, masalan: hasharotlar ayrim yillari yalpi kasallanib qirilib ketadi, buni ko‘pincha jonivorlar chiqaradi. Bu jarayon qanday kechishi, qanday sharoitda kelib chiqishi va uni sun’iy ko‘paytirib hasharotlar ko‘paygan yillarda ma’lum bir maqsadga qaratib qo‘llash ishlari etarlicha o‘rganilmagan. Bog‘ zararkunandalarining ko‘pdan-ko‘p entomofaglari ma’lum, lekin ularni laboratoriya sharoitida ko‘paytirib, keyin zararkunanda ko‘paygan vaqtda qo‘llash ishlari ham yaxshi rivojlanmagan.
Bundan tashqari biologik usulni qo‘llashni mexanizatsiyalash ishlari ham etarli darajada emas.
Biologik usulni boshqa usullar bilan uyg‘unlashgan holda qo‘llash juda ham muhimdir, ayniqsa kimyoviy usul bilan. Chunki qishloq xo‘jalik ekinlari zararkunandalariga qarshi kurashda ayrim zararkunandalarga nisbatan samarali metod yo‘q, ayrimlariga bor. Masalan: g‘o‘zada ko‘sak qurtiga nisbatan biousul yaxshi rivojlangan, so‘ruvchi hasharotlarga nisbatan etarli darajada emas. Bu zararkunandalar g‘o‘zada bir vaqtda uchrashi mumkin. Shunda mutaxassis albatta bilishi kerak entomofag yoki biopreparat ishlayotgandan keyin necha kundan keyin kimyoviy preparatlarni qo‘llash mumkinligini yoki aksincha.
Savollar:
O‘simliklarni uyg‘unlashgan himoya qilishda biologik usulning mohiyati?
O‘simliklarni uyg‘unlashgan himoya qilishda genetik usulning mohiyati?
Navlarning har xil zararli organizmlarga chidamliligini tanlashda uyg‘unlashgan himoyaning roli?
Do'stlaringiz bilan baham: |
