8-Tajriba mashg‘ulotlari: Telekommunikasiyalar va tarmoq havfsizligi

Konfiguratsiya parametrlari va ximoya choralarining murakkabligi
Xost kompyuterlardagi murojaat qilishni boshqarish tizimi o‘z xolicha murakkab sozlashlar natijasida o‘rnatiladi. Sozlash parametrlarini belgilashda arzimagan yoki tasodifan yo‘l qo‘yilgan xato buzg’unchilar uchun juda qo‘l kelishi mumkin. UNIX operatsion tizimini yaratuvchilar o‘z tizimlarini foydalanuvchilarga iloji boricha qulayliklar yaratishga yo‘naltirilgan murojaat qilishni boshqarish tizimidan foydalanish imkoniyati bilan sotadilar. Foydalanuvchilar tizimdagi murojaat qilishni boshqarish tizimi parametrlarini o‘rnatish murakkabligi tufayli ular qanday berilgan bo‘lsa, shunday qoldiradilar. Natijada bundan buzg’unchilar ustalik bilan foydalanadilar.
Xavfsizlikka oid qator mojarolar Internetda buzg’unchilar zaif joylarni bilib olishlari natijasida sodir etilgan. Ularni keyinchalik foydalanuvchilar, xavfsizlik masalalari bo‘yicha mutaxassislar va dasturiy ta’minot yaratuvchilarning o‘zlari xam bilib qolishgan. Unix operatsion tizimi dasturlari o‘zining ochiq xoldagi kodi bilan tarqatilgan BSD dasturiy ta’minotidan olingan bo‘lganligi uchun bu dasturlardagi imkoniyatlar va xususiyatlar buzg’unchilarga ma’lum bo‘lgan va ular zaif joylarni bilgan xolda tizimga ruxsatsiz kirish yo‘llari bilan tanish bo‘lganlar. Ko‘pgina zaifliklar dasturlarning murakkabligi va ularni turli muxitlarda puxta tekshirilmasligi tufayli kelib chikadilar