8-tema: Úlken hám mektepke tayarlaw toparlarında súwretlew iskerlik shınıǵıwların ótkeriw texnologiyaları. Tárbiyashınıń shınıǵıwǵa tayarlıǵı

8-tema: Úlken hám mektepke tayarlaw toparlarında súwretlew iskerlik shınıǵıwların ótkeriw texnologiyaları. Tárbiyashınıń shınıǵıwǵa tayarlıǵı.

Reje

1. 
   Túrli jas toparlarda súwretlew iskerligi shınıǵıwların ótkeriw.
   
2. 
   Tárbiyashınıń shınıǵıwǵa tayarlıǵı.
   

Tayanısh túsinikler: reńli mayda bólek, illyustraciya, dóretiwshilik baslama.
Túrli toparlarda súwretlew iskerligi shınıǵıwların shólkemlestiriw.
Súwretlew iskerligi shınıǵıwları – bul súwret salıw, ılay, applikaciya, qurıw-soǵıw shınıǵıwları. Bul shınıǵıwlar mektepke shekemgi bilimlendiriw mákemesiniń barlıq toparlarında anıq bir waqıtta, kún tártibi tiykarında shólkemlestiriledi.
Úlken toparda. Úlken topardaǵı náwbetshiler stol hám stullardıń qay tárizde turǵanın qadaǵalap, shınıǵıw­dan soń stollar ústin tazalap shıǵadı, olar ılay, boyawdı, qılqálemlerdi stol ústine qoyıp shıǵadı. Jelim de qoyıp shıǵadı. Taxtashalardı jıynap, bankalardı juwıp ornına qoyadı, qayshılardı tarqatıp, shınıǵıwdan soń jıynap shıǵadı.
Tayarlıq toparında. Bul toparda náwbetshilikke úlken erkinlik beriledi. Tárbiyashı balalarǵa, náwbetshilerge shınıǵıw ushın neler kerek bolıwın aytadı, náwbetshiler olardı tayarlaydı.

Tárbiyashınıń shınıǵıwǵa tayarlıǵı.

Shınıǵıwdı baslawdan aldın, tárbiyashı álbette ózi tańlaǵan natura, oyınshıq, illyustraciya hám ózi balalarǵa qayjerde turıwı kerekligin anıqlap aladı. Shınıǵıwdan aldın tárbiyashı álbette salıwdı, ılaydan soǵıwdı, qıyıwdı shınıǵıwı tiyis. Bul bolsa tárbiyashıǵa onı súwretlewdiń jıl hám quralların anıqlap alıw hám qay bir quramalı bólegi ústinde kóbirek islewdi hám balalardıń dıqqatın da usı jerge kóbirek tartıw imkanın beredi. Shınıǵıwǵa tayarlanıw procesinde tárbiyashı metodikalıq ádebiyatlarǵa múrájat etedi, qaysı bir metod hám usıllardı qollanıw múmkinligi ústinde isleydi. Tárbiyashı shınıǵıwdı shólkemlestiriwge tayar bolǵannan keyin, balalardı oyın iskerliginen áste bilim beriwshilik iskerligine kóshirip ótedi. Shınıǵıwdı shólkemlestiriw dáwiri bir eki minutı quraydı. Bul ayırım shınıǵıwǵa qarap túrlishe shólkemlestiriliwi múmkin.
Mısalı: balalardı súwretlewi kerek bolatuǵın predmet yaki illyustraciyalardı kóriwdi, kishkenelerge bolsa, sol nárse menen oynawı, qolı menen tiyiwi múmkin boladı. Kishi topardan baslap balalar áste-aqırın, shawqımsız, stol átirapına otırıwǵa úyretiledi. Shınıǵıwdıń túrine hám mazmunına qarap, balalar túrlishe ótkeriliwi múmkin. Mısalı: kishi toparda yarım ay tárizli formada ótkeriw múmkin. Bunda tárbiyashı hár bir balanı kóredi hám járdem kórsetiw maqsetinde hár biriniń aldına barıwı múmkin.
Barlıq shınıǵıwlar úsh bólimge bólinedi:
Shınıǵıwdıń baslanıwı – tapsırmanı túsindiriw;

• 
  Shınıǵıwdıń barısı – tapsırmanıń balalar tárepinen orınlanıwı;
  
• 
  Shınıǵıwdıń juwmaǵı – balalar menen islengen tapsırmanı analizlew.
  

I hám II bólimler balalardıń jası hám tapsırmaǵa qarap 2-5 minut sóylew tiline shekem dawam etiwi múmkin, 1-bólimde tárbiyashı balalarǵa olar orınlaytuǵın tapsırmanı málim etedi. Tárbiyashınıń túsindiriwi emocional, dóretiwshilik keypiyat tuwdırıwı tiyis. 2-bólimde tárbiyashı balalardı berilgen tapsırmanı orınlawǵa kirisiwin tekseredi. Bala jumısı arasında pauza bolmasın, bala bir tapsırmanı orınladı ma, keyingisine dárhal ótiwi, orınlawın baqlaw tiyis. Shınıǵıw dawamında balalar tınısh islewge, óz orınlarınan sorawsız turmawǵa úyrenedi. Úlken topardaǵı balalar dáslep tárbiyashınıń ruxsatı menen, keyin ózleri suwdı, qılqálemdi óz ornına qoyadı. Kishi toparda balalar erkin bolmaǵanı ushın kóbirek tárbiyashınıń ózi balalar aldına kelip turadı. Orta topardan baslap balalar tárbiyashıǵa qolların kóterip, múrájat etiwge úyrenedi. Balalar áste-aqırın ózbetinshe islewge úyretip barıladı. Bar bolǵan qıyınshılıqlardı ózleri sheshiw jolların úyrenip baradı. Shınıǵıwdıń tamamlanıwına 5 minut qalǵanda balalar eskertiledi. Bul buyım kishi topar balaları ushın artıqsha esaplanadı, sebebi olar ele bul baylanıstı iyelemegen boladı. Kishi topardan baslap balalarǵa jumısın aldınıraq tamamlaǵan bolsa, ózi jáne súwretti element penen bayıtıwdı usınadı.