9-Lekciya. Tabiiy suwlardı tazalaw qurılmaları

9-Lekciya. Tabiiy suwlardı tazalaw qurılmaları.

REJE:

1.Házirgi zaman suwdı tazalaw usılları hám úskeneleri.
2. Suwdı temirsizlendiriwdiı zamanagóy usılları.
3. Suwdı ápiwayı tazalaw sistemaları.
Hár qanday dereklerde, hátte eń ekologiyalıq taza (qudıqlar, bulaqlar ) bolǵan dereklerde de suw mudamı den sawlıq ushın qáwipsiz emes. Bir qarawda pútkilley taza hám ashıq, shógindi hám iyssiz suyıqlıqta patogenler jasawı yamasa awır metallar bolıwı múmkin. Uzaq múddetli paydalanıw menen jeterli dárejede qawipsiz ximiyalıq elementlerdıń quramınan asıp ketiw de sawlıqqa dúzetib bolmaytuǵın zálel jetkiziwi múmkin. Sol sebepli, birinshi náwbette, suwdıń ximiyalıq hám bakteriologiyalıq quramın anıqlaw kerek, keyininen alınǵan maǵlıwmatlarǵa tıykarlanıp, optimal sapaǵa erisetuǵın tazalaw túrlerin hám usılların tańlaw kerek.
Suwdı tazalawdıń teris osmoslı texnologiyası izbe-iz jalǵanǵan bir neshe tanklar bolǵan arnawlı filtrlerden paydalanıwdı óz ishine aladı. Suwdı tazalaw yarım ótkizgish membrana járdeminde ámelge asırıladı, bul arqalı suw molekulaları arnawlı nasos tárepinen jaratılǵan joqarı basım astında qısıladı. Sonday etip, ol drenaj trubasına quyılatuǵın dussızlanǵan tazalanǵan permeat suwına hám aralaspa konsentratına bólinedi. Suwdı tazalaw xlorǵa seziwsheń polimer membranası járdeminde ámelge asıriladı, sol sebepli birinshi náwbette suwǵa aldınan qayta beriw kerek.
Suwdı tazalawdıń keyingi, ásirese xojalıq maqsetlerde zárúr bolǵan suwdı tazalawdıń keyingi túri jumsatıw bolıp tabıladı. Reagent yamasa reagentsiz filtrler járdeminde kaltsiy hám magniy duzlarınıń artıqsha muǵdarı shiǵarıladı. Suwdı tazalawdıń reagentsiz usılı ádetde xojalıq texnikaları ushın tayarlanadı, sebebi olar ximiyalıq quramǵa tásir etpesten, tek strukturanı ózgertiredi. Reagent usılı tekǵana jumsatıwshı tásir kórsetip qoymay, bálki erigen metallarni, sonday-aq radioaktiv hám awır metallardıda uslap qaladı.

Suwdı temirsizlendiriw kóplegen suw tazalaw texnologiyalarına kiritilgen. Bul processte 2 valentli temirdiń 3 valentli jaǵdayǵa oksidlenedi ( kózge kórinetuǵın bawırreń shókpe) hám shiǵarıp taslanadı. Temirdi alıp taslawdıń túrli usıllarınan paydalanıw sebepli organoleptik kórsetkishleri sezilerli dárejede jaqsılanadı, xojalıq texnikasanıń, santexnika hám qızdırıw úskeneleriniń xizmet kórsetiw múddeti asadı.