9-Мавзу: Информатикани ўқитишда педагогик технологиялар

"Инсерт" технологияси
Ушбу технология янги матн билан ишлашга мўлжалланган бўлиб, қуйидагиларни ўз ичига олади:
1. Матнни қўлда қалам билан ўқиб чиқиш.
2. Ўқиш давомида матнда махсус белгилар қўйиб бориш:


+ буни биламан; – буни билмас эдим; ? буни мукаммал билмоқчи эдим;
3. Матн билан тула танишиб чиқилгандан сўнг қуйидаги жадвал тўлдирилади:

Буни билар эдим	Буни билмас эдим	Мукаммал билишни хохлайман
+	–	?

Катта айлана
Биринчи босқич. Гуруҳ ўриндиқларга катта доира буйича ўтириб олишади. Ўқитувчи муаммони ифода этади.
Иккинчи босқич. Белгиланган вақт мобайнида (масалан 10 минут) ҳар бир ўқувчи индивидуал равишда қўйилган муаммони ечиш йўлларини ёзиб олади.
Учинчи босқич. Айлана буйича ҳар бир ўқувчи ўзининг таклифларини баён қилади. Гуруҳнинг қолган аъзолари унинг фикрини изоҳламай, танқид қилмай, жим эшитишади ва ҳар бир банд буйича таклифни умумий қарорга киритиш ёки киритмаслик хақида овоз беришди. Умумий қарорга киритилган таклифлар доскага ёзиб борилади.


"Ақлий ҳужум"
"Ақлий ҳужум" жамоа бўлиб муҳокама қилишнинг самарали методидир. Унда бирор муаммонинг ечимини топиш барча иштирокчиларнинг фикрини эркин ифодалаш орқали амалга оширилади.
"Ақлий ҳужум"нинг тамойили жуда содда. Ўқитувчи синф олдига масалани қўяди ва ўқувчиларда ушбу масалани ечиш бўйича ўзларининг фикрларини баён қилишни сурайди. Ушбу босқичда хеч кимнинг бошқа иштирокчиларнинг ғоялари хақида ўз фикрини билдиришга ёки унга баҳо беришга хаққи йўқ.
"Ақлий ҳужум" ёрдамида бир неча дақиқа ичида ўнлаб ғояларни олиш мумкин. Ғоялар сони асосий мақсад эмас. Ғоялар тўғри ечимини ишлаб чиқиш учун асос бўлади.
"Ақлий ҳужум" нинг қоидалари қуйидагилардир:
– таклиф этилаётган ғоялар баҳоланмайди ва танқид қилинмайди;
– иш ғоялар сони кўп бўлиши керак;
– ҳар қандай ғояни кенгайтиришга, ривожлантиришга ҳаракат қилиш мумкин;
– ҳар бир ғоя ёзиб борилади (жуда бўлмаса очқич сўзлар ёки иборалар ёрдамида );
– ақлий ҳужум ўтказиш вақти қатъий ўрнатилади ва унга риоя қилинади.
"Ақлий хужум" тугагандан сўнг таклифлар таҳлил қилинади ва улардан энг қимматлилари, кейинчалик улар билан ишлаш учун, танлаб олинади. Таҳлил қилинганда аввало таклифнинг фойдали жиҳатларига эътиборни қаратиш лозим.