9-Mavzu: Texnik reglamentlarni ishlab chiqish, kelishish, tasdiqlash, ro`yxatga olish va kirtish to`g`risida

Texnik reglamentlarning namunaviy tuzilmasi 
Texnik reglamentlar quyidagi tuzilmali elementlarni o‘z ichiga olishi mumkin: 

titul varag‘i; 

so‘z boshi; 

qo‘llanish doirasi; 

ta’riflar; 

himoyalovchi izoh; 

bozorga kirish qoidalari; 

texnik talablar; 

muvofiqlik prezumptsiyasi; 

muvofiqlikni tasdiqlash; 

muvofiqlikni baholash bo‘yicha ishlar natijalarini o‘zaro tan olish;

o‘tish davri; 

davlat nazoratini amalga oshirish tartibi; 

ilova.
“Titul varag‘i” tuzilmali elementida davlat va rus tilllarda quyidagilar keltiriladi: darajasi - 
umumiy (maxsus) texnik reglament; belgilanishi; nomlanishi; “Rasmiy nashr” so‘zlari; Toshkent – 
qabul qilish yili. 
“So‘z boshi” tuzilmali elementida texnik reglament, mintaqaviy va xalqaro darajada 
uyg‘unlashtirish to‘g‘risida axborotni ishlab chiqish va tasdiqlash, boshqa texnik reglamentlar 
bilan o‘zaro bog‘lanish, dastlabki yoki boshqa normativ hujjat o‘rniga joriy etilgani to‘g‘risida 
umumiy ma’lumotlar ko‘rsatiladi.
“Qo‘llash doirasi” tuzilmali elementida texnik reglamentni tatbiq etish doirasi ko‘rsatiladi 
va zarur bo‘lganda texnik jihatdan tartibga solish ob’ekt (aspekt)lari aniqlanadi. 
U, mahsulot (mahsulot guruhlari) yoki mahsulot bilan bog‘liq bo‘lib, texnik jihatdan 
tartibga solish ob’ektlarini identifikatsiya qilish talablari va qoidalari belgilanayotgan ishlab 
chiqarish jarayonlari va usullarining to‘liq ro‘yxatini, shuningdek ularga xos xavflarni o‘z ichiga 
oladi.
“Ta’riflar” tuzilmali elementida texnik reglament matnini bir xil ma’noda va zid bo‘lmagan 
tarzda tushunish uchun mo‘ljallangan atamalar keltiriladi.
“Bozorga kirish qoidalari” tuzilmali elementida, mahsulotlardan o‘z vazifasida foydalanish 
paytida iste’molchilarni chalg‘itish ehtimoli paydo bo‘lib, inson hayoti va sog‘lig‘iga, hayvonlar 
va o‘simliklar, mol-mulk hamda atrof muhitga zarar etkazilsa, ushbu mahsulot bozorda 
realizatsiya qilinmasligi uchun asos bo‘ladigan qoidalar o‘rnatiladi, shuningdek Muvofiqlik 
belgisini qo‘llash qoidalari keltiriladi. 
“Texnik talablar” tuzilmali elementida texnik reglament maqsadlariga erishish uchun zarur 
bo‘lgan mahsulot (mahsulot guruhlari) yoki mahsulot bilan bog‘liq bo‘lib jarayonlar va ishlab 
chiqarish usullarga qo‘yiladigan talablar keltiriladi. U belgiga, o‘rov-idishiga,tamg‘alarga yoki 
yorliqlarga qo‘yiladigan talablarni o‘ziga kamrab olishi mumkin yoki ushbu masalalarga butun 
bag‘ishlangan bo‘lishi mumkin.
Texnik reglamentda texnik jihatdan tartibga solish ob’ektning konstruktsiyasiga 
qo‘yiladigan talablar bo‘lmasligi lozim, iste’molchilarni chalg‘ituvchi harakatlarni oldini olish 

---

va inson hayoti va sog‘ligiga, hayvonlar va o‘simliklarga, mol-mulkiga, atrof muhitga zarar 
etkazilishi xavfi darajasi hisobga olingan holda ushbu talablar yo‘qligi sababli ta’minlanmasligi 
hollari bundan mustasno. 
Texnik jihatdan tartibga solish ob’ekti “Ilova” tuzilmali elementida ro‘yxati keltirilgan xalqaro va 
G‘yoki davlatlararo standartlarga muvofiq bo‘lganda, “Muvofiqlik prezumptsiyasi” tuzilmali 
elementida bayon etiladi.
Texnik reglamentga “Muvofiqlik prezumptsiyasi” tuzilmali elementi kirmasligi mumkin.
Xavf darajasini nuqtai nazaridan dalilikning zaruriy darajasini ta’minlaydigan shakllar va 
muvofiqlikni tasdiqlaydigan sxemalar “Muvofiqlikni baholash” tuzilmali elementida keltiriladi.
Muvofiqlik to‘g‘risida deklaratsiya (muvofiqlik sertifikati)da texnik reglamentiga havola 
keltiriladi.
“Himoyalovchi izoh” tuzilmali elementida qoidalarga binoan, texnik reglamentga 
nomuvofiq mahsulotlarni bozorga kirish oldini olishga ko‘riladigan choralar keltiriladi. 
“Muvofiqlikni baholash bo‘yicha ishlar natijalarini o‘zaro tan olish” tuzilmali elementida 
muvofiqlikni baholash bo‘yicha ishlar natijalarini o‘zaro tan olish shartlari keltiriladi. 
“O‘tish davri” tuzilmali elementida texnik reglamentni qachon amalga joriy etish kerak 
bo‘lgan davr ko‘rsatiladi. 
“Davlat nazoratini amalga oshirish tartibi” tuzilmali elementida O‘zbekiston Respublikasining 
amaldagi qonunchilikga muvofiq nazoratni o‘tkazish davriyligi, nazorat yuklagan tashkilotning nomi 
keltiriladi. 
“Ilova” tuzilmali elementida texnik reglament talablariga rioya etishni ta’minlaydigan 
xalqaro va/yoki davlatlararo standartlar ro‘yxatini o‘z ichiga oladi. 
Texnik reglamentiga “Ilova” tuzilmali elementi kirmasligi mumkin. 
Texnik reglamentning qoidalarni belgiladigan jadval, rasm, sxema, diagramma, misollar va 
h.k. boshqa ilovalarga ruxsat etiladi.