A. A. Eshbekov SamDU, «Qattiq jismlar fizikasi» kafedrasi dotsenti, f m. f n
MALAKAVIY AMALIYOT BO‘YICHA HISOBOT
Download 292.8 Kb. Pdf ko'rish
|
Malakaviy amaliyot. 205.
|
4. MALAKAVIY AMALIYOT BO‘YICHA HISOBOT VA UNI HIMOYA QILISH TARTIBI
Malakaviy amaliyot bo‘yicha hisobot quyidagi tarkibiy qismga ega bo‘lishi kerak: - titul varag‘i; - mundarija; - kirish; - tahliliy (asosiy) qism; - xulosalar; - ilovalar. Hisobotning kirish qismida uning maqsadi, vazifalari, amaliyot subyekti va obyekti, erishilgan natijalar, ularning ahamiyati, hisobotning hajmi va tarkibi yoritiladi. Hisobotning tahliliy (asosiy) qismida malakaviy amaliyot dasturiga kiritilgan mavzular (savollar) bo‘yicha o‘rganish natijalari, ya’ni korxonada u yoki bu obyektning amaldagi holati, undagi yutuq va kamchiliklar ochib beriladi. Ushbu qismda o‘rganilgan mavzu (savol)larni yoritishda quyidagi ketma-ketlikka amal qilish tavsiya etiladi: • hisobning hujjatlar bilan rasmiylashtirish tartibi; • hisobot bo‘yicha xulosa va qaydnomalarni yuritish tartibi; Talabaning o‘z husnixati bilan yozilgan hisobotning jami hajmi (ilovalardan tashqari) 35-40 betdan oshmasligi kerak. Unda har bir bet va ilovalar tartib bilan raqamlab chiqiladi. Mundarijada hisobotning har bir qismi (bo‘limlari)ning boshlang‘ich tartib raqami ko‘rsatiladi. Hisobotning xulosa qismida korxonada o‘rganilgan obyekt bo‘yicha fikr, mulohazalar va tavsiyalar beriladi. Hisobotning ilova qismida o‘rganilgan mavzu (dastgoh)ga doir boshlang‘ich hujjatlar va hujjatlaridan nusxalar, ko‘chirmalar keltiriladi. Ularga berilgan tartib raqamlar hisobot matnida keltirilgan tartib raqamlar bilan bir xil bo‘lishi kerak. Malakaviy amaliyot bo‘yicha tayyorlangan hisobot va korxona tomonidan imzolangan hamda tasdiqlangan kundalik kafedraga amaliyot tugagan kundan boshlab 3 kun muddatda topshirilishi lozim. Kafedraga topshirilgan hisobotlar «Kafedraga kelib tushgan va taqriz uchun qabul qilingan amaliyot bo‘yicha hisobotlarni qayd etish jurnali»da ro‘yxatga olinadi va kafedradan berkitilgan rahbarlarga taqriz uchun beriladi.
Rahbarlar hisobotning rasmiylashtirilishi, mazmuni jihatdan qo‘yilgan talablarga muvofiqligiga baho beradi va o‘z mulohazalarini taqrizda aks ettiradi. Taqrizda ishning ijobiy tomonlari, mavjud kamchiliklari batafsil e’tirof etilishi, so‘nggida esa, hisobotning himoyaga qo‘yilishi yoki qo‘yilmasligi to‘g‘risida rahbarning xulosasi keltirilishi kerak. To‘g‘ri rasmiylashtirilgan, dasturda ko‘zda tutilgan savollar nazariy, amaliy jihatdan to‘liq yoritilgan hisobotlarga ijobiy taqriz beriladi va himoyaga qo‘yiladi. Rasmiylashtirilishi va mazmuni jihatdan qo‘yilgan talablarga javob bermaydigan ishlar himoyaga qo‘yilmaydi. Bunday hollarda talaba taqrizda ko‘rsatilgan kamchiliklarni belgilangan muddatlarda bartaraf qilishi va ishni qaytadan taqrizga berishi kerak. Oldingi taqrizda keltirilgan kamchiliklar to‘liq bartaraf qilingan taqdirda hisobot himoyaga qo‘yiladi. Ijobiy taqriz berilgan hisobotlar kafedra yig‘ilishi qarori bilan tasdiqlangan komissiya oldida himoya qilinadi. Himoyada, dastlab, talabaga o‘z hisobotining mazmunini, xulosa va takliflarini bayon qilishi uchun 5-10 daqiqa muhlat beriladi. So‘ngra, komissiya a’zolari hisobot bo‘yicha savollar berish orqali talabaning bilimiga oydinlik kiritadilar. Hisobot himoyasi komissiya a’zolari tomonidan hisobotning mazmuni, savollarga berilgan javoblar inobatga olingan holda baholanadi. Bunda, «a’lo» baho uchun 90-100 ball, «yaxshi» baho uchun 80-90 ball, «qoniqarli» baho uchun 60-80 ball qo‘yiladi. Himoya vaqtida talaba berilgan savollarga yetarlicha javob bera olmaganda «qoniqarsiz» baho qo‘yiladi. «Qoniqarsiz» baho olgan talaba hisobotni belgilangan tartibda qaytadan himoya qiladi. Download 292.8 Kb. Do'stlaringiz bilan baham: 
|