A Excel programmasına kiriw b Jumıs hújjetler menen islew

EXCEL elektron tablicanıń tiykarǵı elementleri
Microsoft Exceldegi barlıq maǵlıwmatlar tablica kórinisinde payda bolıp, bunda tablica yasheykalarıniń málim bólimine baslanǵish hám birlemshi maǵlıwmatlar kiritiledi. Basqa bólimleri bolsa hár qıylı arifmetik ámeller hám baslanǵısh maǵlıwmatlar ústinde orılanatuǵın túrli ámeller nátiyjelerinen ibarat bolǵan informaciyalar.
Elektron tablica yasheykalarında úsh qıylı maǵlıwmatlardı kiritiw múmkin:

• 
  tekstli;
  
• 
  sanlı ańlatpalar;
  
• 
  formulalar.
  

Tekstli maǵlıwmatlardı zagolovka, belgi, túsindirmelerdi óz ishine aladı. Sanlı ańlatpalar tuwrıdan-tuwrı tablica isine kiritiletuǵın sanlar.
Formulalar — kiritilgen sanlı mánisler boyınsha jańa máislerdi esaplaytuǵın ańlatpalar.
Formulalar barlıq waqıtta «=» belgisin kiritiw menen baslanadı. Formula yasheykaǵa kiritilgennen keyin usı formula tiykarında esaplanatuǵın nátiyjeler jáne usı yasheykada payda boladı. Eger usı formulada paydalanılǵan sanlardan yaki belgilerden biri ózgertilse, Excel avtomatik ráwishte jańa maǵlıwmatlar boyınsha esap islerin orınlaydı hám jańa nátiyjeler payda etip beredi.
Excel diń tiykarǵı islew beriw obyekti hújjetler esaplanadı. Excel hújjetleri XLS keńeytpelerine iye bolǵan fayllar. Excel de bunday fayllar «Jumıs kitabı» dep ataladı. Hár bir jumıs kitap qálegen sandaǵı elektron tablicalardı óz ishine alıwı múmkin. Olardıiń hár biri «jumıs beti» dep ataladı. Hár bir jumıs beti óz atına iye boladı. Jumıs kitaptı payda etiw ushın Microsoft Excel programmasın iske túsiriw zárúr. Jumıs kitabınıń quramındaǵı elementlarinen biri jumıs beti, yaǵniy elektron tablica esaplanadı.
Elektron tablicaniń tiykarǵı elementleri bolsa yasheyka hám diapazonlar.
Yasheyka — bul tablicadaǵı mánzili kórsetiletuǵın hám de bir qatar hám bir baǵana kesispesi aralıǵında jaylasqan element. Yasheyka kesispelarinde payda bolǵan baǵana hám qatar atı menen ańlatılatuǵın manzili menen anıqlanadı. Máselen, A — baǵana, 4 — qatar kesispesinde jaylasqan yasheyka — A4 dep at aladı. Yasheykaǵa sanlı mánisler, tekstli informaciyalar hám formulalardı jaylastırıw múmkin.
Bir neshe yasheykalardan quralǵan topar diapazon dep ataladı. Diapazon manzilin kórsetiw ushın onı quragán yasheykalardıń shep joqarı hám oń tómengi yasheykalar manzilleri alınıp, olar eki toshka menen ajıratılıp jazıladı. Máselen: A1:A4
Jumıs tablicalardı kórip shıǵıwda yaki yasheykalardı formatlawda jumıs alıp barıp atırǵan diapazonnıń manzilin biliw shárt emes, biraq formulalar menen islep atırǵanda bul nárse júdá áhmiyetli.
Microsoft Excel programmasın bir neshe usıl menen iske túsiriw múmkin:
1.Jumıs stolı menyuinen tómendegilerdi orınlaw arqalı: