A Excel programmasına kiriw b Jumıs hújjetler menen islew

Tema: EXCEL programmasında ekanomikalıq máselelerdi tarqatıp alıw


Joba:
I bap. Microsoft Excel programması. Elektron tablicalar ústinde ámeller.
a) Excel programmasına kiriw.
b) Jumıs hújjetler menen islew.
c) Excel programmasında maǵlıwmatlar menen islew.
d) Formulalar menen islew hám maǵlıwmatlardı ótkeriw.
II bap. Excel de matematikalıq funkciyalardı esaplawdı ámelge asırıw hám diagrammalar ornatıw.
a) Funkciyalar menen islew.
b) «Master funkciya» menen islew haqqında túsinikler.
c) Diagrammalar menen islew.

Zamanagóy kompyuterlerdiń programmalıq támiynatınıń bólimine kiriwshi MICROSOFT OFFICE paketindegi tiykarǵı programmalardan biri tablica processorı dep atalıwshı EXCEL programması. EXCEL WINDOWS operacion sisteması basqarıwında elektron tablicalardı tayarlaw hám olarǵa islew beriwge arnalǵan.

Elektron tablicalar tiykarınan ekonomikalıq máselelerdi sheshiwge arnalǵan bolsa da, onıń quramına kiriwshi qurılmalar basqa oblastqa tiyisli máselelerdi sheshiwge de, máselen, formulalar boyınsha esaplaw islerin alıp barıw, grafik hám diagrammalar qurıwda da úlken járdem beredi. Sonıń ushın EXCEL programmasın úyreniw úlken áhmiyetke iye hám hár bir paydalanıwshıdan EXCEL menen isley alıw kónlikpesine iye bolıw talap etiledi.
Insan óz jumıs tájiriybesi dawamında kóbinese qandayda bir kerekli maǵlıwmat alıw ushın bir qıylı, zerigerli, bazıda bolsa, quramalı bolǵan islerdi orınlawǵa májbúr boladı. Microsoft Excel programması mine usı islerdi ańsatlastırıw hám qızıqlı qılıw maqsetinde islep shıǵarılǵan.
Microsoft Excel elektron tablicası esaplaw programması sıpatında qaralıp, ekonomikalıq hám finanslıq máselelerdi sheshiwde járdem berip ǵana qalmay, bálkim hár kúngi satıp alınatuǵın azıq-awqatlar, úy-xojalıq buyımları hám de banktegi esap betleri esap-kitabın alıb barıwda da járdem beriwshi tayar programma.