Psixofarmakologiya – odam nerv sistemasi va psixikasiga sezilarli ta'sir ko’rsatuvchi dorivor yoki shifobaxsh preparatlar hadidagi ta'limot. Psixofarmakologiyaning vazifasi turli «psixotrop» moddalarning bioximik tarkibini o’rganish va shu moddalar ta'sirida ro’y beradigan psixik o’zgarishlarning xususiyatlarini aniqlashdan iboratdir.
Psixofizika – sezgi organlari psixofiziologiyasidagi oqim. Uning vakillari qo’zg’ovchi kuchi bilai sezgi miqdori o’rtasidagi matematik nisbat qonunlarini belgilashga intilganlar. Masalan, frantsuz fizigi P. Buger (1698–1758) ko’ruv sezgilaridagi farq chegarasi nisbiy miqdorining doimiyligiii birinchi bo’lib aniqlagan. So’ngra bu tadqiqotni nemis fiziologi E. Veber (1795–1878) davom ettirib, xuddi shu faktni teri–harakat sezgilari va ko’z bilan chamalash orqali aniqladi. Nihoyat, nemis faylasufi va fizigi G. Fexner (1801–1887) sezgining miqdoriy xarakteristikasini o’rganishga cheksiz kichik miqdorlarni hisoblash usulini tadbiq qilib, qo’zg’ovchi kuchi bilan sezgi miqdori o’rtasidagi logarifmik qiyoslash qonunini ochdi.
Psixofizikaning asosiy kamchiligi shundan iborat ediki, u murakkab psixik jarayonlarni, avval ularning fiziologik qonuniyatlarini o’rganmagan holda, fizik va psixik hodisalar o’rtasidagi faqat sof matematik iisbatlarni aniqlash yo’li bilangina o’rgandi.
Do'stlaringiz bilan baham: |