Ахборот ва педагогик технологиялар факультети

6- лаборатория иши. 
 
Мавзу: Объектга йўналтирилган дастурлаш технологияси

Режа:
1. С++ сlass лари ва уларнинг таърифи, асосий тушунчалари. 
2. Сlass формати.
3. Сlass лардан фойдаланиб дастурлаш. 
 
1. С++ Class лари ва уларнинг таърифи, асосий тушунчалари  
Жуда кўп ҳолларда дастурлашда берилмалар тўпламлари билан 
ишлашга тўғри келади. Масалан, ёзувлар, ёзувлар бинар дарахти билан, 
тармоқ берилмалари билан ва ҳ.з. лар билан ишлашга тўғри келади. Ёзувлар 
ҳар турдаги берилмаларни бирлаштиради. Ҳар бир тавсифланаётган ахборот 
алоҳида ҳеч нарсани билдирмайди. Улар биргаликда эса бирон бир объектни 
тавсифлаши мумкин. Энг содда таркиб масалан, массив алоҳида бир хил 
турдаги қийматларни яхши сақлайди, аммо ҳар хил турдаги катталикларни 
сақлашга мутлақо ярамайди. Бундай ахборотлар комплексларини объектлар 
деб атаймиз. Шу вақтгача биз дастурлаш тилида аниқланган турлар билан 
ишлаш дастурларини яратдик.
Синфлар – бу маълум бир дастурда аниқланган турдир. Синфни 
аниқлаш уни ташкил этувчи атрибутлар ва улар устида қандай 
операцияларни бажарилишини аниқланишидир. 
Бир нечта ҳар хил турдаги катталикларни битта объектга 
бирлаштирувчи конструкция синф деб аталади.
Синф объектлар турини ва унинг модули бирлигини ҳам тавсифлайди. 
ОЙД да бош дастур тушунчаси йўқолади, шунингдек қисм дастурлар ҳам 
йўқолади. Улар фақат синфлар қисмлари шаклида қатнашишлари мумкин.
Пакетлар тушунчаси ҳам йўк. Ҳатто Integer ва Real каби базавий турлар ҳам 
базавий синфларга кирувчи синф сифатида қаралади. ОЙД да фақат битта 
базавий ҳисоблаш механизми бор. Маълум бир объект борки, у ҳамиша 
бирон бир синф экземпиляри ҳисобланади, ҳисоблаш эса ушбу объект 
чақирувчи синф компоненти амали ҳисобланади. Масалан, ойнани экранда 
кўрсатиш учун ойнани ифодаловчи объектнинг Window объекти экземпиляри 
бўлган display компоненти чақирилади.

---

57
Инкапсуляция 
Синфларни яратишда кўпинча фақат синфнинг ўз ичида ишлатилувчи 
компоненталарини ишлатишга тўгри келади. Бундай компоненталардан 
фойдаланувчилар фойдаланишмайди ва биз уларни инкапсуляция қилишимиз 
уларни ёпишимиз лозим бўлади. Синфлар мутлақо компоненталарини 
чақириш орқали ахборот алмашади. 
Ворислик 
ДВ ларни яратишда кўплаб синфлар яратилади. Уларнинг кўплари 
олдин яратилган синфларнинг вариантлари бўлиши мумкин. Бундай 
мураккаб тизимларни соддароқ бошқариш учун синфилаштириш –ворислик
механизми ишлатилади. А синфи B синфи вориси ҳисобланади, агарда у В 
синфининг баъзи компоненталарини меросласа.
Полиморфизм 
Полиморфизм (polymorphism) – бу мумкин бўлган ҳар хил турдаги 
объектларни 
синф 
моҳиятига 
бирлаштира 
олиш 
имкониятидир. 
Полиморфизм ворислик усули билан назорат қилинади. Полиморфизм - энг 
универсал ва радикал воситадир. У инкапсуляциялаш ва ворислик билан
чамбарчас боғлиқ. Полиморфизм шундай ҳолатки, бунда қандайдир битта 
нарса кўп шаклларга эга бўлади. Дастурлаш тилида «кўп шакллар» 
дейилганда, битта ном автоматик механизм томонидан танлаб олинган турли
кодларнинг номидан иш кўриш тушунилади. Шундай қилиб, полиморфизм 
ёрдамида битта ном турли хулқ-атворни билдириши мумкин.