ҲАҚИҚий тиббиёт (Йўқотилган шифо изидан) Нашрга тайёрлаган: Хадича Мисга Нашриёт

Товуқ еми:
Бугун товуқ еми сифатида гени ўзгартирилган макка, ловия ва буғдой каби қишлоқ-хўжалик махсулотлари қўлланилади. Бундан ташқари, товуқ емига сунъий протеин, витамин, энзим, гормон ва антибиотиклар, бузилишнинг олдини олувчи моддалар (формальдегит ва нитрат-нитритлар) ва бошқа қатор қўшимча моддалар қўшилади. Тухум сариғининг янада сариқ, пўстлоғининг рангли бўлиши учун емга ранг берувчи Е161 (xanthophyl) ҳам қўшилади. Xanthophyl устида қилинган тадқиқотлар оxирига етмаган ва инсон соғлиги учун зарари аниқланмаган. Фақат бу моддага товуқ ёғида ва тухумида дуч келинади. (“Қўшимча моддалар” бўлимига қаранг.)

Тухум

Тоза (янги) табиий тухумнинг оқи хомлай ичилганида заҳарланишни, овознинг хириллашини тузатади. Протеин, бойитилмаган ёғ ва минерал таркибли тухумни ҳамма ейиши мумкин.
Олиб борилган тадқиқотлар натижасида янги тухумнинг юрак касалликлари ва юқори холестеринга алоқаси йўқлиги аниқланди.
Энг яхши тухум табиий озиқланган, эндигина тухум қўйишга бошлаган товуқнинг 1-3 кунлик тухумидир.
Ҳафтада 1-2 марта тухум ейиш кифоядир. Фақат тухум ейишни ёқтирадиганлар ҳафтада 3-5 марта табиий тухум ейишлари мумкин. Янги тухумни хомлай, қовуриб ёки 3 дақиқа қайнатиб ейиш фойдали. 5 дақиқа қайнатиб еса ҳам бўлади, бундай тухум аллергия бермайди.
Аммо 5 дақиқадан кўп қайнатилган ва 10 кундан ўтган тухум зарарли ҳисобланади. Унли махсулотлар ёки бисквит каби ширинлик махсулотларида қўлланилган тухум кукуни, пастеризацияланган тухумлар ва музлатгичда ойлар давомида туриб қолган тухумларнинг протеинлари қон айланишига ўтиб, оғир заҳар каби ишлай бошлайди, буйракларни сустлаштиради ва танага кучли аллергик реакция беради.
Тухумнинг янгилиги қуйидагича билиш мумкин:
Янги тухум тузли сув ичига солинсa, у идиш тубида ётган ҳолда туради. Тузли сувда тик турган тухум - ўртача, сув юзида қалқиб турган тухум - бузилган бўлади.
Янги тухумнинг оқи шаффоф, сариғи ёйилмаган ва эластик ҳолда бўлади.
Эскирган тухумнинг ҳаво бўшлиғи катталашган бўлиб, ичи бузилади, бундай тухум силкитилганда овоз чиқаради.