Ajiniyoz nomidagi nukus davlat pedagogika instituti

 

 

53 

MUHAMMADNIYoZ NIShOTIY 

Reja: 

2.

 

Nishotiy hayoti va ijodi 

3.

 

Shoir lirikasi. 

4.

 

Nishotiyning «Husnu Dil» dostoni 

5.

 

Dostondagi munozaralar 

 

Hayoti  va  faoliyati.  Nishotiy  XVIII  asrda  etishgan  iste`dodli  lirik  va  epik 

shoirdir. Uning «Husni Dil» dostoni xalq orasida ayniqsa mashhurdir. Bu dostonda 

shoirning  hayotiga  doir  ba`zi  ma`lumotlar  bayon  etilgan.  Chunonchi  dostonning 

kirish qismidagi: 

Bor edi Xorazm diyori erim, 

Ondin edi yaxshi, yomon gavharim. 

Chiqmoqda fikr aylabon ikki rafiq 

Ul dedi: g`urbat sari boshla tariq, 

Men dog`i amrig`a qilib inqiyod, 

Yo`lg`a tushib izladim o`zga savod. 

Poki Buxoro sari qo`ydim qadam, 

Oh, bu xori aro bo`ldim adam. 

Garchi eruk manzili dilkash base, 

Lek musofirg`a emas xush base- 

Kabi  misralardan  ko`rinib  turadiki.,  shoir  Xorazmda  tug`ilgan  va  umrining 

ma`lum  qismini  Buxoroda  o`tkazgan  Aftidan,  XVIII  asr  o`rtalarida  Xorazm  toj-

taxti uchun bo`lgan o`zaro urushlar vaqtida Nishotiy xanovayron bo`lib, bashpana 

va  osoyishtalik  izlab  Buxoroga  borgan  bo`lsa  kerak.  Chunonchi,  shoirning 

quyidagi misralari bunga dalil bo`la oladi: 

Charxi dun nogah o`lub badmijoz, 

Dun elig`a berdi kamolu rivoj... 

Moliki amlok o`dub ul boj o`lub, 

Bizg`a iloji aning ixroj o`lub... 

Nishotiy  Buxoroda  ham  ko`p  qiyinchiliklarni  boshidan  kechirgan.  Tanish 

bilish va turar joyi yo`qligi, oziq-ovqat tanqisligi uni ko`p mashaqqatlarga duchor 

etgan: 

Ne mango ma`voyu ne manzil ayon, 

Vah na dedim turg`ali qayda makon? 

Tu`ma uchun shomu sahar nomishim, 

Tife kibi barmog`i so`rmoq ishim. 

Qay bir alam vasfini tahrir etay? 

Yoki qayu dardni taqrir etay? 

«Husni  Dil»  dostoni  XVIII  asrning  70-yillarida  yozilganligini  e`tiborga 

olganda  «Nishotiyning  Buxoro  hayotidagi  og`ir  domlar  tasviriga  doir  misralari 

asason shu yillarga to`g`ri keladi. 

Nishotiy  Nishotib  nozik  va  jo`shqin  lirik  shoirdir  lirikasi.  Uning  lirik 

she`rlari  «G`azaliyot  va  Muxammasoti  Nishotib»  (bu  1903  yilda  Muhammad 

Yusuf 

Chokariy 

tomonidan  ko`chirilgan 

puxta  nusxa 

bo`lib, 

O`zFA 

 

54 

Sharqshunoslik institutida saqlanmoqda), «Bayozi mutafarriqa», «Bayozi majmuan 

ash`or» kabi manbalardan o`rin olgan. Nishotiyning: 

Ochganda doli zulfing, etgach shamoli zulfing, 

Qildi hayoli zulfing toroji dinu imon... 

kabi somimiy sevgini tarannum etuvchi g`azallari hayotiyligi va jo`shqinligi 

bilan kitobxonlarni o`ziga maftun etadi. 

Dastlab  shuni  ta`kidlash  lozimki,  Nishotiyning  ijtimoiy-siyosiy  fikr-

munohazalari  ko`proq  «Husnu  Dil»  dostonida,  ayniqsa  uning  kirish  qismi  va 

xotimasida  mujassamlashgan  bo`lsa,  muhabbat  mavzui  bilan  bog`liq  his-

to`yg`ulari,  ichki  kechinmalari  ko`proq  lirikasida  ifodalangan.  Lekin,  shunga 

qaramay,  uning  she`rlarida  lirik  kechinmalar  bilan  birga,  yashagan  muhitning 

ayrim illotlarini fosh qiluvchi va qoralovchi ijtimoiy siyosiy fikrlari ham aks etgan. 

Bunday  she`rlar  yoki  misralar  Nishotiy  lirikasining  ijtimoiy-estetik  qimmatini 

yanada oshiradi. Misol uchun quyidagi bir parchani ko`zdan kechiraylik: 

Yorab nechuk balodir boshimg`a shomi hijron, 

Ne dardig`a nihoyat, ne mehnatig`a payon. 

Ne sabru ne qarorim, ne hush, ne ixtiyorim, 

Ne yoru ne diyorim, ne jon mango, ne jonon. 

Har kunda boshqa g`avg`o, har tunda o`zga savdo, 

Ne manzilu ne ma`vo, yo`qdur makoni imkon. 

Shoir  Navoiy  va  Fuzuliy  g`azallariga  bog`lagan  muxammaslarida  ham 

ko`proq  ijtimoiy  hayot  voqealariga  e`tibor  beradi.  Ayniqsa  Navoiyning, 

davronidur-hijronidir», «oftob-oftob» kabi qofiyalar bilan tamamlangan she`rlariga 

va  Fuzuliyning  «besukun-tale  zabun»  kabi  qofiyalar  bilan  tugagan  g`azaliga 

bog`lagan  muxammasida  Nishotiyning  o`z  davriga,  o`z  muhitiga  tanqidiy 

munosabati shikoyat ruhida ifodalagan fikrlar ko`proq uchraydi. Masalan: 

Yo`qdurur davroni dunparvar madorig`a qaror, 

Inqlobe birla oxir bo`yg`usidir xor-zor 

Shoir  XVIII  asr  o`rtalaridagi  Xeva  xonligi  hayotidan  olgan  taassurotlarini 

lirik  kechinmalar  shaklida  ifodalab,  «davroni  dunparvar»ni  qoralagan  va  o`sha 

mashaqqatli  ayyomdan  qoniqmaganini  yashirmay  yozgan.  Nishotiyning  Navoiy 

g`azaliga  bog`lagan  muxammasining  quyidagi  bandi  ham  mazmuni  jihatidan  shu 

ruhdadir: 

Nechun etmay charxi kajraftor alindin dodkim, 

G`am uza g`am etkurur bedod uza bedodkim, 

Nega hasrat o`tig`a kuymay mani noshodkim, 

So`zi ishqimdin savol etdi un oy farodkim, 

Yuz javobim boru yo`q hushrim demakka bir javob. 

Ozarbayjon  xalqining  mashhur  mumtoz  shoiri  Fuzuliy  o`z  kechinmalari 

fonida  feodal  muhitini  qoralab,  «berahm  falak»,  «beparvo  do`st»,  «qaviy 

dushmon»dan  noroziligini,  dard  ko`pligi  va  tole  zabunligini  tasvirlovchi  bir 

she`rini shunday boshlagan edi: 

Do`st beparvo, falak berahm, davron besukun, 

Dard cho`x, hamdard yo`q, dushman haviy, tole zabun. 

 

55 

Shoir  Nishotiy  bu  misralarda  tasvirlangan  holatni  o`z  muhitida  ko`rganday 

bo`ladi va Fuzuliyning shu g`amgin g`azaliga muxammas bog`lab, Xeva xonligida 

kishilarga,  «hamdam-oh»,  hamnafas-afg`on  «ekanini,  kishilar  ruhi-hazin,  xotiri 

g`ussalarga  to`lib-toshganini  ta`kidlabdi,  mamlakatda  fisq-fujun,  azob  va  o`lim 

rivoj topganidan faryod chekadi: 

Hamrohim-g`am, munisim-dardu rafiqimdur ano, 

Mahramim-mehnat, shafiqim-marg, hamdardim qazo 

Quyidagi  parchada  shoir  o`zini  olov  ichida  qolgan  somon  parchasiga 

o`xshatadi, aql va donish najot yo`li qolmaganligini, falakning teskariligi va davlat 

ishlari tushgunligini ta`kidlab bunday deydi: 

Vah nechuk aylay gumon o`zni bu holatda hayot, 

Xlk aro pinhonman andoq axtarib topmas mamot, 

O`tda bargi kohdek aqlu xirodag`a yo`q najot, 

elda bargi loladek tamkinu donish besabot, 

Suvda aksi sarvdek ta`siri davlat vojgun. 

Nishotiyning  bu  misralari  XVIII  asrning  40-yillaridagi  g`oyat  og`ir  ahvolni 

ko`rsatadi.  Biroq  shoirning  o`sha  muhit-sharoitdan  norozilik  ruhidagi  bu  fikrlari 

faqat  shikoyatligicha  qolavergan;  g`azab  o`tida  yongan  keng  xalq  ommasining 

o`tkir  noroziligi,  qarshiligi  mamlakatda  jabr-zulm  va  xarobalikning  avj  oldirgan 

hukmron doiralarga qarshi kurashni ifodalash darajasiga ko`tarila olmagan. 

Mavjud  tarixiy  sharoit  bilan  izohlanadigan  fikriy  ojizlik  natijasida  shoir 

xalqni xon va beklarga qarshi kurashga da`vat etish o`rniga: 

Zulm etdi charxi zolim, qildi fuzun malolim, 

Ko`p mushkul o`ldi holim, yorab sen ayla oson- 

deb  xudoga  yolvardi.  Shoir  shu  fikriy  ojizlik  natijasida  nima  qilishini 

bilmay, mayxonada hushdan ketgancha ichib, orom olishni istabdi, «ahli xirad»dan 

ajralmoqchi bo`ladi, «or ila namus»ga nafrat izhor etadi, boshi berk ko`chaga kirib 

qoladi: 

Tuting ey ahli xirad biringiz o`zga maqom, 

Kunji mayxona aro men dog`i aylay orom, 

Qutulib bir yo`la sizdin bo`layin masti mudom. 

Qoching ey or ila nomus, keting ey nang ila nom. 

To bakoy rijtai donish bila payvast bo`lib? 

Qo`ying ahbobki loyaqil o`lay, mast bo`lay. 

Bu-shoirning  og`ir  fojiasi  edi.  Nishotiyning  turmush  voqealariga  faol 

qatnashmaganligi,  hayotni  yaxshilashning  haqiqiy  yo`llarini  anglamaganligi, 

hukmron  doiralarni  fosh  qilishda  etarli  darajada  dadillik  ko`rsata  olmaganligi, 

tinchlik  va  osoyishtalik  uchun  kurash  yo`lini  topolmaganligi  shunga  olib  keldiki, 

uning  ayrim  she`rlarida  qayta-qayta  sherlatilib,  siyqasi  chiqib  ketgan  shakllar, 

tashbehlar,  ifodalar  takrorlandi  va  shoir  o`z  qayg`ularini,  g`am-g`ussalarini, 

shayxlar,  zohidlar  va  voqealar  qaratilgan  fikrlarini  ifodalashda  ham  ko`pincha 

an`anaviy tashbehlar va usullarni qayta-qayta qo`lladi. Chunonchi, shoirning: 

Do`stlar pand bu kim, jom ila may no`sh qiling, 

O`zni bilmasdek ichib, shomu sahar jo`sh qiling, 

Zuhdu taqvo bila toatni faromo`sh qiling, 

 

56 

Beribon jami labolab meni madhush qiling- 

Kabi misralari bunga misol bo`la oladi. 

Ammo  Nishotiy  lirikasi  an`anaviy  obraz  va  badiiy  vositalar  doirasida  qolib 

ketmaydi.  Shoirning  bir  qator  she`rlarida  zamonasining  sog`lom  nidosi,  feodal-

klerikal  muhitdan  nolish  barakalla  eshitiladi.  Shoir  o`z  davridagi  aqlu  donish 

aqllarini musibatli hayotidan iztirob chekib: 

Aqlu binish bila to boshdin oyoq zor o`ldilo, 

Sabr zindonida donishg`a giriftor o`ldum, 

Barchadan zor Nishotiy kibi bezor o`ldim... 

kabi alamli misralar bitadi. 

Shoirning  ishqiy-intim  she`rlarida  ham  bunday  ziddiyatlarni  ko`rish 

mumkin. Shuni alohida uqtirish lozimki, shoir qaerda konkret hayotga yaqinlashib, 

ko`z oldida gavdalangan oshiq-ma`shuqlar haqida, jonli odamlar to`g`risida qalam 

tebratsa,  o`sha  o`rindagi  jozibadorligi  va  haroratligi  bilan  ajralib  turadi. 

Chunonchi, uning: 

Har bir kunim edi oy, har oyim erdi bir yil, 

Ul zulfu yuzni ko`proq xush bo`ldi mohu solim, 

Dedimki: shomi hijron to`y erdi ham qorong`u, 

Dediki: ko`zing oydin topding bu tun visolim- 

kabi  baytlari  hayotiyligi,  haqqoniyatligi  bilan  maroqlidir.  Shoir  boshqa  bir 

she`rida  oshiq  va  ma`shuqa  o`rtasidagi  ayriliqning  g`am-g`ussasini  ifoda  etish 

fonida o`zi yashagan davrining g`urbat va alamlarini tasvirlaydi: 

Qayda ul bedilg`a oyo sabru oromu ishkeb, 

Azm etib g`urbatg`a ul qolsa vatan ichra habib. 

Nishotiy  yor  haqidagi  ba`zi  she`rlarini  real  taassurotlar  asosida  yozmagan, 

shuning  uchun  bu  she`rlarida  mavhum  manzara  va  lavhalar,  ta`sirsiz,  kuchsiz 

mubolag`alar,  sun`iy  tashbehlar  uchraydi.  Bunday  she`rlar  yoki  baytlarda  qosh 

kamonga,  kiprik  o`qqa,  zulf  kajdum  (chayon)ga  yoki  ilonga,  qad-qomat  sarv 

daraxtiga yoki niholga, og`iz pistaga, xol qora zog`ga, bel qilga o`xshatiladi, oshiq 

va  ma`shuqlarning  xulq-odatlari,  bir-birlariga  munosabatlari,  oilaviy  hayotdagi, 

muhabbatlaridagi samimiyliklari real tarzda aks ettirilmaydi. 

Shoirning  ayrim  she`r  va  baytlaridagi  bunday  nuqsonlarga  qarab,  uning 

she`rlaridagi iste`dodini kamsitish noto`g`ri bo`lur edi. Chunki Nishotiy hayotiy va 

ijodiy  tajribaga  ega  bo`lgan  borgan  sari  g`oyaviy-badiiy  kamolatga  etib,  bunday 

nuqsonlardan qutulib boradi. 

Nishotiy  she`rlarining  anchagina  qismi  Navoiy  g`azallariga  bog`langan 

muxammaslardan  iborat.  Shoir  Navoiyni  «aql-donishda»  g`urron  kalang»  deb 

ta`riflagan  va  uning  g`azallariga  15  dan  ortiq  muxammas  bog`lagan.  Bu 

muxammaslarning  ba`zilari  Navoiy  misralariga  g`oyaviy-badiiy  jihatdan  mos 

kelmaydi. 

Lekin, bunday kamchiliklardan qat`iy nazar, Nishotiy lirikasi XVIII asrdagi 

poeziyasining go`zal namunasidir. 

«Husnu dil» dostoni. 

«Husnu  Dil»  dostonining  syujeti  fors-tojik  va  turkiy  tillar  adabiyotida 

ko`pdan beri keng tarqalgan va qayta-qayta ijodiy ishlangan syujetdir. Chunonchi, 

 

57 

XV asrda shoir Fattahiy (1450 yilda vafot etgan) «Husnu Dil» syujeti asosida nasru 

nazm uslubida tojikcha doston yozgan edi. Bu dostonning qo`lyozmasi Tojikiston 

fanlar  Akademiyasi  til  va  adabiyot  institutining  Sharqshunoslik  bo`limida 

saqlanmoqda.  Shu  fondda  saqlanayotgan,  Ravzat-ul-ushshoq  va  hikoyati 

Ibodullohil  G`afuri  Nishopuriy  va  Riyoz-ul-latoif"»nomli  qo`l  yozma  kitobning 

89-137  betlarida  ham  tojikcha,  «Husnu  Dil»  dostoni  berilgan.  Bu  doston  o`z 

syujeti  nasriy  ifodasi,  vazni  va  boshqa  jihatlari  bilan,  qisman  bo`lsa-da,  Fattoqiy 

variantidan  farq  qiladi.  Shuningdek,  mashhur  tojik  yozuvchisi  Mashfiqiy  ham 

(XVI  asr)  «Gulzori  eram»  dostonida  «Husni  Dil»  syujetini  ijodiy  ravishda  qayta 

ishlagan  (1571  yil).  Fors  tojik  adabiyotida  «Husnu  Dil»  dostonining  boshqa 

variantlari  ham  bor.  «Husnu  Dil»  dostoni  o`zbek  adabiyotida  ham  xiyla  uzoq 

tarixga  egadik.  Jumladan,  XVI  asrda  o`tgan  oshnozlik  shoir  Ohiy  «Husnu  Dil» 

syujetida  doston  yozgan.  «Husnu  Dilning  xalq  orasida  keng  tarqalgan 

variantlaridan biri shoir Nishotiy dostonidir. Nishotiyning «Husnu Dil» dostoni shu 

syujet  asosida  yaratilgan  boshqa  dostonlardan  tubdan  farq  qiladi.  Bu  dostonning 

ko`pgina  qo`l  yozma  nusxalari  Toshkent,  Xeva,  Buxoro,  Samarqand  va  boshqa 

joylarda bor. 

Dostonning  «Husnu  Dil»  dostonining  mazmunidan  ravshanki,  obrazli  va 

shoir  davrining  g`oyalari  mavqeida  g`oyaviy  mativlari  turib,  ajoyib  afsonaviy 

syujet  shaklida  tinch  va  osoyishta  hayot  haqidagi  olijanob  insoniy  ideallarni 

ifodalagan. Shoir, aql va ishq, fahm-farosat, himmat-muruvvat, rng-idrok bilan ish 

ko`rgan  taqdirdagina  olib  niyatlarga  erishish,  mumkin,  degan  oqilona  xulosalar 

chiqargan. Nishotiy mamlakatda ranju sitam urug`iga barham berish va olamni har 

qanday  «horu  xos»dan  tozalab,  «Dahr  eliga,  fayz  va  zavq»  bag`ishlovchi  bog`-

rog`lar yaratish g`oyasini quyidagi misralarida yaqqol ifodalagan: 

Kimki birov qasdig`a o`tni yoqar, 

Charx ani ul o`t uza oxir yoqar. 

Ranju sitam tuxmini eksa birov, 

Urg`usidir ham oni vaqti darov. 

Ey naxush ul subhi saodat nasim, 

Nakhat anga bor esa davlat shalish. 

Bahravar andin bo`libon bog`-rog`, 

Dahr eliga bo`lsa muattar dimog`. 

Qilsa jahon sahnini gulzorvash, 

Qalmasa ul gulshan aro xoru xos. 

Dostondagi obrazlar orasida Aql, Fuod, Nazar, Ishq, Husn, Himmat, Qomat, 

On,  Xayol,  Vafobonu,  G`amza,  Ishva,  Karashma  kabilar  ayniqsa  muhim  rol` 

o`ynaydi. 

Nishotiy 

bu 

obrazlarning 

qiyofasi 

va 

faoliyatida 

tinchlik, 

osoyishtalik,obodonlik  va  farovonlik  g`oyalarini  mujassamlashtiradi.  Dostondagi 

ikkinchi guruh timsallar esi Vahm, Raqib, Foruqa, Foxir, Shayx zarq, Shohi Fasod 

kabilardan  iborat  bo`lib,  ular  zulm  va  zo`rovonlik,  qahr-g`azab  nomoyonlari 

sifatida  gavdalanadi.  Demak,  ziyo  va  zulmat  kuchlarini  mujassamlashtiradigan 

majoziy obrazlar o`rtasidagi kurash dostonidagi konflikt asosini tashkil etib, uning 

xarakterini belgilaydi. 

 

58 

Aql  obrazi.  Nishotiyning  tasviricha,  Aql  Yunonda  podshoh  bo`lib  zo`r 

aqlliliga,  donishmandligi,  shoirligi  va  axloqliligi  bilan  ajralib  turar  ekan,  uning 

adolatidan «Mulk ma`mur» va yaxshi ishlaridan «xalq masrur» bo`lgan ekan. 

Ilm ila hikmat aro Luqmon edi, 

Fahm ila fikrat aro burqon edi. 

etmagudek fahmi Falotun ango, 

O`zga edi rasm ila qonun ango. 

Mulki jahon ichra qilib adlu dod, 

Dodi bila erdi jahon mulki shod 

Adli bila mulk edi ma`mur ango, 

Fazli bala xalq edi masrur ango. 

Ilmu adab bobida mohir dag`i, 

Qariyasanj erdiyu shoir dog`i, 

Bo`lganidan zoti qabuli inom, 

Dahr eli otin der edi Aqli tom. 

Ammo  Aql  shuncha  bilim  va  donish  egasi  bo`lishiga  qaramay,  bir  daraja 

parishonhayol  va  beparvo  ekan.  U  o`zining  vaziri  Vahmi  balo  va  ishongan 

maslahatchisi  Murimdi  Ilhon  degan  shayx  xasofati  tufayli  ana  shunday  bo`lib 

qolgan ekan. Aql shunday kamchiliklari sababli qottiq jazolanadi. Bu esa uning o`z 

vaziri Vahmning yolg`on gaplariga ishonaverishning oqibati edi. Buning natijasida 

Aql noto`g`ri chora tadbir ko`radi. Hatto u Vahmning chaqimchiligi va shayxning 

bo`qtonlarini o`ylab o`tirmay, Fuod, Nazar, Xayol va Nog`mani asir alib, zindonga 

solish haqida bo`yruq beradi. 

Fuodning  ahvoli  yomonlashadi.  Hakimlar  uning  kasalini  «ishq  kasali»  deb 

aytadilar. Aql xa yana o`zining Vahmi balo kabilarning gapiga kirib. Ishq o`lkasiga 

qarshi  jangga  otlanadi  va  bir  hamla  bilan  ishq  o`lkasini  bosib  olmoqchi  bo`ladi. 

Ammo  u  Ishq  o`lkasining  qudratini  e`tiborga  ham  olib  o`tirmaydi.  U  o`z 

kuchlariga  ortiqcha  baho  beradi,  mag`rurlanadi.  Nishotiy  Aqishohdagi  salbiy 

sifatlarning  XVIII  asr  hukmdorlariga  xos  ekanligini  nazarda  tutib  ana  shunday 

qahr-g`azobga  to`lgan  johil  va  zolim  shohlarga  yaqin  yo`lamaslik  kerakligi 

to`g`risida bo`nday dedi: 

Kimki qilur qurbati shohni havos, 

Qahr o`tig`a yong`usi andoqli xas 

Shoh demak kimsaga o`pka havos, 

Oxir anga oh bo`lur halinafas. 

Shoh qusuridin o`zing ayla dur, 

Toki sanga shah degay el bequsur. 

Demak,  Nishotiy  Aqlshohning  savodi  va  ilmini  maqtash  bilan  birga,  uning 

kamchiliklarini  ham  tanqid  qiladi.  Shoir  Aqlshoh  tabiatida  sodir  bo`lgan 

qahrg`azab  uning  yaramas  maslahatchilariga  ishonganining  natijasi  ekanini  qayd 

etib, XVIII hukmdorlarida ham bunday salbiy sifatlar borligiga ishora qiladi. 

Fuod  obrazi.  Fuod  Aqlshohning  o`g`li.  U  dunyoga  kelganida  hikmat  eli 

birgalashib,  maslahat  bilan  unga  nam  quyishgan.  Fuod  esini  taniy  boshlashi 

bilanoq,  hikmat  eli  tarbiyasida  bo`lib,  fahm-farosatini  oshira  borgan.  Shoirning 

yozishicha  Fuodning  zehni  o`tkir  bo`lganidan,  u  etti  yoshidayoq  qiroatni 

 

59 

o`rgangan,  asta-sekin  har  qanday  ilmni  ham  o`rganib,  «har  jeki  mashhul»  bo`lsa, 

fikr  yuritib  o`zlashtira  borgan.  U  ko`proq  tarix  o`qish,  she`r  san`ati  ustida 

muhokama yuritish bilan shug`ullangan. 

Fuod  «Qal`ai  jism»  degan  joyda  o`sadi.  «Qal`ay  jism»  qasrlari  oldida  360 

nahr  va  440  anhor  bo`lib,  bundan  butun  mamlakat  foydalanar  edi.  Aqlshoh  shu 

joyning  hukmronligini  o`g`li  Fuodga  topshiradi.  Fuod  bu  joyni  adolatparvarlik 

bilan idora qildi: 

O`g`li dag`i ko`rsatibon adlu dod, 

Mamlakatin ayladi obodu shod. 

Adl hurufi kabi ko`z birla dil 

Xalq anga bog`lab edi muttasil. 

Fuodning yoshlik yillari turli fanlarni o`rganish bilan o`tadi. U ilm va hikmat 

aqllarini  hurmat  qiladi.  Ammo  o`z  o`g`lini  g`oyat  sevgan  Nafisbonuning  unga 

«Dahr  yomon-yaxshisi»ni  bildiradigan,  boshdan  oyoq  «Ishq  ila  Husn»  ta`rifidan 

iborat kitobni taqdim qilishi bilan Fuod hayotida o`zgarish paydo bo`la boshlaydi. 

Endi  Fuod  ishq-muhabbat  xayoliga  berilib  ketadi  va  g`amgin  voqealarga  duch 

keladi: 

Lek ichibon rohi muhabbat mudom, 

Chehralari bor edi gulgun davom 

Nishotiy  tasviricha,  Fuod  ko`p  bilimlardan  xabardor  bo`lgan  va  ayni 

zomonda  Husnni  zo`r  otash  bilan  sevgan  ishq  yo`lidagi  niyatlaridan  sira 

qaytmagan  oshiqdir.  Ammo  u  (ko`p)  ayrim  kamchiliklardan  ham  xoli  emas. 

Chunonchi, ko`p ichib, mast bo`lganligi natijasida Foruqaning qo`liga tushib, jafo 

chekadi: 

Vahki na xush dedi o`yshun muxtaram, 

Mast parishon esa ko`rgay sitam. 

Fuodning  boshiga  tushgan  tashvishlar  uning  aqlu  farosat  va  sargaklik  bilan 

harakat qilmay, it bilan ohunu, zog` bilan bulbilni farq qilolmay qolishi natijasida 

edi. Nishotiy Fuodning bu nuqsonlarni umumlashtirib, unga ham «javhari idrok»ka 

befarq qarovchilarga ham tanbeh beradi: 

Kimda kim yo`q javhari idrok-aql, 

Kungli emas ainai poki ilm... 

It bila ohu bo`libon halqnafas, 

Zog` ila bo`lbulg`a bir o`ldi hafas. 

Nishotiy  o`z  qahramonlaridagi  bu  kamchiliklarni  tanqid  qilish  bilan  birga, 

unga  yordam  qo`lini  cho`zgan  Husnga  taqsin  o`qiydi  va  uning  g`alabasidan 

xursand  bo`lgani  holda  o`z  zamonida  ana  shunday  mehr  muhabbat,  or-nomus 

yo`qligidan shikoyat qilib, o`z ahvoliga achinadi: 

Ohki man hastaga yo`q yoru or, 

Vah ne dedim bal mango qayda diyor? 

O`lsam agar so`rg`ali yo`qdir ishim, 

Vah ajab yoqsa ko`ki nashishim... 

Nazar  obrazi.  «Husnu  Dil»  dostonidagi  obrazlar  orasida  Nazar  obrazi 

o`zining ma`naviy boyligi, g`ayrati, shijoati, harakatchanligi va tadbirkorligi bilan 

 

60 

diqqatga  sazovordir.  Aslida  «Shahri  Bedahshon»lik  bo`lgan  Nazar  xalqdan 

chiqqon va «purhunar» kishi bo`lib, shahzoda Fuodning xizmatkori edi: 

Xizmatida bor edi bir pirhunar, 

Zoti qarovul edi, oti Nazar. 

Nazar  Fuodning  ahvolini  bilgach  har  qanday  xavf-xatarga  qaramay, 

«Chashmayi  hayvon  kanoridagi  jonon»dan  xabar  olishga  junaydiki,  bu  uning 

jasurligidan  va  insonga  bo`lgan  g`amxo`rligidan  dalolat  beradi.  Dostonda 

tasvirlanishicha,  u  dengizlardan  jasur  «malloh»  (matros)  sifatida  suzib  o`tadi, 

dahshatli dashtu sahralarda botir sayyoh sifatida kezib yuradi: 

Kulzumu ummon aro malloh edi, 

Dashti jahon sahnida sayyoh edi. 

Nazar  shoh  Foxirning  ham,  Shayx  Zirqning  ham  yolg`on  gaplariga 

ishonmaydi,  ularning  so`ziga  kirib  o`z  oldiga  qo`ygan  maqsadidan  qaytmaydi.  U 

shayxning  bemoza  va  «sidqu  safo»dan  mahrum  so`zlaridan  hamda  boshdan  oyoq 

bema`ni va tartibsiz va`zxonligidan uning ma`naviy qashshoqligini bilib oladi: 

Chunki Nazar ongladi oning so`zin, 

Ko`rmadi ul shayx so`zining tuzin. 

Va`zi aro yo`q edi nam`u namo, 

Chunki yo`q erdi yangi sidqu safo. 

Xullas oning so`zin eshitti tamom, 

Boshdin oyoq bor edi muhmal nizom. 

Nazar Shayxni nazar-pisand qilmaydi va aqlu farosati bilan uni mulzam qilib 

toshlaydi.  Bu  epizoddagi  shayx  misolida  mujaassib  ruhoniylarning  riyokorligi, 

Nazar  timsolida  haqiqat  axtaruvchi  oddiy  kishilarning  halolligi,  pokligi  namoyon 

bo`ladi  «Daryoi  hayrat»  epizodida  esa  Nazarning  pahlavonligi  gavdalanadi. 

Shoirning  tasviricha  Nazarning  pahlavonligi  turli  bilim  va  hunarlarni  egallashida 

ham  zohir  bo`ladi.  Nazar  obrazidagi  bunday  ma`naviy  fazilatlar  «Shahri  Habib» 

epizodida uning shoh Qomat bilan uchrashuvida alohida namoyish ettirilgan. Shoh 

Qomat Nazarning sadoqati va bahodirligiga qoyil qoladi. 

Bu o`zinda shoir Nazarga shunday tavsif beradi: 

Dedi Nazar borman aningdek faqir, 

Hur fan aro tab`im erur benazir. 

Ilmi nujum, hikmatu advor ham, 

Bilgum erur sihr ila ash`or ham. 

Ilmi riyoziyu ilohiy sango, 

Tab`im aro barcha qamohiy mango... 

Nazar  Vahmi  va  Murshidi  ilhon  shayx  kasofati  bilan  zindonga  ham 

umidsizlanmaydi. U zindondan qutilish yo`llarini izlar ekan, faqat o`zinigina emas, 

balki xayol, G`amza kabi dustlarini ham qutqarishni ko`zlab harakat qiladi: 

Har kishikam bor edi yo`ldosh ango, 

Mehnati zindon aro sirdosh ango. 

echdi olar bandini dog`i ravon, 

Chiqtilaru qochtilar eldin nihon... 

 

61 

Xullas,  Nazar  o`z  orzulari  bilan  qarovchi  ijobiy  obraz  bo`lib,  ko`p  jihatdan 

«Farhod  va  Shirin»dagi  Shopurga,  «Alpomish»dagi  Qorajonga  o`xshab  ketadi.  U 

o`zining harakatchanligi, kurashchanligi bilan Fuoddan ancha ustundir. 

Husn  obrazi.  Husn  Shahriyori  Ishqning  qizi  bo`lib,  u  go`zal,  bilimdon, 

tadbirli,  bardoshli  bo`lishi  bilan  birga,  vafo  va  sadoqat  timsoli  hamdir.  Husn 

naqoshlik,  binokorlik,  musiqa  va  she`riyatni  juda  sevadi.  Xayol  uning  yonida 

naqqoshlik  qilsa  G`amza  mahoinavozlik  qiladi.  Husn,  Qal`ai  diydor»da  yashab, 

xotin  qizlar  bilan  birga  bo`ladi,  ornomusi  va  yurt  himoyasi  uchun  Mardona 

kurashda sherga teng keladigan bu xotin-qizlarga homiylik qiladi. 

Husn Nazarni samimiyat bilan kutib oladi. Fuod ishqning nishonasi sifatida 

«Chashman  hayvon»  aqiqini  berib,  naqqosh  Xayol  bilan  nag`minavoz  G`amzoni 

unga qo`shib yuboradi. Ammo «Qal`ai diydor»ga lashkar tortgan Aqlshohga qarshi 

otlanishga  majbur  bo`ladi.  U  adashmaslik uchun kengashib  ish qilishni birdan-bir 

tadbir deb biladi. Shuning uchun ham u o`z farmonida quyidagilarni aytadi: 

Dedi qiling jam azomlari, 

Safhai devondagi nozimlari, 

To na kengash qilg`ay alar oshkor 

Topg`amiz ul maslahat uzra qaror. 

Neki kengash birla topar irtikob, 

Bo`lg`usi albatta xatosiz savob... 

Husn  Aqlshoh  qo`shini  bilan  Shohi  Fasod  ustidan  g`alaba  qozongandan 

so`ng, Fuodning zindonidan qutqarish tadbirlarini o`ylab, bu haqda Vafobonu bilan 

maslahatlashadi.  Bu  bilan  shoir  g`alabaga  erishish  uchun  kengashib  ish  tutish 

kerak, degan to`g`ri xulosa chiqaradi. 

Husn-ishq  sirini  har  kimga  ham  bermaydigan  o`ylab  ish  qiladigan,  hayoli, 

iffatli sohibjamol qiz: 

Urmas edi degali g`am elda dam, 

Topmas edi mahrami asror ham. 

Uning  qalbiga  eng  yaqin  kishilardan  biri  Vafobonu  edeb.  Nazar  Fuodga 

qanchalik  sadoqat  bilan  xizmat  ko`rsatgan  bo`lsa,  Vafobonu  ham  Husnga 

shunchalik  vafodor  va  fidokor  edi.  Shuning  uchun  ham  shoir  uni  Vafobonu  deb 

atagan.  Husn  o`z  muhabbatini  yashira  olmaydi;  buni  Nishotiy  quyidagicha 

ifodalaydi: 

Mushkni gar saqlasang eldin niqon, 

Qilg`usidir isi-uq oni ayon, 

Mushk ila ishq o`lmag`usi yoshirun, 

Zohir etar o`t bor ekanni tutun... 

Husn  faqat  o`z  sevgisi  baxt-saodati  uchungina  emas,  balki  do`stlari 

omadining  kelishi,  hayotining  quvnoq  bo`lishi  uchun  ham  jonbozliq  qiladi. 

Chunonchi,  u  Nozni  Nazarga,  Vafobuni  Hishmatga,  Karashmani  Sabrga 

unashtirish  ishiga  aralashadi.  Nishotiyning  fikricha,  Husn  o`zi  va  do`stlarining 

muhabbatini  el  osoyishtaligi, vatan  obodonligi, vijdon  pokligi uchun kurash bilan 

chambarchas bog`langan deb bilgan namusli va qahramon qizdir. 

Shahriyori  Ishq.  Ishq-ideal  shoh  obrazi.  Nishotiyning  tasviricha,  Ishq 

kishilarni  qadrlash,  do`stlikka  rivoj  berish,  maslahat  bilan  ish  ko`rishi,  yurt 

 

62 

obodonligi uchun g`amxo`rlik qilish kabi oshjanob insoniy xislatlarga ega bo`lgan. 

Shoir  Ishqning  g`alabasidan,  riyokorlikning  mahv  etilishidan  quvonadi,  she`riga 

qanot  bog`lab,  zamoniga  etib  keladi  o`zining  zamon  «zarqi  riyo»laridan  uzoq 

turgan holda, Ishqning fazilatlariga ixlosmandligini bildirib: 

To topayin zarqu riyodin xalos, 

Aylayin ixlosga jonimni xos- 

deb yozadi. 

Aqlshohni  engan  Ishq  bu  g`alaba  bilan  cheklanib,  mag`rurlanib  qalmoydi, 

balki  Aqlshohning  yurti  «Mushki  badan»ni  egallab  olgan  Shohi  Fasodga  qarshi 

kurash  ham  ochadi.  Hamma  joyda  tinchlik,  asoyishtalik  o`rnatmoqchi  bo`ladi. 

Ko`pchilikning  maslahati  bilan  Aqlshohni  zindondan  qutqaradi  va  o`ziga  vazir 

qilib  belgilaydi.  Hamma  joyda  «amn-amonlik»,  nisbiy  tinchlik  uchun  kurashdan 

aqllarining ham qadr-qimmatini oshiradi: 

Ahli hunar qadrini qildi baland, 

Etti inod ahlini xoru najand... 

Nishotiy  bu  ideal  shohlikda  ishq  va  aql  ham,  dil  va  qimmat  ham  borligini 

ifodalaydi va qimmat bo`lmagan joyda dunyo, «Chohi balo»dan iborat bo`ladi, deb 

yana o`z zamonidan shikoyat qiladi: 

Yorab etib sabr ila himmatni yor, 

Ishq janobida mango ber qaror. 

Himmat agar bo`lmas edi dovarim, 

Aql ila dil bo`lmadilar yovarim, 

Himmat ila bo`lmas esang dastgir. 

Chohi balo ichra erurman asir... 

Ishqning suyangan kishilari Himmat va G`ayratdir. Ular do`stni dushmandan 

farq  qilib,  Ishq  saltanatiga  rivoj  beradilar.  Binobarin,  Nishotiy  tasviricha,  Ishq 

qo`shini ziyo yorug`lik baxsh etadi; dushman tomoni esa «Lashkari Shom»-zulmat 

bo`lib,  u  o`limga  mahkumdir.  Nishotiy  bunday  majoziy  obrazlar  orqali,  «olam 

kamyob»  bo`lishi  kerak  degan  xalq  orzu-umidlarini  o`z  poetik  niyati  bilan  ulab, 

romantik tasvir yaratadi:  

Ishq erur izohi muallojanob, 

Andin erur alam eli koyyob, 

Zot anga aksar erur kimiyo, 

Tufrog`a ul qadr berur ham baho. 

Roqib  obrazi.  Raqib  razil  kuchlar  va  devlardan  iborat  bulgan  «Lashkari 

Furqat»ning 

boshlig`idir. 

Raqib-ziyo 

dushmani 

Shoir 

Raqib 

misolida 

mujassamlashtirilgan  qaro  guruhlarga  nafrat  qaraydi,  «mol  egasiga  o`xshamasa, 

harom  o`ladi»  degan  halq  maqoliga  ishora  qilib,  ularning  qo`shni  va  tug`laridan 

kuladi: 

Tug`i aning bor edi andoq garoz, 

Hashr xunidin qadi erdi daroz 

Chunki erur el aro bu xushkalom, 

O`xshamasa mol egasiga harom. 

Raqib  «Do`zaxnishon»  bo`lgan  o`z  qizi  Foruqaning  maxrlariga  tayanadi. 

Uning  gapiga  kirib,  Fuod  bilan  Nazarni  dorga,  so`ngosmoqni,  so`ng  ularning 

 

63 

jasadini  o`tda  yoqib,  kullarini  ko`kka  sovurmoqchi  bo`ladi.  Lekin  qo`lga 

tushirganidan  keyin  turli  nayranglar  ishlatib,  g`ayat  «firibg`ar  tovlamochi  ekanini 

ko`rsatadi. Chunonchi Hilmot uni asir olib, Fuod va Nazar haqida so`roq qilganida, 

u makkorlik bilan shunday deydi: 

Xalqi jahon matlai ogoh emas, 

Tanimag`an siylamasa ayb emas. 

Nishotiy  tasviricha,  Raqib  kishilik  jamiyatiga  nuqul  «ranju  sitom»  urug`ini 

sepadigan  qora  kuchlar  namoyandasidir.  Shuning  uchun  ham  Ishq  shrhning 

lashkarboshilari himmat bilan G`ayrat uning ildizini quritish choralarini ko`rib, uni 

o`zi qazilgan chohga tashlaydilar. 

Foruqa  obrazi.  Foruqa  Raqibning  qizi  bo`lib,  «Qalg`ai  hijron»ning 

posponidir. U o`z qiyofasi va xulqi bilan Husn, Vafo, G`amza, Ado, Ishva hamda 

Karashmaga sira o`xshamaydi. U g`oyat badbasharo, yomon xulqli, haramtabiat va 

pastkashdir. Shoir foruqani shunday tasvirlaydi: 

Bor edi bir duni falokatmoob, 

Erdi najas suratu nahs intisob. 

Umri o`lub zali falakdin ziyod, 

Qiz edi er topmayin u badnihod. 

Talg`at anga bor edi do`zaxnamoy, 

Xilqat anga otashi qahri xudoy. 

Yuz uza churuk yog`och erdi burun, 

Har era ul borsa, borib ul burun. 

Baski sovuq yuzlik edi tirojon, 

Qochmoqi andin tilar erdi yilon. 

Oti aning Foruqai joduvon, 

Qo`rqar edi haybatidin insu jon. 

Otasining oti Raqibi muhib, 

Hokimi darbardi «Visoli habib»... 

Foruqa jodugarlik ham qiladi. U mast bo`lib qolgan Fuodga o`zini Husn sifat 

qilib  ko`rsatishga  harakat  qiladi.  Fuod  bilan  Husn  turmushni  buzmoqchi  bo`ladi. 

Lekin siri fosh bo`lgach, g`azablanib, Fuod bilan Nazarni dorga osmoqchi bo`ladi. 

Ammo  Shohriyori  Ishqning  zarbasiga  uchrab,  tog`dan-toqqa  qochib,  qilmishiga 

yarasha jazolanadi. 

Nishotiy  Foruqani  eng  yomon  va  zararli  og`uga  o`xshatadi  va  bunday 

kishilarni  jamiyatdan  quvib,  tog`-tomiri  bilan  supurib  toshlashga  undaydi. 

Pirovardida Himmat bilan G`ayrat uni o`tga tashlaydi. 

Shayx  Zarq  obrazi.  Nishotiy  riyokor  shayxlarni  kishilarni  jaholatga 

sudraydigan  qabih  shaxslar  sifatida  tasvirlab  shayx  Zirq  va  Mushridi  obrazlarini 

yaoatadi. 

Shayx  Zarqda  «na  zavq,  na  nur,  na  ilm,  na  amal»  bor.  U  bid`at-kasofat 

nomoyandasi, u hatto, «g`o`lu shayotin»ga ham rahbarlik qiladi: 

Zikr aro yo`q edi juz naqsh fikr, 

Kayfi pareshon bor edi anga fikr... 

Shayx dema bir yax edi faqshin, 

Anda na ilmu, na amal, na yaqin... 

 

64 

Shayxning ichi g`oyat qora bo`lib, birovga yaxshilikni ravo ko`rmaydi, doim 

va`zkonlik qilib, kishilarni aldashga harakat qiladi. Shayx Zarq va uning muridlari 

doim  ko`z  yoshi  to`kish  kerak,  chunki  ko`z  yoshi  kimdir,  u  bilan  molu  iqbalga 

etish  mumkin,  xazina  topish  uchun  mol  jonni  nazr  qilish  zarur,  deb  kishilarni 

avraydi: 

Nazr qilib xalq ango, chun molu jon, 

Topg`usi ul dahr aro ganji ravon... 

Vahmi balo Vahmi balo Aqlshohning vaziridir. Vahmi obrazi balo ismining 

o`ziyoq  uning  xalq  boshiga  balalar  keltiruvchi  kishi  ekanini  ko`rsatadi.  Shoir 

ta`biri bilan aytganda: 

Oti aning Vahmi balojo` edi, 

Baddimu baddin edi, badgo` edi... 

Vahmning eng yaramas va xavfli xisloti uning chaqimchiligidir. Kutilmagan 

joylarda  paydo  bo`lib,  birovlarning  gapini  tinglash  va  chin  gapni  qo`yib,  yolg`on 

so`zlash  uning  odatidir.  U  ana  shu  yaramas  odati  tufayli,  Fuod  va  Nazarning 

boshiga  kulfat  soladi,  Aqlshohni  husn  va  Ishqqa  qarshi  qo`shin  tortishga  majbur 

etadi. 

Dostonda  Nishotiyning  «Husnu  Dil»  dostonida  «Shah  keltirilgan  boz  va 

Bulbul»,  Gul  va  Daf»,  «Nay  va  Shamshod»  masalalar  «Kosai  va  Nargis», 

«Binafsha  va  Chang»  kabi  masallar  ham  keltirilgan  bo`lib,  ular  dostonning  uzviy 

qismini  tashkil  etadi.  Shu  bilan  birga  bu  masalalar  dostondagi  voqealardan  qat`i 

nazar,  mustaqil  asarlar  sifatida  ham  ko`zga  tashlanib  turadiki,  ularni  ko`zlan 

kechirish maqsadga muvofiqdir.