A`meliy sabaq №8 I. Tema: Qan jaratiwshi ha`m immun qorg`aw organlarinin` mikroskopiyaliq du`zilisi II

Talaqta qan aylanıwı. Talaq dárwazası arqalı talaq arteriyası ishke kiredi. Arteriya trabekulalar boylap tarmaqlanadı xám olar qızıl pulfag`a ótip qızıl pulfa arteriyası dep ataladı. Arteriya limfatik follekulalarg`a kiriw aldın T-xám V- limfotsitler xám plazmotsitlerden turg`an limfatik qan menen oraladı onı aq pulpanıń ósimtesi dep ataladı. Arteriya limfatik follekulanıń shetki b óliminen ótedi, onı oraylıq arteriya yamasa follekula arteriyası dep ataladı. Keyin olar follekuladan shıg`ıp bir neshe tarmaqqa b ólinedi, onı barmaq tárizli arteriya delinedi keyin onnan gilozalı arteriolalar shıg`adı. Bul arteriolalar endoteliyasında qısqarıwshılıq qásietke iye bolg`an jipsheler, diywalında retikulyar talalar , bulshıqet kletkalarınan duzilgen muftalar jaylasqan. Bull muftalar vena sinuslarg`a qannıń ag`ıp barıwın basqaradı xám sfinkter wazıypasın atqaradı. Kapillyarlardıń venag`a ótiwi talaqta jabıq qan aylanısı bolıp , qan kapillyardan tikkeley vena sinuslarına quyıladı. Vena sinuslarınan talaq vena sisteması baslanadı.vena sinuslarınan qan trabekula venalarına olar bir-birine qosılısıp, talaq venasın payda etedi. Ol talqtıń dárwazası arqalı sırtqa shıg`adı.