Ana tilim — ar namısım Jobası

Ana tilim — ar namısım
Jobası:

1)Ana tilim maqtanıshım
2)Qaraqalpaq tiliniń payda bolıw tariyxı hám onıń rawajlanıwı
3)Qaraqalpaq tili – turkiy topar tilleriniń biri
4)Qaraqalpaq tilimizde taza soyleyik
Qaraqalpaqstan – Biz bul sózdi esitkenimizde qalbimizde watanǵa degen muxabbat sezimi payda boladı. Qaraqalpaqstan, ol óziniń áyyemgi tariyxına, ótmishine iye mámleket.
Til – Hár bir millettiń maqtanıshı, múlki, ar-namısı esaplanadı. Til bar eken xalıq bar, mámleket bar. Biz Qaraqalpaqstan degendey ullı mámlekette jasawmızdan ózimizdi baxıtlı insan dep bilsek boladı, sebebi bizdiń óz tilimiz bar. Bul bolsa bizde tilimizge degen maqtanısh sezimlerin oyatadı. Házirgi waqıtta jer júzinde 194 ǵarezsiz mámleket bolatuǵın bolsa olardıń hámmesiniń de óziniń mámleketlik tili bar dep ayta almaymız. Mısal etip alsaq, Latın Amerikası mámleketleri ispan hám portugal tillerinde soylese al Afrika mámleketleri anglichan hám francuz tilinde soylesedi. Mine doslar dúnyada qanshadan-qansha mámleketler óz tiline iye emes. Solay eken biz óz ana-tilimizdi tuwrı sóylewimiz kerek. YUNESKO shólkeminiń maǵlumatlarına qaraǵanda, ayyem zamanlarda jer juzinde 7-8 mıń ǵa deyin til bolǵan bolsa, búgingi kúnde planetamızda 6 mıń til bolıp olardıń 90 % i joq bolıp ketiw qarsańında turıptı. Bul bolsa óziniń ana-tilinde sóylewshilerdiń kemeyip baratırǵanlıqları, óziniń tilin buzıp sóylewi tillerdiń kemeyip baratirǵanliǵinan derek bermekte. Solay eken biz óz ana-tilimizde sap ham taza soylewimiz kerek.
BAS HÁM TIL
Bir kúni Sultan Husaynnıń sarayında úlken ziyapat bolıptı.Gápten gáp shıǵıp patsha “At ayaǵı menen suw ishsin”degen danalıq sózi ushın Áliysherge eki mıń teńge sıylıq berdim,-dep aytıptı.Bunı esitken basqa wázirler daw shıǵarıptı.
-Siz hár saparı onıń bir awız danalıq sózi ushın mıń teńge berer edińiz, endi nege eki mıń teńge berdińiz,bizlerge nege bermeysiz,-depti.
-Eger meniń sorawlarıma durıs juwap berseńiz sizlerge de beremen,-depti patsha.
-Meyli,bizler de tabamız,qansha sorawıńız bolsa bere beriń,-depti wázirler. Sultan Husayn wázirlerge qarap turıp kórsetkish barmaǵı menen basın kórsetipti.Hesh nársege túsinbegen wázirler bir-birine qarasıp tura beripti.Sol waqıtta Alisher barmaǵı menen tilin kórsetipti. -Men barmaǵım menen basımdı kórsettim,Alisher bolsa tilin kórsetti,sizler usınıń mánisin túsindirip berińler,-depti patsha. Wázirler úsh kún oylasıptı, biraq hesh juwabın taba almaptı.Alisherdiń aldına kelipti.Ol eger maǵan hár birińiz mıń tilladan berseńiz aytaman,-depti.Olar ırazı bolıp qırq mıń teńge sanap beripti.
-Patshamız basqa bále neden keledi-dep soraǵan edi.
Men hár kisiniń basına bále tilinen keledi,-dep juwap berdim deydi. Esitken wázirler patshaǵa aǵızbay-tamızbay aytıp beripti.Biraq patsha isenbepti.Sizler tuwrısın aytıńlar,bunı kim úyretti depti.Ózlerimiz taptıq,-dep ótirik sóylepti.Bunı sezgen patsha wolardı ólimge buyırıptı.Ólimnen qorıqqan wázirler shınlıqtı aytıptı.Sonda patsha.
-Men Alisherge eki mıń teńge bersem ,sizler bir awız sózi ushın qırq mıń teńge beripsizler ǵoy,-dep wázirlerdiń aqilsızlıǵına kúlipti.