Andijon mashinasozlik instituti I. M. Sirojiddinova o. X. Pulatova «kasbiy psixologiya»

Mavzu boʻyicha nazorat savollari 
1. Kasb tushunchasini izohlab bering. 
2. Kasb – kasbiy psixologiyaning kontseptual asosidir deganda nimani 
tushunasiz? 
3. Mutaxassisning kasbiy tayyorligi nima? 
4. Mutaxassislikda kasbiy ta‘limning oʻrni va axamiyati qanday? 
5. Ish jarayonidagi maxsus bilimlar deganda nimani tushunasiz? 
6. Kasblarni psixologik tizimlash nima va u dastlab kim tomonidan amalga 
oshirilgan? 
 
 
 
 

---

60 
4- MAVZU. SHAXS PSIXOLOGIYASI VA KASBIY SHAKLLANISH. 
SHAXSNING INDIVIDUAL, SHAXSIY RIVOJLANISHINING OʻZARO 
TA’SIRI  
Rеja 
4.1. Psixologiyada «shaxs» tushunchasi va shaxs ijtimoiylashuvi muammosi.
4.2. Shaxsning «Mеn» obrazi va oʻz-oʻziga baho bеrishi muammosi.
4.3. Shaxs dunyoqarashini va kasb etikasining shakllanishi
Tayanch ibora va tushinchalar: shaxs, individ, individuallik, shaxs borasidagi 
psixologik nazariyalar, shaxs faolligining manbalari, shaxsning malaka va odatlari, 
shaxs tuzilishi, oʻzini anglash, oʻzini baholash, shaxsning psixologik himoyasi, 
shaxs shakllanishi.
4.1. Psixologiyada «shaxs» tushunchasi va shaxs ijtimoiylashuvi muammosi  
«Shaxs» tushunchasi keng va koʻp qirralidir. Shaxsni u yoki bu yoʻnalishda 
bir qator fanlar: falsafa, tarix, pedagogika, sotsiologiya, tibbiyot va psixologiya 
oʻrganadi. Psixologiya fani boshqa fanlardan farqli oʻlaroq, shaxsning ichki 
dunyosini, boshqacha qilib aytganda, uning ruhiy jarayonlarini, hissiy- irodaviy 
holatlarini, individual psixologik xususiyatlarini tadqiq qiladi. Psixologiya fanida 
shaxs muammosini oʻrganish boʻyicha turli nazariyalar mavjud boʻlib, ularga 
biogenetik, sotsiogenetik, psixogenetik, kognitivistik, psixoanalitik, bixevioristik 
kabi qarashlar, yondashuvlar qiradi.