Ҳаракатланувчи таркибни издан чиқишини ва габаритини назорат қилувчи қурилмалар

Автоматика қурилмаларини боғланишдан ўчириш тартиби

ТЙАТ қурилмаларини ўчириш билан боғлиқ бўлган режадаги ишлар, темир йўл бўлинмаси бошлиғи (НОД) томонидан тасдиқланган жадвал асосида ўтказилади.
Қурилмаларни сигналдан фойдаланишни сақлаб ва сақламасдан ўчириш учун, ўчириш вақти давомийлигига қараб, рухсат олиш талаб этилади (телеграф фармоиш):
-8 соатгача-станция бошлиғи, ДЦ участкасида-поезд нозири рухсати билан;
-5 суткагача, охиргисини ҳам қўшиб-темир йўл бўлими бошлиғи фармоиши, темир йўл бўлимлари йўқ участкаларда- компания бош мухандиси фармоиши асосида;
-5 суткадан ошиқ вақтга-компания раиси рухсати билан.
Стрелка ва рельс занжирларини ўчириш СЦБ электрмеханиги томонидан ШНС ва дистанция диспетчери билан келишилган ҳолда, ДСП ёки ДНЦ дан рухсат олиб ва ДУ-46 журналига ёзиб расмийлаштиргандан сўнг бажарилади.
ТЙАТ қурилмаларини сигналдан фойдаланишни сақлаган
ҳолда ўчириш
ТЙАТ қурилмаларини сигналдан фойдаланишни сақлаган ҳолда ўчириш, рухсат этилган макетлар бўлган ҳолларда, қурилмаларни ишлашини ўхшатиб ишлайдиган мослама, ўчирилган қурилмалар орасидаги ўзаро боғланишлар поездлар ҳаракатини тўхтатмасдан, уларнинг техник ҳолати поездлар ҳаракатига хавф туғдирмаганда қўлланилади.
“Ўзбекситон темир йўллари” АЖда макетларнинг икки тури қўлланилади: стрелка ва йўлнинг изоляцияланган участкалари учун.
Стрелкаларни марказлаштиришдан ўчириш ва уларни қайта фойдаланишга улашда, алоҳида мураккаб технологик жараёнлар кузатилади.
Сигналдан фойдаланишни сақлаб стрелкани ўчириш тартиби
СЦБ электрмеханиги ДСП дан рухсат олиб, ДУ-46 журналига ўчириладиган стрелка рақамини, ўчиришдан мақсадини ва уни аниқ ҳолатида қотириб ва қулфланганлиги ҳақида ёзади.
ДСП ушбу ёзув асосида бошқарув аппаратидан стрелкани талаб этилган ҳолатга ўрнатади. Маршрутли еғиш бошқаруви бўлганда, бошқа маршрутларни еғишда стрелкани муҳофаза қилиш учун, пультдаги стрелка дастагини ҳам ушбу ҳолатга ўрнатади. Шундан сўнг ДСП йўл хўжалиги ходимига стрелка учларини намунавий илгак ва хатчўпини маҳкамлаши (ҳаракатланувчи крестовина ўқини), ташиш хизмати ходимига эса-стрелка учини осма қулфга қулфлаши тўғрисида фармоиш беради. Қулф калитлари ДСПда ёки станция ТРАга мувофиқ, ҳаракат хавфсизлигига жавобгар шахсда сақланади.
Стрелка учларини маҳкамлагандан сўнг, йўл хўжалиги ходими ДУ-46 журналига шу ҳақида ёзиб қўяди.
Шундан сўнг, ташиш хизмати ходимидан стрелкани талаб этилган ҳолатда маҳкамлангани ва қулфлангани ҳақида маълумот олиб, ДСП стрелка ўтказиш дастагига (тугмасига) қизил рангли қалпоқчани ўрнатади ва ДУ-46 журналидаги электрмеханик қилган ёзуви остига имзо чекади. ДСПнинг имзоси электрмеханик учун стрелкани ўзаро боғланишдан ўчириш учун рухсат ҳисобланади.
Шундай қилиб, стрелка учларини маҳкамлашга-йўл хўжалиги ходими, стрелка ҳолатига-ташиш хизмати ходими жавобгар ҳисобланади.
Электрмеханик стрелкани назорат занжирини узади ва унга макетни улайди. (Макетни ишлаш принципи адабиётларда келтирилга).
Макет улангандан сўнг, электрмеханик ДСП билан биргаликда унинг тўғри ишлашини амперметрнинг кўрсатгичи орқали (амперметр нол ҳолатни кўрсатади) аниқлайдилар. Стрелкани ўтказиш ҳаракатларидан, макетдаги яшил ва сариқ лампалар ва пультдаги назорат лампаларни ёниши, макетни бошқарувчи дастаклар ҳолатига мос бўлиши керак.
Текшир натижалари ижобий бўлганда, ДСП макет ва бошқарув аппарати стрелка дастакларини (тугмаларини) стрелканинг ҳақиқий ҳолатига мос равишда ўрнатади. Шундан сўнг ташиш хизмати ходимига стрелка электр юритгичининг курбел қопқоғини ечишга фармоиш беради.
Электмеханик, ташиш хизмати ходимларини ҳаракатлари тўғрилигига ишонч ҳосил қилгандан сўнг, бошқарув пультидаги стрелкаларини назорат лампаларини ечиб қўяди ёки уларнинг занжирини узади. Шундан сўнг, ДУ-46 журналига стрелкани тўғри ўчирилганлиги ва назорат лампалари ечиб қўйилганлиги ҳақида ёзиб қўяди. ДСП, ўз навбатида электрмеханикнинг ДУ-46 журналидаги ёзуви остига имзо чекади ва ўчирилган стрелкада бошланадиган иш вақтини қайд қилади.