Aralash funksiyali birikmalar. Oksikislotalar

Aralash funksiyali birikmalar. Oksikislotalar.
Reja:
1. Oksikislatalar gamologik qatori, izomeriyasi va olinishi.
2. Oksikislatalar olinishi, xossalari.

Gidroksikislotalar va ularning turlari. Asimmetrik uglerod atomi va optik izomeriya. Optik izomerlarning nomlanishi.  -,  - va  -gidroksikislotalarning o`ziga xos reaksiyalari. Oksokislotalar, ularning turlari

Tarkibida ham gidroksil guruh, ham karboksil guruh tutgan birikmalar gidroksikislotalar (oksikislotalar) deb ataladi. Boshqacha aytganda ular spirt-kislotalardir. Gidroksil va karboksil guruhlarning bir-biriga nisbatan joylanishiga qarab gidroksikislotalar  -, -va  - oksikislotalarga bo`linadi. M-n:

Oksikislotalardan sut kislotasi, olma kislotasi, vino kislotasi juda qadimdan ma'lum. Bu moddalar ham spirtlar, ham kislotalar kabi reaksiyaga kirishishlari bilan bir qatorda ularga fazoviy izomeriyaning bir turi-optik izomeriya xosdir. Vant-Goff va Le-Bellarning (1871) fikricha molekula tarkibida 4 xil guruh bilan birikkan uglerod (asimmetrik) atomi mavjud bo`lsa, u 2 xil optik izomerlar hosil qiladi.

M-n, sut kislotasi shunday izomerlar hosil qiladi:

Bu izomerlarni ko`zgu izomerlari deb ham aytiladi. Ular qutblangan nurni o`ngga(+) yoki chapga (-) bir xil burchakka buradi. Izomerlar soni molekula tarkibidagi asimmetrik atomlarining soni n bo`lganda H=2nga teng. Ular D va L qatorlarga bo`linadi.Bunda D va L harflar nisbiy konfiguratsiya qatorlarining ifodasidir. Bu qator o`nga buruvchi (+) va chapga buruvchi (-) glitserin al'degidlari tuzilishlariga nisbatan olingan qatordir. O`nga buruvchi glitserin al'degidining tuzilishi quyidagicha ko`rsatilgan va u D qatorning boshlovchisi deb belgilangan.

Bu yerda D harfi o`nga buruvchi ma'nosini anglatsa ham, shu qatorga mansub optik faol birikmalar chapga buruvchi (-) bo`lishi mumkin. Chapga buruvchi glitserin al'degidi(-)ning tuzilishi esa quyidagi shaklda ko`rsatilgan:

va u L qatorning boshlovchisi deb belgilanagan. Bu yerda L harfi chapga buruvchi ma'nosini anglatsa ham, shu qatorga mansub optik faol birikmalar o`nga buruvchi (+) bo`lishi mumkin. Demak, D va L ifodalar nisbiy konfiguratsiya ifodalaridir. O`nga buruvchi (+) va chapga buruvchi (-) glitserin al'degidlarining tuzilish formulalarini rus olimi M.A.Rozanov taklif qilgan.
Quyida formulalari keltirilgan sut kislotalarining chapga buruvchisi (-) D qatorga, o`nga buruvchisi (+) L qatorga mansubdir.

Optik faol birikmalarning absolyut konfiguratsiyasi ifodalarini (R, C) fanga Kan, Ingol'd va Preloglar kiritgan. Bu ifodalar soat strelkasi bo`yicha (R) yoki soat strelkasiga teskari (C) ma'nolarini anglatadi. Optik faol moddaning absolyut konfiguratsiyasining ifodasini aniqlash uchun asimmetrik uglerod atomiga birikkan atomlar yoki atomlar guruhi ularning atom massalari kamayib boruvchi tartibda joylanadi. Tetraedrga eng kichik atom massaga ega bo`lgan guruhga teskari tomondan qarab, atom massasi katta guruhdan atom massasi kichik guruhga tomon aylanma yuriladi. Bunda L(+) sut kislotasi absolyut konfiguratsiyasining ifodasi C, D(+) sut kislotasi absolyut konfiguratsiyasining ifodasi R bo`ladi.

Sut kislota tarkibidagi asimmetrik uglerod atomi bilan birikkan guruhlar atom massalarining kamayib borishi bo`yicha quyidagi qatorga joylashadi: -OH > -COOH > CH<sub>3</sub>> H Sintetik usul bilan sut kislota olinganda o`ngga va chapga buruvchi kislotalarning teng miqdoridagi aralashmasi hosil bo`ladi. Bu aralashma ratsemat deb ataladi.
Gidroksikislotalar galoidkislotalardan, oksokislotalardan, to`yinmagan kislotalardan olinadi.
Xossalari jihatidan gidroksikislotalar ham spirtlarning ham kislotalarning xossalarini namoyon qiladi.  -, -va  -gidroksikislota-larning bir-biridan farq qiladigan, o`ziga xos reaksiyasi ularni qizdirishda ko`rinadi.  -gidroksikislotalar-laktidlar,  -gidroksikislotalar-to`yinmagan kislotalar va  -gidroksikislotalar-laktonlarga aylanadi. M-n:

Sut kislotasi tabiatda uch xil shaklda uchraydi. L (+) sut kislotasi birinchi marta go`sht selidan ajratib olingan. (+, -) Sut kislotasi qatiqda, tuzlangan bodringda bo`lib, uglevodlarning sut achituvchi bakteriyalar ta'sirida achishidan hosil bo`ladi.
Sut kislotasi oziq-ovqat sanoatida, terilarni oshlashda va matolarni bo`yashda ishlatiladi. Olma kislotasi HOOC-CHOH-CH₂-COOH, vino kislotasi HOOC-CHOH-CHOH-COOH lar ham muhim gidroksikislotalardir. Olma kislotasi ham olmada, ryabinada, maxorkada bo`ladi. Vino kislotasi vinolarning achishi natijasida hosil bo`ladi. Uning kaliyli-natriyli tuzi HaKC₄H₄O₆4H₂O segnet tuzi
nomi bilan kimyoviy analizda va radiotexnikada ishlatiladi. Limon kislotasi
limonda, maxorkada bo`ladi, glyukozaning maxsus bakteriyalar ta'sirida achishidan hosil bo`ladi. Oziq-ovqat sanoatida keng ishlatiladi.
Oksokislotalar-tarkibida ham karbonil, ham karboksil guruh tutgan birikmalardir. Agar karbonil guruh al'degid guruhi bo`lsa al'degidokislotalar, karbonil guruh keton guruhi bo`lsa ketokislotalar bo`ladi.

Bu moddalar ham karbonil birikmalar, ham karbon kislotalar kabi reaksiyaga kirishadi.
Oksokislotalar digaloidbirikmalarning gidrolizi natijasida yoki gidroksikislotalarning oksidlanishi natijasida olinadi.
-Oksikislotalardan atsetosirka kislotasi murakkab efir kondensatsiyasi bilan olinadi:

Bu kislota yoki uning efiri-atsetosirka efiri -CH₂- guruhi tarkibidagi vodorodlar >C=O va -COOR guruhlari ta'sirida harakatchan bo`lib qoladi va ikki xil tautomerlar hosil qiladi:

Shuning uchun uning eritmalari FeCl₃ eritmasi bilan kompleks hosil qilib rang beradi.
Atsetosirka efiri asosida -CH₂- guruhi hisobiga alkillash, atsillash hamda dekarboksillash reaksiyalari o`tkazib juda ko`plab sintezlarni amalga oshirish mumkin

Atsetosirka efiri ishqorlar ta'sirida kislota va keton parchalanishga uchraydi.