Ashıq Nájip dástanı "Ashıq Nájip"

---

Ashıq Nájip dástanı
"Ashıq Nájip" dástanı - qaraqalpaq
baqsılarınıń arasında túrkmen baqsıları
menen qarım-qatnasta taralǵan hám
qaraqalpaq baqsılarınıń repertuarına
kirip, olardıń súyip aytatuǵın dástanı bolıp
qalǵan. Dástan tilekke qarsı óz waqtında
biletuǵın baqsılardan jazıp alınbaǵan.
Ózbekstan İlimler Akademiyası
Qaraqalpaqstan filialınıń qoljazbalar
qorında 1960-jılları avtor tárepinen

---

Qarajan baqsıdan jazıp alınǵan birden-bir
variantı saqlanadı.
"Ashıq Nájip" dástanı óziniń janrlıq
ózgesheligi boyınsha liro-epikalıq
dástanlarǵa jaqın. Biraqta dástan ulıwma
alǵanda baqsıshılıq kórkem-ónerin sóz
etedi. Baqsılardıń kásibine arnalǵan bul
dástanda shańaraq hám muxabbat
máseleleri tujırımlı súwretlenedi.
"Ashıq Nájip" dástanınıń Qarajan baqsı
variantı "Ashıq Aydın" atlı ustazdıń Álbent,
Nawrız, Genjemurat, Ázben degen
shákirtleri haqqında olardıń ishindegi
Álbent degenniń menmensip, ustazdan
biyjuwap, óz aldına baqsı bolaman dep,

---

qolına sazın alıp shıǵıp ketiwinen
baslanadı. Álbent Genjeqarabek eline
Edilxan patsha jurtına barıp qasına 64
shákirt aldırıp, yalǵannan baqsıshılıq qıla
baslaydı. Usı jerde ol Baharden degen bir
balası bar bir hayalǵa úylenedi. Mine usı
balanıń atı Nájep bolıp, olda baqsı
bolıwdı árman etedi. Álbentten qasına
ertip júriwdi soraydı. Sonda Álbent "Ey
Nájep 7 jasıńa kelip turǵandaǵı isiń
mınaw, 18 jasıńa shıqqanda, basıma
tayaq kóterip basımdı parra-parra
qılatuǵın túrıń bar" - dep Nájep uǵlannıń
hár jaǵına 18 shappat uradı. Qapalanǵan
Nájep bul jerden ketip, Ashıq Aydınǵa
barıp shákirt boladı. Nájep Ashıq
Aydınnan ruxsat alıp Álbentten ósh

---

almaǵa Genjeqarabek eline keledi.
Xannıń otırıspasında Álbentti Nájep
sózden utadı. Álbent xan sarayınan
quwılıp ketedi, bir neshe dúrre jep, xan
baqsı degen ataqtan ayırıladı. Nájep 64
shákirttke ustaz bolıp, úlken baqsı
atanadı. Ol Xannıń Minayım degen qızına
ashıq boladı. Sonıń keyninde júrgen
waqtında bunı sezgen Álbent Nájepti
xanǵa jamanlaydı. Xannıń ǵázebi kelip
Nájepti darǵa astıradı. Dardan Nájepti
Axmedbek hám Yusupbek degen batırlar
qutqarıp qaladı. Onı xannıń qızı Minayım
menen qosıp murat-maqsetine jetkeredi.
Dástan usılay tamam boladı.

---

Bul bettiń aqırǵı márte ózgertilgen waqtı: 19:05,
2022 j. oktyabrdiń 9.
•
Maǵlıwmat 
CC BY-SA 3.0
litsenziyası boyınsha
alınǵan (eger basqa shártler kórsetilmese).
"https://kaa.wikipedia.org/w/index.php?
title=Ashıq_Nájip_dástanı&oldid=47966" saytınan
alınǵan