Асосий воситалар. Бошланғич қиймат. Амортизация. Асосий воситаларни тан олиш шартлари

АВ ни тан олиш мезонлари Мисоллар

Қуйидагиларнинг қайсиларини балансга АВ сифатида тан олиш мумкин:

• Лифт;
• Бинонинг иситиш тизими, ички сув, газ ўтказгичлар ва канализациялар ҳамма қурилмалари, ички электр ёритиш ва телефон тармоқлари;
• Пода етиштириш мақсадида олинган сигир ва бузоқлар;
• 18 млн сўмга сотиб олинган дарвоза;
• 10 000 000 сўмлик мебель гарнитури - осма жавонлар, токчалар, ишчи сатҳ, тумбалар;
• Ижарага бошқа ташкилотга вақтинчалик фойдаланиш учун берилган бино;
• Кондиционерлар , совуткич, микротўлқинли печь ва экранли проекцион аппарат;
• Тизим блоки - 7 000 000 сўм, монитор - 1 500 000 сўм, UPS - 500 000 сўмдан 1 500 000 сўмгача, клавиатура - 30 000 сўм, сичқонча - 15 000 сўм. Ҳисоб сиёсатида АВга киритиш учун қийматнинг энг юқори чегараси - 1 000 000 сўм. Бу ҳолатда нима асосий восита ҳисобланади?

АВ ни тан олиш мезонлари Мисоллар

Бино - мустақил инвентарь объекти сифатида функционал мақсадига қараб одамлар яшаши ёки бўлишига ва ҳар хил турдаги ишлаб чиқариш жараёнларини бажаришга мўлжалланган, ёпиқ ҳажмни ташкил этувчи таянч, тўсма ёки ҳар иккала мақсадга хизмат қилувчи конструкциялардан иборат қурилиш тизими (Шаҳарсозлик кодексининг 2-моддаси). Бино таркибига ундан фойдаланиш учун зарур ички коммуникациялар: иссиқлик, сув, газ қувурлари, телефон тармоқлари ва ҳоказолар киради.
Лифт – алоҳида ёки бино таркибида ҳисобга олиниши мумкин;
Иситиш тизими, ички сув, газ ўтказгичлар ва канализациялар ҳамма қурилмалари, ички электр ёритиш ва телефон тармоқлари – бино таркибида ҳисобга олинади;
Дарвоза - агар дарвоза бино ичига қурилган иҳоталаш конструкцияси бўлса, уни алоҳида инвентарь объекти сифатида ажратиш керак эмас, уни алмаштириш эса (эскиси ўрнига харид қилинган бўлса) капитал таъмирлаш бўйича харажатлар сифатида ҳисобга олинади.
Агар янги дарвоза илгари бино таркибида қайд қилинмаган, янги харид қилинган алоҳида объект сифатида ўрнатилган бўлса, уни алоҳида АВ сифатида ҳисобга олиб, бошқа иншоотларга киритиш мумкин