Atanparvarlik oiladan boshlanadi

ATANPARVARLIK OILADAN BOSHLANADI
Vatanparvarlik – ulug‘ fazilat. Vatan – insonning tug‘ilgan, kindik qoni to‘kilgan joydir, bolalik, yoshlik davri o‘tadigan, ta’lim-tarbiya topadigan joydir, safar qilsa, mudom qo‘msaydigan joydir.
Vatan tuyg‘usi tufayli inson o‘zi yashaydigan uyni, o‘zi yashaydigan mahallani, shahar-qishloqni, Vatanni sevadi, uni obod qiladi, uning sha’nini ulug‘laydi, himoya qiladi. Oila – jamiyatning tayanchi sifatida farzandlarimiz ongida elu yurtga, Vatanga muhabbat tuyg‘ulari shakllanadigan maskandir.
Shunday ekan, yoshlarda vatanparvarlik tuyg‘usini shakllantirishda ota-onalarning mas’uliyatini oshirish dolzarb vazifa sifatida e’tirof etilmoqda.
O‘zbekiston Respublikasi Prezidentining 2019 yil 3 maydagi “Ma’naviy-ma’rifiy ishlar samaradorligini oshirish bo‘yicha qo‘shimcha chora-tadbirlar to‘g‘risida”gi qarorida jamiyatda ijtimoiy-ma’naviy muhitni sog‘lomlashtirish, jamiyatning barqaror rivojlanishiga erishishda oilada farzand tarbiyasiga e’tibor qaratish, ota-onalarning mas’uliyatini oshirish singari vazifalar belgilangan. Mazkur qaror ijrosini ta’minlash maqsadida yoshlarda vatanparvarlik tuyg‘ularini shakllantirish, bunda oila, mahalla va ta’lim muassasasining muhim rolini qayd etgan holda samarali targ‘ibot ishlari olib borilmoqda.
Bugun Respublika Ma’naviyat va ma’rifat markazi tashabbusi bilan Ichki ishlar vazirligi akademiyasida “Vatanparvarlik oiladan boshlanadi” nomli ma’rifiy tadbir bo‘lib o‘tdi. Unda davlat va jamoat tashkilotlari rahbarlari, ilm-fan, madaniyat va san’at, adabiyot namoyondalari ishtirok etdi.
Mamlakatimiz tinchligi, xalqimiz xavfsizligini ta’minlashni maqsad qilgan ichki ishlar idoralari xodimlarini yetishtirib chiqarishda Ichki ishlar vazirligi akademiyasining o‘rnini alohida qayd etib o‘tish o‘rinli. Ushbu ta’lim muassasasida tahsil olayotgan yoshlarni vatanparvar, oilasi, Vatani va o‘z xizmat vazifasiga sadoqatli bo‘lib tarbiya topishida manzilli ma’naviy-ma’rifiy uchrashuvlarning ahamiyati beqiyosdir.