Axborot xavfsizligi, huquqi va davr

Axborot xavfsizligi, huquqi va davr

Mamlakatimizda Bern konventsiyasi kuchga kirdi 
Yangi asrdagi globallashuv jarayonlari kommunikatsiya sohasida ham mutlaqo yangi imkoniyatlarni namoyish etayotir. Dunyo bo`ylab tarqalayotgan axborotlar hajmi keskin ortmoqda. Jahonning turli burchaklaridan olingan yangiliklarning internet orqali erkin harakatlanishi uchun qulay sharoit yuzaga keldi.
Axborot texnologiyalari taraqqiyoti insoniyatning buyuk yutuqlaridandir. Chunki jahonda ro`y berayotgan voqealardan odamlarni tezkorlik bilan xabardor qilish imkoni yaratildi.
Turli siyosiy guruhlar va terrorchi tashkilotlar axborot texnologiyalari yutuqlaridan g`arazli maqsadlarda foydalanayotgani sir emas. Ular internet sahifalari, ba`zi teleradiokanallar, shuningdek, turli nashrlar, audio-video mahsulotlar orqali odamlarning ongi va fikrini chalg`itib, ularni o`z yo`liga solishga urinmoqda. Bunday vaziyatda mamlakat hududiga axborotlarning tegishli nazoratdan xoli holda kirib kelishi salbiy oqibatlarga sabab b•lishi mumkin.
Axborot xavfsizligi ko`plab mamlakatlarda milliy xavfsizlik kontseptsiyasining ajralmas qismiga aylangan. Bu yo`nalishga ixtisoslashtirilgan maxsus muassasalar tashkil etilgan.
Mamlakatimiz Prezidenti Islom Karimov O`zbekiston Respublikasi Oliy Majlisi Qonunchilik palatasi va Senatining 2005 yil yanvarda o`tgan qo`shma majlisidagi ma`ruzasida yovuzlik va terrorchilik mafkurasini yaratayotgan ko`plab ekstremistik markazlarning, birinchi navbatda, yoshlar ongini zaharlab, zombiga aylantirib, ulardan terrorchilar tayyorlash bo`yicha konveyer tashkil etayotgan, xalifalik tuzishdek xomxayollarni amalga oshirishga urinayotgan qabih kuchlarning ildizini qirqib tashlash kerakligini alohida ta`kidladi.

Prezident Islom Karimov rahbarligida tinchlikparvarlik va teng huquqlilikka asoslangan tashqi siyosat yuritayotgan davlatimiz xalqaro terrorchilik va ekstremizmga, giyohvand moddalarning noqonuniy savdosiga, qurol-yarog` kontrabandasiga qarshi kurashda faollik ko`rsatib kelmoqda. Ayrim jinoiy to`dalar mamlakatimizdagi barqaror vaziyatni, tinchlik va xotirjamlikni turli yo`llar bilan izdan chiqarishga urinmoqda. Bunda ular aholining, ayniqsa, yoshlarning ongini zaharlash uchun turli vositalardan keng foydalanmoqda. 

Mamlakatimiz huquq-tartibot idoralari tomonidan bunday qonunbuzarliklarga barham berishga qaratilgan qator chora-tadbirlar amalga oshirilyapti. Jumladan, 2005 yilning birinchi choragida O`zbekiston Respublikasi Davlat bojxona qo`mitasi sa`y-harakati bilan dinni noto`g`ri talqin etuvchi mingdan ziyod nashrning yurtimiz hududiga olib kirilishi to`xtatib qolindi.
Ayrim jinoiy guruh va shaxslar axloqsizlik g`oyalarini targ`ib etuvchi gazeta, jurnal, kitob va video mahsulotlarni mamlakatimiz hududiga noqonuniy olib kirish orqali aholi, ayniqsa, yoshlar ongiga va tarbiyasiga salbiy ta`sir ko`rsatishga urinayotir. Joriy yilning dastlabki uch oyida bojxona xodimlari tomonidan ikki yuzdan ziyod shunday mavzudagi adabiyot, jurnal va audio-video mahsulotlarning kirib kelishi bartaraf etildi.

Mamlakatimizda intellektual mulk sohasida sodir etilayotgan jinoyatlarga qarshi kurash masalasi doimiy e`tiborda. O`zbekiston Respublikasining 1996 yil qabul qilingan "Mualliflik huquqi va turdosh huquqlar to`g`risida"gi qonuni bu borada mustahkam huquqiy asos bo`lib xizmat qilayotir.

2004 yil 27 avgustda O`zbekiston Respublikasi Oliy Majlisi tomonidan Adabiy va badiiy asarlarni muhofaza qilish to`g`risidagi Bern konventsiyasiga qo`shilish haqida qaror qabul qilindi. Joriy yilning 19 aprelidan mamlakatimizda mazkur Konventsiya talablari kuchga kirdi. Bu xalqaro hujjatni rasman tan olgan mamlakat o`z hududida mualliflik va turdosh huquqlarni, ya`ni xorijiy mualliflar va ular yaratgan asarlarning qonun yo`li bilan himoya qilinishini ta`minlamog`i lozim.

Bern konventsiyasi - intellektual mulk egalari huquqlarini himoya qilishga qaratilgan xalqaro hujjat. 1886 yilda qabul qilingan bu hujjat keyinchalik bir necha marta qayta ko`rib chiqilgan.

Mamlakatimizda Bern konventsiyasining kuchga kirishi Prezident Islom Karimov rahnamoligida demokratik huquqiy davlat va adolatli fuqarolik jamiyati qurish borasida izchillik bilan amalga oshirilayotgan teran islohotlarning yana bir samarasidir

Toshkentda Aloqa sohasidagi mintaqaviy hamdo‘stlik huzuridagi Axborot xavfsizligi bo‘yicha komissiyaning navbatdagi majlisi bo‘lib o‘tdi. Unda O‘zbekiston, Ozarboyjon, Armaniston, Moldova, Qozog‘iston, Qirg‘iziston, Rossiya, Tojikiston va Ukraina axborot ma’muriyatidan vakillar ishtirok etdi.

Axborot xavfsizligi bo‘yicha komissiya raisi Serjiu Sitnik ta’kidlaganidek, jahonda axborot kommunikatsiyalari shiddat bilan rivojlanmoqda. Shu bilan birga, axborot xavfsizligini ta’minlash ham kun sayin muhim ahamiyat kasb etib boryapti. Chunki, globallashuv jarayoni jadallashayotgan sharoitda dunyo yagona axborot makoniga aylanib, axborotning o‘zi insoniyatning nihoyatda muhim va cheksiz resursi bo‘lib qolayotir.
Komissiya majlisida axborot xavfsizligini ta’minlashda axborot makonida milliy manfaatlarni himoya qilish bo‘yicha umumiy davlat siyosatini shakllantirish, bu boradagi huquqiy bazani mustahkamlash, axborot kommuniksiyalari sanoatini rivojlantirish muhim ekani qayd etildi.
Hozirgi kunda “axborot xavfsizligi” tushunchasini nafaqat axborot texnologiyalari sohasidagi mutaxassislar, balki davlat hokimiyatining barcha bo‘g‘inlari, iqtisodchi, siyosatchi va ishbilarmon doiralar vakillari ham keng qo‘llay boshladi.
Majlisda axborot xavfsizligini ta’minlash dasturi va uni amalga oshirish borasidagi takliflar, Axborot sohasidagi mintaqaviy hamdo‘stlikning ish tartibiga oid hujjatlarni ishlab chiqish rejasining loyihasi, MDH mamlakatlarida axborot xavfsizligi sohasidagi ishlarning ahvoli va bu boradagi mavjud muammolar ko‘rib chiqildi.
Shunindek, majlis qatnashchilari MDH mamlakatlarida davlat hokimiyati organlarida elektron raqamli imzoni joriy qilish bilan bog‘liq muammoli masalalar yuzasidan fikr almashdilar. Elektron hujjatni jo‘natishda elektron raqamli imzo juda muhim ahamiyatga ega. Ammo MDH a’zolarida buning mexanizmlari turlicha bo‘lib, biri ikkinchisiga to‘g‘ri kelmaydi. Axborot sohasidagi mintaqaviy hamdo‘stlikka a’zo MDH mamlakatlarining Muvofiqlashtiruvchi kengashi shunday muammolarni hal etish maqsadida tuzilgan.

Komissiya majlisida Muvofiqlashtiruvchi kengash ishtirokchilarining xalqaro tajriba hamda zamonaviy texnika va axborot texnologiyalari asosida axborot xavfsizligi sohasidagi o‘zaro hamkorligini rivojlantirishga doir masalalar muhokama etilib, tegishli tavsiyalar ishlab chiqildi.

Region.uz -- Мамлакатимизда амалга оширилаётган демократик янгиланиш, модернизациялаш ва ислоҳотлар замирида бир мақсад мужассам топган — Инсон манфаатларини таъминлаш, унинг эзгу орзу-ниятларини рўёбга чиқариш. Хусусан ўтган 2008 йилнинг "Ёшлар йили" деб эълон қилингани давлатимиз томонидан олиб борилаётган ёшлар сиёсатини янада такомиллаштиришда муҳим босқич бўлган бўлса, мамлакатимиз Конституциясининг 16 йиллигига бағишланган тантанали йиғилишда 2009 йилнинг "Қишлоқ тараққиёти ва фаровонлиги йили" деб эълон қилиниши ватанимиз тараққиётида тутган ўрни ва аҳамияти беқиёс бўлган қишлоқ аҳлининг ҳаётини замонавий мезонларга жавоб берадиган даражага кўтариш ва умуман, қишлоқ хўжалигини ривожлантириш, унинг самарадорлигини ошириш мақсадлари кўзда тутилган. Бу борада эса оммавий ахборот воситалари фаолияти муҳим ўрин тутади.

2009 йилнинг 27 январь куни Ўзбекистон мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди, "Камолот" ёшлар ижтимоий ҳаракати, Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш фонди, Ўзбекистон Республикаси Олий Мажлиси Қонунчилик палатасининг ахборот ав коммуникация масалалари қўмитаси, фуқаролик жамиятини ўрганиш институти, Ўзбекистон Журналистлари ижодий уюшмаси билан ҳамкорликда "Ўзбекистон Республикаси Президенти И.А.Каримовнинг мамлакатимиз Конституциясининг 16 йиллиги муносабати билан қилган маърузасида белгилаб берилган вазифаларни амалга оширишда ОАВнинг роли ва аҳамияти" мавзуидаги республика конференциясини ўтказди.
Конференцияда давлатимиз раҳбарининг ушбу маърузаси мазмун моҳияти, унда белгилаб берилган устувор вазифаларни чуқур англаш ва улардан кўзда тутилган мақсад-вазифаларни аҳолининг кенг қатламларига етказиш, бу вазифаларнинг бажарилиши жараёнини ёритишда оммавий ахборот воситаларининг масъулиятини ошириш масалалари муҳокама этилди. Айтиш жоизки, мазкур конференция матбуот соҳасида ўтган 2008 йилнин ўзига хос сарҳисоби ҳамдир. Бу ҳақда сўз юритганда, Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш фонди ва унинг маблағларини бошқариш бўйича Парламент комиссияси ташкил этилганлигини тилга олиб ўтиш лозим. Бу эса энг юксак демократик талаблар, ошкоралик, очиқ-ойдинлик, холислик принципларига жавоб беради. Ўтган йилнинг ўзида Фонд томонидан миллий матбуотни қўллаб-қувватлаш борасида қатор ишлар амалга оширилди. Фонд маблағлари ҳисобига мамлакатнинг турли ҳудудларида фаолият олиб борувчи юзга яқин таҳририятлар молиявий қўллаб-қувватланди. Шунингдек, мазкур республика конференцияси ҳам Праламент қошидаги жамоат фонди томонидан қўллаб-қувватланган ҳолда ўтказилганини айтиш лозим.
Шу ўринда мазкур тадбир республика конференциясининг биринчи босқичи эканлиги, унинг давоми анъанага кўра, анжуманда кўриб чиқилган масалаларни жойлардаги ҳудудий босма нашрлар фаолиятига татбиқ этиш мақсадида Қорақалпоғистон Республикаси ва вилоятларда ўтказилишини қайд этиб ўтиш жоиз.
Мамлакатимиз ёшларининг дунёқараши, Ватанга садоқат ва эътиқодини мустаҳкамлаш, уларнинг ҳаётга муносабати соғлом асосда, миллий ва умумбашарий қадриятларга ҳурмат руҳида шаклланиши учун уларга маънавий озиқ бериш, оламда рўй бераётган воқеа-ҳодисаларнинг моҳиятини, сабаб ва оқибатларини ҳаққоний, таъсирчан етказиш бугунги куннинг долзарб вазифаларидан ҳисобланади. Бу борада ёшларга йўналтирилган оммавий ахборот воситалари фаолиятини такомиллаштириш муҳим омиллардан биридир. Хусусан, шу мақсадлар йўлида Фонд томонидан Интернет тизимида "Ёшлар медиа тармоғи" ташкил этилди. Ушбу медиатармоқда ёшларнинг барча босма ва интернет нашрлари веб-саҳифалари ўрин олган. Худди шунингдек, веб-порталда ОАВ ва турли давлат тузилмалари ўртасида иқтисодий ҳамкорликни мустаҳкамлаш мақсадида "Иқтисодий ҳамкорлик медиатармоғи" фаолияти ҳам йўлга қўйилди. Тадбирда ушбу лойиҳалар, шунингдек, Фонд ва "Ўзбектелеком" акциядорлик компанияси "Ўзбектелеком-Мобайл" филиали ҳамкорлигидаги "Журналист" корпоратив тарифи тақдимотлари ўтказилди.
Мазкур тарифдан кўзда тутилган мақсад оммавий ахборот воситалари таҳририятлари ва журналистлар учун қулайлик яратишдан иборат. Айни пайтда Фонд кўмагида унинг грант олувчилари ва ҳамкорлари бўлган юзга яқин таҳририятлар мазкур корпоратив гуруҳга қўшилди.
Конференцияда Олий Мажлис Сенат аъзолари, Парламент комиссияси аъзолари, Қонунчилик палатаси депутатлари, тегишли вазирлик ва идораларнинг масъул вакиллари, жамоат ва нодавлат ташкилотлар вакиллари, сиёсий партиялар, халқаро ташкилотлар ва хорижий оммавий ахборот воситалари, Қорақалпоғистон Республикаси Жўқорғи Кенгеси ва вилоятлар ҳокимликлари вакиллари, Ўзбекистон Журналистлари ижодий уюшмасининг Қорақалпоғистон Республикаси ва вилоятлар бўлимлари раислари, мамлакатимиздаги етакчи ахборот агентликлари ва босма нашрлар раҳбарлари, ОАВ ходимлари, журналистика факультети ўқитувчи ва талабалари иштирок этишди.
Шу билан бирга "Ўзбекистон менинг Ватаним", "Эътироф—2008", "Жамият ва мен", "Келажак овози" республика кўрик-танловини тарғиб этишга қаратилган танловлар ғолибларини тақдирлаш маросими ҳам ўтказилди.

Бизнинг "Rеgion. Inform" ахборот хизматимиз Ўзбекистон мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди ҳамда "Келажак овози" Ёшлар ташаббслари маркази эълон қилган "Келажак овози" республика кўрик-танловини ёритиш бўйича танловда ғолиб чиқиб, махсус мукофот - Диплом ҳамда рангли телевизор билан тақдирланди.

Оммавий ахборот воситалари учун

5 декабря 2007. Разместил: Project Manager
Узбекистон Врачлар Ассоциацияси 1992 йилда ташкил этилган, нодавлат нотижорат жамоа ташкилоти булиб хисобланади.
Узбекистон Врачлар Ассоциациясини ташкил этишда куйидагилар ташаббус курсатганлар: Худайбергенов А.М., Косимов Э.Ю., Асадов Д.А., Ризаев М.Н., Иргашев Ш.Б., шунингдек, согликни саклаш тизимининг бошкарув органларида катта таржиба орттирган врачлар: Мустафаев Х.М., Сидиков З.У., Юнусов М.Н., Акбаров А.А., Вайнштейн В.С., Нуруллаев Л.Д., Усмонхужаев А.Х., Усмонхужаев М.С. кабилар хам бу ишда ташаббускор булганлар.
Ассоциациянинг Низоми 1999 йил 11 ноябрда Узбекистон Республикаси Адлия Вазирлигидан руйхатдан утган булиб, Низомда курсатилган асосий вазифалар куйидагилар хисобланади:
- 1996 йил 29 августда кабул килинган «Фукаролар Соглигини саклаш тугрисида»ги Узбекистон Республикаси Конунини ва Согликни саклаш тизимини ислох килишда фаол иштирок этиш;
- якка тартибда фаолият курсатадиган тиббиёт ходимлари ва муассасаларнинг ягона статистика хисоби ва тиббий хисоботини баркарор килувчи ахборотлар базасини ташкил этишда катнашиш;
- давлат тасарруфидаги ва давлатдан ташкари тиббиёт муассасалари ва мутахассисларининг ягона тиббий ёрдам курсатиш стандартларини ишлаб чикишда иштирок этиш;
- фахрий врачларни ижтимоий химоялашда катнашиш, уларнинг касбий тажрибасидан унумли фойдаланиш;
- врачларнинг иктисодий ва хукукий масалалар буйича билим савиясини ошириш;

- хорижий мамлакатлар врачлар ассоциациялари билан халкаро алокаларни мустахкамлаш, уларнинг тажрибасини урганиш, хорижий мутахассислар иштирокида конференциялар, симпозиумлар ташкил этиш ва ютукларини амалиётга тадбик этиш.

Узбекистон Врачлар Ассоциацияси 14 та худудий булимлари (Коракалпогистон Республикаси, Тошкент шахри ва барча вилоятларида), 20000 дан ортик аъзоларига эга.
Узбекистон Врачлар Ассоциацияси узининг мустакил бюллетенига эга булиб, у йилнинг хар чорагида чоп этилади. Узбекистон Врачлар Ассоциацияси Бюллетени куйидаги кисмлардан иборат: иктисодиёт ва хукук, менежмент ва маркетинг, илмий тадкикотларни амалиётга тадбиги, фирмалар янгиликлари ва илмий ахборотлар, тиббий таълим, семинар конгресс ва симпозиумлар, согликни саклаш тизимининг хусусий сектори. Ушбу кисмларда олимлар ва илмий иш билан шугулланаётганларнинг илмий маколалари чоп этилади.
Узбекистон Врачлар Ассоциацияси 1998 йилдан Европа Тиббиёт Ассоциациялар Форуми ва Жахон Согликни саклаш Ташкилотлари билан халкаро алокаларни давом эттирмокда ва хар йили утказиладиган йиллик Форумларида (Копенгаген, Вена, Берлин, Варшава, Осло, Лиссабон) катнашиб келади.
Узбекистон Врачлар Ассоциацияси раиси профессор Абдулла Маткаримович Худайбергенов, раис муовинлари академик Тулкин Искандарович Искандаров, тиббиёт фанлари номзоди Зафар Умарович Сидиков.
prezentacija-k-dokladu-2007.rar [1.46 Mb] (cкачиваний: 4)
Ommaviy axborot vositalari globallashuv sharoitida
Demokratik jamiyat barpo etishda ommaviy ahborot vositalari hal qiluvchi o`rin tutadi, nafaqat muayyan mamlakatlar, balki global miqyosda siyosiy, iqtisodiy, ijtimoiy va madaniy jarayonlarga jiddiy ta`sir ko`rsatadi. Toshkentda bo`lib o`tgan halqaro uchrashuv - davra suhbatida shu haqda so`z bordi. U Siyosiy tadqiqotlar markazi (O`zbekiston) tomonidan tashkil etildi. Davra suhbatining mavzusi - "Zamonaviy axborot maydonining shakllanishi: media hududini tashkil etishda axborot tehnologiyalari, tuzilmaviy yondashuv va mintaqaviy xususiyatlarning roli", deb ataldi.
Uchrashuvga ko`plab taniqli jurnalistlar va ommaviy ahborot vositalarini rivojlantirish sohasi hamda unga dahldor ilmiy fanlar, jumladan, sotsiologiya, psihologiya, yuqori texnologiyalar, iqtisod, madaniyatshunoslik, siyosatshunoslik kabi sohalar mutahassislari taklif etildi. Uchrashuvning horijiy ishtirokchilari orasida Bel`giya, Buyuk Britaniya, Germaniya, Hindiston, Xitoy, Koreya Respublikasi, Qirg`iziston, Rossiya, AQSh, Frantsiya, Yaponiyaning yetakchi ekspertlari bor.
Siyosiy tadqiqotlar markazi direktori, siyosiy fanlar doktori G.Karimova uchrashuvni ochar ekan, bugungi kunda ommaviy axborot vositalari hayotimizning ajralmas qismiga aylangani va ijtimoiy munosabatlar tizimida ularning ahamiyati katta ekanligini ta`kidladi. Ommaviy axborot vositalari jamoatchilik fikrini shakllantirishning eng muhim omillaridan biri hisoblanadi. Ilg`or axborot-kommunikatsiya texnologiyalari ularning rivojlanishiga xizmat qilmoqda, chunki texnologiya yordamida axborot olish imkoniyati tobora kengaymoqda. Ayni paytda, globallashuv sharoitida turli mamlakatlarning tarixiy-madaniy hususiyatlari va rivojlanishdagi o`ziga hosliklarini saqlab qolish maqsadida axborot xavfsizligini ta`minlashning ahamiyati ortib bormoqda.
Demokratik taraqqiyot yo`lini tanlagan bizning mamlakatimizda ommaviy axborot vositalari kuchli fuqarolik jamiyatini qurishning muhim vositasi hisoblanadi. Ular faoliyatining huquqiy bazasi yaratilgan va u takomillashtirilmoqda, bu baza axborotning ochiqligi, oshkoraligini kafolatlaydi. U nafaqat davlat, balki aholining turli qatlamlari uchun mo`ljallangan mustaqil ommaviy axborot vositalari sonining ortishiga xizmat qiladi. Mamlakatimiz ommaviy axborot vositalarining ilg`or axborot-kommunikatsiya texnologiyalari (AKT), shu jumladan, raqamli texnologiyalardan foydalanish imkoniyatlarini kengaytirish jamiyatni yanada demokratlashtirish jarayonida ularning faolligini va ta`sirini oshirishga yordam beradi.
Uchrashuv qatnashchilari ommaviy axborot vositalari sohasi bilan bog`liq uchta asosiy jihat - ularning axborot ishlab chiqaruvchilar sifatidagi faoliyati, ommaga ta`siri va axborotni yetkazish vositasi sifatida AKTni rivojlantirish masalalarini ko`rib chiqdilar.
Ta`kidlandiki, axborot maydonining globallashuvi jarayonida zamonaviy texnologiyalarga asoslangan televidenie va Internetning paydo bo`lishi hisobiga sayyoramizning turli mintaqalari ommaviy axborot vositalari ish tajribasini o`rganish dolzarb vazifaga aylanmoqda. Birinchi navbatda ommaviy axborot vositalari faoliyati va axborot texnologiyalaridan foydalanishda madaniy, tarixiy, iqtisodiy va boshqa turli yondashuvlar mavjud bo`lgan G`arb, Osiyo mamlakatlari tajribasini o`rganish lozim. Bunday tajribani o`rganish Markaziy Osiyo davlatlari uchun ayniqsa muhim, chunki bugungi kunda ular o`z rivojlanish hususiyatlarini hisobga olgan holda milliy va mintaqaviy axborot maydonlarini kengaytirish siyosatini amalga oshirmoqda.
Uchrashuvda axborot jamiyatlari jadal shakllanayotgan, global va mintaqaviy xavfsizlikka nisbatan yangi tahdidlar va yangi muammolar paydo bo`layotgan hozirgi sharoitda yetakchi ommaviy axborot vositalarining strategiyasiga oid masalalar muhokama qilindi. Frantsiyaning elektron ommaviy axborot vositalaridan foydalanishni rag`batlantirish bo`yicha "Almatropi" assotsiatsiyasi prezidenti S.Sudoplatoff, Rossiyaning "Politika" jamg`armasi prezidenti V.Nikonov, Germaniyaning A.Shpringer nomidagi nashriyot uyi Jurnalistlar maktabi direktori o`rinbosari R.Porsh, Koreya Respublikasi Axborot va kommunikatsiya universiteti professori Chju Hun Sun, Rossiya teleradioeshittirish milliy uyushmasi prezidenti E.Sagalaev, Yaponiyaning "NHK" teleradiokompaniyasi ma`muriy resurslar departamenti boshqarmasi boshlig`i N.Nakamura, boshqa taniqli jurnalistlar va ommaviy axborot vositalari hamda axborot texnologiyalari sohasi mutaxassislari shu haqda gapirdilar. Ular uchrashuv qatnashchilarini ommaviy axborot vositalarining jamiyat va biznes bilan aloqasi, jamoatchilik fikrini shakllantirishdagi ta`siri kabi yo`nalishlarda o`z mamlakatlarining nazariy va amaliy yutuqlari bilan tanishtirdilar.
Anjumanda iste`molchilarning turli guruhlari istak va ehtiyojlarini o`rganishning yangi uslublarini joriy etishga alohida e`tibor qaratildi. Ommaviy axborot vositalari bunday texnologiyalar va uslublarga tayanib, axborotni yetkazib berishning qisqa muddatli va uzoq muddatli strategiyalarini yaratmoqda. Ayni paytda uning ayrim turlariga, shu jumladan, siyosat, iqtisod, savdo, fan, ta`lim, madaniyat kabi sohalarda aholi talabini shakllantirmoqda. Uchrashuvda, shuningdek, jahon tajribasining boshqa jihatlari ham tilga olindi. Ular orasida iste`molchiga axborotni yetkazib berish sohasida ustuvorliklarni tanlash, ommaviy axborot vositalari ishida axborotni uzatish tezligi ortishi bilan bog`liq o`zgarishlar, elektron resurslar rivojlanishi natijasida media bozorida raqobatning keskinlashuvi kabi dolzarb masalalar bor.
Tahlilchilar, tadqiqotchilar va jurnalistlar global axborot maydonining uzviy qismi sifatida Markaziy Osiyo davlatlari axborot hududlarining rivojlanishi va shakllanishi istiqbollarini ham ko`rib chiqdilar. Bunda ularning o`z strategik manfaatlari hamda "raqamli" va media hududi sohasida dunyoning yetakchi mamlakatlari bilan hamkorligi hisobga olindi.
Uchrashuvda O`zbekiston Respublikasi Bosh vaziri o`rinbosari, Aloqa va axborotlashtirish agentligi bosh direktori A.Aripov ishtirok etdi.
nda Toshkentdagi ommaviy axborot vositalarida faoliyat ko‘rsatayotgan jurnalistlar bilan birga, ularning Qoraqalpog‘iston Respublikasi va viloyatlardagi hamkasblari ham ishtirok etish imkoniga ega bo‘ldilar.

Anjuman O‘zbekiston Mustaqil bosma ommaviy axborot vositalari va axborot agentliklarini qo‘llab-quvvatlash va rivojlantirish jamoat fondi tashabbusi bilan Respublika Ma’naviyat targ‘ibot markazi, O‘zbekiston Jurnalistlari ijodiy uyushmasi, Fuqarolik jamiyatini o‘rganish instituti hamkorligida tashkil etildi.

Videokonferensiyada O‘zbekiston Respublikasi Oliy Majlisining Senati a’zolari va Qonunchilik palatasi deputatlari, jamoat va xalqaro tashkilotlar vakillari, ma’naviyat targ‘ibotchilari, mamlakatimizdagi gazeta va jurnallar, elektron nashrlarning rahbarlari ishtirok etdi.
Tadbirda O‘zbekiston Qahramoni, xalq shoiri, Yozuvchilar uyushmasi raisi A.Oripov, O‘zbekiston Jurnalistlari ijodiy uyushmasi raisi SH.G‘ulomov, O‘zbekiston Aloqa va axborotlashtirish agentligi bosh direktori o‘rinbosari A.Xo‘jayev, Respublika Ma’naviyat targ‘ibot markazi rahbari M.Hojimatov, O‘zbekiston Mustaqil bosma ommaviy axborot vositalari va axborot agentliklarini qo‘llab-quvvatlash va rivojlantirish jamoat fondi ijrochi direktori J.Hakimov Prezidentimiz Islom Karimov rahnamoligida mamlakatimizda jamiyat hayotining barcha jabhalarini demokratlashtirish, modernizatsiya qilish, islohotlarni yanada chuqurlashtirish jarayoni yagona ezgu maqsadga – inson manfaatlariga xizmat etayotganini ta’kidladilar.
Davlatimiz siyosatining mazmun-mohiyatini, yurtimizda kechayotgan islohotlar jarayonini chuqur tahliliy yondashgan holda, xolis va ayni paytda xalqimizga tezkor yetkazishda, jamoatchilik fikrini shakllantirishda, odamlarning axborotga bo‘lgan ehtiyojini qondirishda ommaviy axborot vositalarining ahamiyati beqiyosdir.
Shu bois yurtimizda ommaviy axborot vositalarining iqtisodiy erkinligini ta’minlash, ularni har tomonlama qo‘llab-quvvatlash va rivojlantirish, moddiy-texnik bazasini mustahkamlash, jurnalist kadrlarni tayyorlash, qayta tayyorlash, kasbiy malaka va mahoratini oshirish borasida keng ko‘lamli ishlar amalga oshirilmoqda.
Yurtboshimiz taklifi bilan O‘zbekiston Mustaqil bosma ommaviy axborot vositalari va axborot agentliklarini qo‘llab-quvvatlash va rivojlantirish jamoat fondining tashkil etilishi yurtimizda matbuot, axborot agentliklari va internet-nashrlar rivoji yo‘lida ko‘rsatilayotgan e’tibor va g‘amxo‘rlikning yana bir yorqin ifodasi bo‘ldi.
O‘tgan bir yil mobaynida fond yurtimizning chekka hududlaridagi bosma nashrlarni qo‘llab-quvvatlash va faoliyatini yanada takomillashtirish borasida qator media-loyihalar, ijtimoiy grant dasturlarini amalga oshirdi. Buning natijasida ko‘plab viloyat, tuman bosma nashrlarining moddiy-texnik bazasi mustahkamlanishi barobarida, ularning aksariyati o‘z internet-sahifasiga ega bo‘ldi. Bu esa O‘zbekistonning ijtimoiy-siyosiy, iqtisodiy, madaniy-ma’rifiy hayotiga oid xolis axborotlardan nafaqat mazkur nashrlarning obunachilari, balki dunyo miqyosida keng foydalanish imkonini bermoqda.
Ommaviy axborot vositalari o‘rtasida sog‘lom ijodiy raqobat, jurnalist kadrlarning zamon bilan hamnafas va hamqadam bo‘lishi, o‘z kasbiy mahorati bilan birga siyosiy bilimi va tafakkur salohiyatini muttasil oshirib borishi davr talabidir.
Videoanjumanda inson manfaatlarini ta’minlash, ijtimoiy himoya tizimini takomillashtirishda ommaviy axborot vositalarining vazifalari, jamiyat ma’naviyatini yuksaltirish – ijtimoiy siyosatning muhim omili, “Ijtimoiy himoya yili” Davlat dasturida ko‘zda tutilgan vazifalarni amalga oshirishda ommaviy axborot vositalarining tutgan o‘rni, axborot jarayonlari globallashuvi sharoitida mamlakatimiz milliy manfaatlarini ta’minlash masalalariga bag‘ishlangan ma’ruzalar tinglandi va muhokama etildi. Sohaga oid istiqboldagi faoliyat yo‘nalishlari belgilab olindi.
Qoraqalpog‘iston Respublikasi va viloyatlar hayotini yoritishga yo‘naltirilgan “Region Inform” axborot xizmatining taqdimoti bo‘lib o‘tdi.
Shuningdek, Mustaqil bosma ommaviy axborot vositalari va axborot agentliklarini qo‘llab-quvvatlash va rivojlantirish jamoat fondi tomonidan o‘tkazilgan “Matbuot malikasi” respublika tanlovining natijasi e’lon qilindi. “Uchitel Uzbekistana” gazetasi mas’ul kotibi Nargis Qosimova tanlov g‘olibasi, deb topildi.