Axmamat jumayev, surayyo sharipova

Refleksiya – lotincha “refleksio” – “orqaga qaytish” sub’yektning ichki psixik holatlarini o‘zida anglash jarayoni.

Somatik — jismoniy.

Ijtimoiy adaptasiya metod va usullar tizimi bo‘lib, uning maqsadi insonlarga ularning ijtimoiylashuvi va yangi ijtimoiy sharoitlarga ko‘nikishlariga yordam berish.

Ijtimoiy vasiylik vasiylikka muhtoj odamlarni aniqlaydi, vasiylarni tanlaydi, ularning o‘zaro munosabatlarini tartibga soladi.

Ijtimoiy diagnostika (ijtimoiy tashxis) — ijtimoiy hodisani, uning holatini tavsiflash va rivojlanish tendensiyalarini aniklash maqsadida yaxlit o‘rganish jarayoni. Metod, usullar vositasida tadqiq etishga asoslanadi. Ijtimoiy diagnostika ijtimoiy muammoni bo‘laklarga bo‘lish orqali o‘rganishni nazarda tutadi. Ijtimoiy tashhis o‘rganilayotgan ijtimoiy hodisalarning salbiy tendensiyalarining oldini olishga qaratilgan amaliy harakatlar uchun asos bo‘lib xizmat qiladi.

Ijtimoiy yetim — biologik ota-onaga ega, biroq ular muayyan sabablarga ko‘ra bola tarbiyasi bilan shug‘ullanishmaydi va unga g‘amxo‘rlik qilishmaydi.

Ijtimoiy informasion yordam — bolalarni ijtimoiy g‘amxo‘rlik, himoya, shuningdek, ijtimoiy xizmatlar faoliyati to‘g‘risidagi ma’lumotlar bilan ta’minlashga qaratilgan yordam.

Ijtimoiy ish — ijtimoiy sohadagi tashkiliy faoliyat bo‘lib, jamiyatning barcha qatlamlaridagi ijtimoiy muammolarni yechishga qodir bo‘lgan maxsus ijtimoiy mexanizm hisoblanadi. Uning maqsadi inson manfaati va ehtiyojlarini moddiylashtirish, ijtimoiy va shaxsiy ahamiyatga ega natijalarni qo‘lga kiritish, jamiyatda shaxs, guruh hamda jamoaning‘ ijtimoiy maqomini mustahkamlash yoki o‘zgartirish.

Ijtimoiy iqtisodiy yordam — muhtoj bolalarning ruhiy, axloqiy va emosional holatini tiklash bo‘yicha muassasa va markazlarda yordam ko‘rsatish.