Baholash metodlari

Mezonga asoslangan baholashning afzalliklari:

• O’quv maqsadiga muvofiq baholanadi;
• Ta’lim oluvchining o’zlashtirish darajasini ob’yektiv baholaydi;
• Baholash o’zining aniq ko’rsatkichlariga ega bo’ladi;
• Ta’lim oluvchi olgan bahosida yo’l qo’ygan xatolarini yaqqol ko’rib turadi;
• Hamma uchun bir xil bilim va malaka talablarini o’rnatadi;
• Baholanuvchilarning baholanayotgan sohadagi kuchli va kuchsiz tomonlarini xolisona aniqlab beradi.

Mezonga asoslangan baholashning kamchiliklari:

• Mezonlarni ishlab chiqish ko’p vaqt talab qiladi;
• Ijtimoiy fan yo’nalishlari bo’yicha mezonlar ishlab chiqishda qiyinchiliklarga duch kelinadi;
• Mezonlarning ob’yektivligi, haqqoniyligi va aniqligini aniqlashga nisbatan talablarning ko’pligi.

Me’yorga asoslangan baholashning afzalliklari:

• Ta’lim beruvchi ortiqcha vaqt sarflamaydi;
• Turli shart-sharoitlarga oson moslashtirish mumkin;
• Baho bo’yicha ko’rsatkichlar umumiy tarzda olinadi;
• Baholash natijasida guruh ichidan ma’lum sondagilarni ajratib olish imkonini beradi (kirish imtihonlari).

Me’yorga asoslangan baholashning kamchiliklari:

• Bilimlarni ob’yektiv va haqqoniy baholashning pasayishiga imkoniyat yaratadi;
• Baholashda bilim bilan hulqni baholash aralashtirilib yuboriladi;
• Ba’zan hulqni baholash bilimni baholashni belgilab qo’yadi;
• Baholar ta’lim beruvchi tomonidan sub’yektiv belgilanishi mumkin.

Nazariy bilimlarni baholash:

• Baholash topshiriq shakllari:
• Og’zaki – ochiq, yopiq
• Yozma – yozma ish, test, bayon, diktant, savollarga yozma javob berish.
• Test – bugungi kunda test topshiriqlarining bir qator turlaridan ta’lim jarayonida nazariy bilim va aqliy layoqatini baholashda foydalanilmoqda. Test deganda barcha baholash topshiriqlari nazarda tutiladi. (Psixologik testlar bundan mustasno).