Balalar iskerliginde tálim-tárbiya wazıypaların ámelge asırıw hám basshılıq qılıw Tema rejesi

Balalar iskerliginde tálim-tárbiya wazıypaların ámelge asırıw hám basshılıq qılıw


Tema rejesi:
1. Balalarǵa mámleket hám mámleketlik emes mektepke shekemgi bilimlendiriw shólkemlerinde tálim-tárbiya beriw.

Mektepke shekemgi bilimlendiriw shólkemi mektepke shekemgi tálimge qoyılatuǵın mámleket talaplarına muwapıq balalardı tárbiyalawdı, oqıtıwdı, olarǵa qaray turıwdı, olardı kútimlewdi hám salamatlandırıwdı támiyinleydi.

Mektepke shekemgi bilimlendiriw shólkemindegi tálimdiń mazmun-mánisi Ózbekstan Respublikası Mektepke shekemgi bilimlendiriw Ministirligi tárepinen tastıyıqlanǵan Mektepke shekemgi bilimlendiriw mámleketlik tálim dástúrı tiykarında islep shıǵılǵan tálim dástúrınde belgilep beriledi.
Mektepke shekemgi bilimlendiriw shólkemindegi tálim-tárbiya procesi shınıǵıwlardıń jıllıq, kalendar -temalı jobaları hám kestesi menen tártiplestiriledi.
Mektepke shekemgi bilimlendiriw shólkemi “Bilimlendiriw haqqinda”ǵi Ózbekstan Respublikası Nızamına, Dáslepki hám mektepke shekemgi jastaǵı balalar rawajlanıwına qoyılatuǵın mámleket talaplarına hám basqa nızam hújjetlerine muwapıq tálim beriw hám tárbiyalaw formaları, quralları hám usılların tańlaydi.
Mektepke shekemgi bilimlendiriw shólkeminde tálim-tárbiya procesin shólkemlestiriwdiń tiykarǵı forması oyın esaplanadı.
Hár bir jas toparıdaǵı shınıǵıwlar, oyınlardıń hár kungi sanı, dawam etetuǵın dáwiri hám izbe-izligi mektepke shekemgi bilimlendiriw shólkeminiń oqıw rejesinde belgilep beriledi.
Balalardıń mektepke shekemgi bilimlendiriw shólkemlerinde bolıw waqıtına qaray ondaǵı toparlar tómendegishe bolıwı múmkin:
balalar qısqa múddet (kúnine 3-4 saat) bolatuǵın topar;
qısqa kunli topar (bir kúnde 9 saatǵa shekemgi);
tolıq kunli topar (kúnine 10,5 hám 12 saat);
balalar keshe, kundiz bolatuǵın topar.
Mektepke shekemgi bilimlendiriw shólkeminiń islew tártibi hám balalardıń ol jaǵdayda bolıw waqıtı onıń ustavi hám shólkemlestiriwshilerdiń sheshimi menen belgilenedi.
Mektepke shekemgi bilimlendiriw shólkemi hám balanıń nızamlı wákilleri ortasındaǵı óz-ara munasábetler bala mektepke shekemgi bilimlendiriw shólkemine ótkerilgende dúziletuǵın shártnama menen tártiplestiriledi.
Shártnamada bala mektepke shekemgi bilimlendiriw shólkemine baratuǵın rejim, neshe ret awqatlanıw hám basqa shártler kórsetiledi.
Mektepke shekemgi bilimlendiriw shólkemindegi oqıw jılı usı jıldıń 2-sentabrinen keyingi jıldıń 31-may ayina shekem bolǵan dáwirdi, jazǵı salamatlandırıw dáwiri usı jıldıń 1-iyunınan 31-avgustına shekemgi bolǵan dáwirdi óz ishine aladı.
Mektepke shekemgi bilimlendiriw shólkeminde balalarǵa tálim beriw hám tárbiyalaw “Mámleket tili haqqında”gi Ózbekstan Respublikası Nızamına muwapıq mámleket tilinde hám basqa tillerde alıp barıladı.
Mámleketlik emes mektepke shekemgi bilimlendiriw shólkeminiń maqseti hám wazıypaların, onıń iskerligin shólkemlestiriw, finanslıq támiynlew hám mámleketlik emes mektepke shekemgi bilimlendiriw shólkemin basqarıw iskerligin tártipke saladi.
Mámleketlik emes mektepke shekemgi bilimlendiriw shólkemi óz iskerliginde Ózbekstan Respublikası Konstitusiyası hám nızamlarına, Ózbekstan Respublikası Joqarı Jıynalısı palatalarınıń qararlarına, Ózbekstan Respublikası Prezidentiniń qararları hám buyrıqlarına, Ózbekstan Respublikası Ministrler Mákemesiniń qararları hám buyrıqlarına, basqa nızam hújjetlerine, sonıń menen birge bul qaǵıydaǵa ámel etedi.
Mámleketlik emes mektepke shekemgi bilimlendiriw shólkemi yuridikalıq shaxs esaplanadı hám óz ustavina ǵárezsiz balansına, bank esap nomerlerine, óz atina kórsetilgen muhrge iye boladi.
Mámleketlik emes mektepke shekemgi bilimlendiriw shólkeminiń maqset hám wazıypaları tómendegilerden ibarat:
• Mektepke shekemgi jastaǵı balalardı (keyingi orınlarda balalar dep ataladı) hár tárepleme intellectual, etikalıq, estetikaliq hám fizikalıq rawajlandırıw;
• Tálim-tárbiya beriw arqalı balalardı mektep tálimine sapalı tayarlaw;
• Balalardı mektepke shekemgi tálim menen qamtıp alıw.
Tómendegiler mámleketlik emes mektepke shekemgi bilimlendiriw shólkeminiń wazıypaları esaplanadı:
• Tálim-tárbiya procesine zamanagóy tálim dástúrlerı hám texnologiyaların engiziw;
• Balalardıń ómirin qorǵaw hám salamatliǵin bekkemlew;
• Bala shaxsın saw hám jetik, mektepte oqıwǵa tayarlanǵan tárzde qáliplestiriw;
• Balanıń intellectual, etikalıq, estetikaliq hám fizikalıq rawajlanıwın támiyinlew;
• Balanıń rawajlanıwındaǵı (sóylewinde, kóriwinde, esitiwde) jeńil kemshiliklerdi korreksiyalawdi ámelge asırıw; balalarda xalqımızdıń joqarı ruwxıylıǵı hám adamgershilik dástúrlerine sadıqlıq sezimlerin qáliplestiriw.